Свет
Четворица Руси грабнати во Судан
Четворица Руси и петмина Суданци се грабнати кога бунтовниците во областа Дарфур успеале да заробат хеликоптер кој и припаѓал на руска компанија, а која работела за потребите на ОН и на африканските мировници во оваа земја, јавува Асошиејтед прес.
Четворица Руси и петмина Суданци се грабнати кога бунтовниците во областа Дарфур успеале да заробат хеликоптер кој и припаѓал на руска компанија, а која работела за потребите на ОН и на африканските мировници во оваа земја, јавува Асошиејтед прес.
Во соопштението на руското Министерство за надворешни работи се вели дека хеликоптерот бил грабнат во понеделникот вечерта, а киднапираните не се повредени.
Киднапирањата на странци се во пораст во Дарфур од 2009 година. Грабнувачите најчесто бараат откуп, но некои од нив имале и политички барања.
Според Обединетите нации, до сега најмалку 30.000 луѓе ги изгубиле своите животи од насилствата, болестите и раселувањето во оваа суданска провинција. /крај/ап/ссе/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Седум бебиња загинаа во голем пожар во болница во источниот дел на Њу Делхи
Седум бебиња загинаа во голем пожар во болница во источниот дел на Њу Делхи, а пет се спасени и префрлени во друга болница, соопштија денеска локалните власти.
Сопственикот на болницата за бебиња во која избувна пожарот во саботата е во бегство, соопшти полицијата.
Како што пренесе Тајмс оф Индија, пожарот е ставен под контрола, а истрагата за причините за несреќата е во тек.
Свет
Вирусот на птичји грип е пронајден во говедско месо во САД
Вирусот на птичји грип е пронајден во говедско месо во САД, но официјални лица изјавија дека месото потекнува од една болна млечна крава и дека не било дозволено да се најде во продавниците во земјата, соопшти американското Министерство за земјоделство.
Надлежните прецизираат дека говедското месо останува погодно за консумирање.
Министерството соопшти дека вирусот бил откриен за време на тестирањето на 96 млечни крави кои биле извадени од производната линија бидејќи федералните инспектори забележале знаци на болеста при рутински прегледи на трупови во погоните за преработка на месо. Птичји грип е пронајден само кај една од овие крави.
Птичјиот грип е пронајден во стадата млечни говеда во девет држави, откриен е во млеко и предизвика уништување на милиони кокошки и мисирки. Сепак, неговото откритие во говедско месо е новост за епидемијата што започна во 2022 година.
Регион
Состојбата на словачкиот премиер Фицо се подобрува
Лекарскиот тим, што се грижи за словачкиот премиер Роберт Фицо, по минатонеделниот атентат денеска потврди дека неговата состојба е субјективно подобрена, соопшти прес-службата на словачката Влада.
Фицо се лекува во болницата „Рузвелт“ во Банска Бистрица.
Тој беше застрелан минатата среда од 71-годишниот писател Јурај Цинтула, кој веднаш беше приведен од полицијата.