Македонија
Жител на струмичкото Ново Коњари заработи кривична за шверц со цигари
СВР Струмица до надлежното Основно Јавно обвинителство поднесе кривична пријава против 63-годишниот К.М. од струмичкото село Ново Коњари, под сомнение дека вршел шверц со цигари.
СВР Струмица до надлежното Основно Јавно обвинителство поднесе кривична пријава против 63-годишниот К.М. од струмичкото село Ново Коњари, под сомнение дека вршел шверц со цигари.
Лицето е осомничено за сторени кривични дела „прикривање стоки кои се предмет на криумчарење и царинска измама“ и „царинска измама“.
Од МВР денеска соопштуваат дека при претрес на куќата и просториите во сопственост на пријавениот од страна на струмичката полиција откриено е дека лицето криело цигари од странско потекло, без акцизна маркица, што потекнувале од кривично дело „криумчарење“.
Притоа, како што информираат од МВР откриени и запленети се 250 штеки цигари “трокадеро блу слимс“, 349 штеки марка „мерлин слимс“ – црвени, 50 штеки „мерлин слимс“-сини и 150 штеки цигари марка „џфк класик“ или севкупно 799 штеки цигари во вредност од 240.000 денари.
Исто така при претресот пронајдени се два моторцикли „хонда“ и „кавасаки“, како и мопед „пијаџо“ за кои, пак, пријавениот не поседувал никаква документација во поглед на потеклото на возилата и за ставање на возилата во царинска постапка за утврдување царински давачки./крај/мвр/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Јовановски за пријавата од Кичеец: Ова е почеток на една битка со цела криминална банда
Зоран Милевски-Кичеец го пријавил Бојан Јоавновски – Боки 13 во полицијата.
Ова се однесува на статусот што Јовановски го објави вчера, а каде посочи дека лица блиски до Кичеец му се закнуваат.
Јовановски вели дека Кичеец е човек кој се огрешил пред законот, а не одговарал за тоа и неговата реакција е очекувана.
„Ова е почеток на една битка и разрешница со цела криминална банда, а во таа криминална банда еден од предводниците е Зоран Милевски-Кичеец“, рече Јовановски.
Неговиот адвокат, Владимир Туфегџиќ, ги оцени наводите на Киччец како неосновани, и укажа дека за лажното пријавување очекува одговорност.
Како што појасни Туфегџиќ, пријавата се однесува на три кривични дела загрозување на сигурноста, демнење и кривично дело лажно пријавување. Ги отфрламе сите наводи, рече Туферџиќ, бидејќи сметаме дека не постојат законски основи за понатамошно процесуирање.
Јовановски претходно на „Фејсбук“ објави дека лица блиски и под команда на Зоран Милевски-Кичеец веќе неколку дена кон него делуваат преку разни форми на закани и притисоци со цел да го откаже второто гостување во подкастот кај Лазаров. Воедно, како што објави Јовановски, заканите и уцените кулминирале кога пред влезот на неговиот стан го пречекале две лица да му пренесат порака од Кичеец.
Скопје
Оваа сабота во „Јавна соба“: базар на втора рака облека, накит, книги и детски играчки
Трендот во големите градови и култура е рециклирање и рекреирање на веќе постоечкото. Колку понапредни општествата – толку повеќе се рециклира, се води сметка за животната околина и сè погласна и популарна е “second hand” модата.
Скопје полека ја прегрнува оваа нова филозофија, но колку е поголема и подобра понудата – толку повеќе ќе има интерес од страна на потрошувачите и ќе има поголем успех.
Оваа сабота (11 мај) во Јавна соба, под слоганот “Second hand е подобро од ново” започнува Базарот каде што посетителите можат да си набават добро сочувано парче гардероба, чевли, накит, книга или можеби некоја играчка. Ќе има бројни штандови со разноразни парчиња кои дефинитивно заслужуваат втора шанса.
И сето тоа во еден забавен, опуштен и пријателски амбиент, еве неколку причини зошто е подобро да купувате работи од втора рака:
– Заштеда на пари
– Помагање на животната средина и зачувување на природните ресурси
– Поддржувате локален и мал бизнис
– Развивате уникатен стил
– Имате чувство како да сте во потрага по богатство
Македонија
На ден пред двојните избори гласаат болните и изнемоштените лица, затворениците и дијаспората
Денес своето право на глас први ќе го остварат болните и изнемоштените лица, како и затворениците во казено-поправните домови во државата.
Од Државната изборна комисија информираа дека за претседателските избори ќе гласаат 11.123 болни и немоќни лица, а за парламентарните избори бројката е поголема за 102 избирачи или ќе гласаат 11.225 болни и немоќни лица.
Освен изнемоштените и затворениците, денес своето право на глас ќе го остварат и пријавените македонски државјани од дијаспората, но единствено за претседателските избори. Гласање за парламентарните избори во дијаспората нема да се спроведе поради недоволен број пријавени.
На овие парламентарни избори поднесени се 17 кандидатски листи, за парламентарните избори од кои 16 на политички партии и коалиции и една од група избирачи. На изборите учествуваат 61 партија. Од нив, 11 самостојно, а 50 во пет коалиции.
На вториот круг од претседателските избори право на глас имаат 1.814.317 избирачи, а на парламентарните избори 1.815.350 избирачи. Разликата во гласовите е 1033, генерално поради граѓани кои стекнуваат полнолетство. Во посебните изводи од Избирачкиот список за лица кои поднеле пријава за гласање во дипломатско конзуларните претставништва или конзуларни канцеларии се запишани 2.569 избирачи, а во затворите или во притвор 2.147 избирачи.