Македонија
„Дивелоп груп“ ќе го гради хотелот со пет ѕвезди кај Горица

Елитниот хотел со пет ѕвездички предвиден со урбанистичкиот план вон населено место за туристички комплекс на дел од туристички локалитет Горица кај Охрид, ќе го гради скопската компанија „Дивелоп груп“, пренесува интернет весникот „Охридњуз“.
Елитниот хотел со пет ѕвездички предвиден со урбанистичкиот план вон населено место за туристички комплекс на дел од туристички локалитет Горица кај Охрид, ќе го гради скопската компанија „Дивелоп груп“, пренесува интернет весникот „Охридњуз“.Парцелата со вкупна површина од 15.878 метри квадратни, наменета за изградба на хотелски комплекс денеска повторно беше ставена на јавно наддавање со почетна цена од 61.00 денар по метар квадратен. Од пристигнатите три понуди, најповолна била таа на „Дивелоп груп“, која на јавното наддавање понудила вкупно 63.670.780 денари (нешто повеќе од еден милион евра) или 4.010 денари по метар квадратен. Најповолниот понудувач, е должен во рок од 15 дена да ги уплати понудените средства во спротивно договорот за изградба на елитен хотел во Охрид еднострано ќе биде раскинат, а банкарската гаранција во износ од 100.000 евра ќе биде активирана, информираат од Министерството за транспорт и врски.„Дивелоп груп“ се поврзува со изградбата на хотел од светски познатиот ланец „Мериот“ во Скопје.Државата веќе четири години се обидува да го продаде атрактивното земјиште кај Горица. По неколкуте неуспешни обиди да се привлече познат хотелски бренд, Владата ги спушти критериумите и локацијата ја понуди на продажба по цена од едно евро за метар квадратен. На претходното јавно наддавање за плацот кај Горица беа понудени 23000 евра, но купопродажбата не се реализира затоа што понудувачот не ги уплати потребните средства. крај/охридњуз/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ДИК: Навреме отворени сите избирачки места, гласањето се одвива без проблем

Државната изборна комисија извести дека денес навремено се отворени сите избирачки места и процесот на гласање се спроведува без проблем.
На Локалните избори 2025 во Северна Македонија право на глас имаат 1.832.415 граѓани.
Се гласа за вкупно 309 кандидати за градоначалници и 576 листи за членови на општинските совети со вкупно 10 490 кандидати.
Гласањето на локалните избори започна во 7:00 часот и ќе трае непрекинато до 19:00 часот. Ако гласањето биде прекинато подолго од еден час, тоа ќе продолжи за онолку време колку што траел прекинот, но не подолго од три часа.
Македонија
Претпладне променливо облачно со сончеви периоди, попладне намалување на облачноста

Претпладне променливо облачно со сончеви периоди. Во западните планински региони ќе има услови за слаб дожд. Попладне облачноста ќе се намали. Ќе дува слаб, долж Повардарието умерен ветер од северен правец. Максималната температура ќе биде во интервал од 13 до 19 степени.
Во Скопје, претпладне променливо облачно со сончеви периоди. Попладне облачноста ќе се намали. Ќе дува слаб до умерен ветер од северен правец. Максималната температура ќе достигне до 18 степени
Македонија
Сообраќајот низ државата се одвива непречено, по влажни коловози

Сообраќајот на државните патишта се одвива непречено, по влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.