Контакт

Свет

Бројот на загинати во невремето на југот на САД се искачи на преку 200

Објавено пред

Бројот на загинати во бурите и торнадата кои зафатија шест држави на југот на САД се искачи над 220, соопштија локалните власти.

dobivaj vesti na viber

Бројот на загинати во бурите и торнадата кои зафатија шест држави на југот на САД се искачи над 220, соопштија локалните власти. Според гувернерот на Алaбама, Роберт Бентли, само во оваа држава загинале 131 човек, а најмногу во градот Таскалуза, кога торнадото го опустошил централното градско подрачје. Делови на градот во кои се наоѓа прочуениот универзитет Алабама се потполно разурнати, а уништена е и инфраструктурата. Од невремето и преку шест милиони луѓе останаа без електрична енергија. Нуклеарната централа која се наоѓа западно од градот Хантсвил остана без струја и сега работи благодарение на генераторите на дизел гориво. Во Мисисипи загинаа 11 лица, четворица во Џорџија,а еден човек го загуби животот во Тенеси. Гувернерите на Алабама, Арканзас и Тенеси прогласија вонредна состојба, додека ситуацијата се смета за сериозна во десетина држави на американскиот југ, од Тексас до Џорџија. Метеорологот, Џош Наглберг изјави дека ова е најразорниот торнадо во историјата на Алабама. Поплавите предизвикуваат загриженост во областите кои се зафатени со врнежи од дожд, бидејќи предизвикаа покачување на нивото на водата во реките. Во неколку американски држави нема електрична енергија додека се пријавуваат големи материјални штети на приватните и државните имоти. Поради невремето администрацијата во долината Тенеси затвори три нуклеарни централи во Алабама. На теренот веќе се распоредени спасувачките тимови и ќе започнат со работа штом тоа им го дозволат временските услови. Лошите временски услови во овој месец зафатија поголем дел од југот на САД. Пред две недели најмалку 47 лица загинаа во силно невреме кое дивееше од Оклахома кон Северна Каролина.  „Лошото време во овој дел на САД трае од април до јуни, но оваа година беше особено лоша. Имавме преку 700 пријави за бури и силни ветришта само во април и тоа всушност е досегашен рекорд“, вели Адриан Вијо, метеоролог од Accuweather и додава дека и натаму ќе има лошо време, но заканата од торнада како ова се намалува. крај/бл/н.ц



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет

Зеленски: На крајот од неделата ќе има состанок меѓу украинските и американските тимови за преговорите со Русија

Објавено пред

Украинскиот претседател Володимир Зеленски објави дека украинските и американските тимови ќе се состанат оваа недела за да разговараат за можни мировни преговори со Русија. Зборувајќи во Киев на заедничка конференција со норвешкиот премиер Јонас Гар Сторе, Зеленски рече дека консултациите се во тек и дека денес ќе се сретне одделно со специјалниот американски претставник Кит Келог.

dobivaj vesti na viber

„На крајот од неделата ќе има состанок меѓу украинските и американските тимови“, рече Зеленски, пренесува Интерфакс-Украина. Тој додаде дека украинската страна очекува многу работа во наредните денови.

Според него, вчера се одржале разговори меѓу шефот на претседателската канцеларија Андрије Јермак и американскиот министер за надворешни работи Марко Рубио, како и со други партнери. Украинскиот министер за надворешни работи Андриј Сибиха се приклучи на онлајн состанокот на министрите за надворешни работи на Г7 што се одржа на Денот на независноста.

„Ми се чини дека ќе имаме основен план за безбедносни гаранции. Ќе биде потребно повеќе време за детали, сè уште има работа пред нас. После тоа, ќе биде важно да разбереме од американска страна дали Русите се подготвени за состанокот и во каков формат. Дали се подготвени за конфигурацијата предложена од Америка, поддржана од Украина и усвоена од европските лидери – билатерална, а потоа и трилатерална“, рече Зеленски.

На 15 август, американскиот претседател Доналд Трамп се сретна со рускиот лидер Владимир Путин во Алјаска, каде што двајцата лидери посочија дека има напредок кон мировен договор. Во исто време, администрацијата на Трамп го напушти својот претходен план за воведување дополнителни санкции врз Москва доколку не се постигне прекин на огнот.

Путин потоа наводно му ги презентирал своите мировни услови на Трамп, во голема мера усогласени со воените цели на Русија, а американскиот претседател го нарече состанокот „исклучително продуктивен“.

Три дена подоцна, на 18 август, во Белата куќа се одржа самит на кој присуствуваа Зеленски и европските лидери. Трамп ги информираше за условите на Русија, а сите страни, вклучително и Путин, се согласија дека безбедносните гаранции за Киев се од суштинско значење за секој мировен договор.

Зеленски нагласи дека прашањето за територијалните отстапки останува исклучиво прашање за дискусија меѓу него и Путин. Но, рускиот министер за надворешни работи Сергеј Лавров на 20 август изјави дека безбедносните гаранции мора да ги вклучат и Русија и Кина.

Лавров, исто така, се спротивставува на распоредувањето на странски сили во Украина, еден од камен-темелниците на пакетот безбедносни гаранции.

Фото: принтскрин

Прикажи повеќе...

Регион

Дете остана без рака при експлозија на плажа кај Будва

Објавено пред

Страшна несреќа се случи на плажа во близина на Будва, каде што вчера експлодираше боца за нуркање. Во таа прилика, едно дете беше тешко повредено.

dobivaj vesti na viber

Црногорската полиција го уапси М. Б. (45), граѓанин на Белград, кој е обвинет за предизвикување јавна опасност и нелегални активности. Според официјалните информации, осомничениот управувал со опрема за нуркање без потребната регистрација или одобрение, што, како што е наведено, ги загрозило животите на присутните.

Детонацијата се случила во непосредна близина на плажата, кога експлодирала боцата за нуркање. Делови од неа одлетале на поголемо растојание и го погодиле детето, странски државјанин, во раката, што довело до ампутирање на неговата рака. Повреденото дете веднаш било пренесено во болница.

До него, уште две лица се здобиле со полесни повреди од експлозијата и побарале медицинска помош.

На местото на настанот дошол обвинителот на Основното државно обвинителство во Котор, заедно со експерти од машинската струка, каде што била спроведена истрагата. По спроведените мерки и дејствија, М.Б. бил уапсен и приведен од надлежните органи.

Несреќата предизвика голема вознемиреност кај туристите и локалните жители, додека истрагата треба да ги утврди сите околности и одговорноста на осомничениот, пренесуваат медиумите во соседството.

Фото: принтскрин

Прикажи повеќе...

Свет

Меркел: Сè уште стојам зад политиката на отворени граници за мигрантите

Објавено пред

Поранешната германска канцеларка Ангела Меркел изјави дека е изненадена што сè уште е критикувана за нејзината политика за мигрантите и фразата „ние можеме да го направиме тоа“, велејќи дека стои зад неа затоа што се грижи за човечкото достоинство.

dobivaj vesti na viber

Меркел во документарецот на ARD „10 години – Ние можеме да го направиме тоа!“ рече дека морала да го направи тоа „со човечко достоинство“ и дека за неа „пристапот кон прашањето е важен“, објавува денес „Tageschau“.

„Се осврнувам наназад и сфаќам дека тоа беше посебна одлука со која се соочив. Но, исто така, во последниве години, бев изненадена колку често тие три збора, „можеме да го направиме тоа“, ми беа возвратени назад. Тие не требаше да изразат ништо друго освен дека се соочуваме со огромна задача“, рече Меркел во единственото телевизиско интервју што го даде по повод десетгодишнината од отворањето на границите на Германија за бегалци и мигранти.

Таа рече дека ѝ било јасно дека нејзината одлука „ги навела луѓето да се приклучат на Алтернатива за Германија (АфД)“, која беше основана во 2013 година, и дека тоа „сигурно ја зајакна АфД“, но дека тоа не е причина да не се направи нешто што таа го смета за правилно, важно и хумано.

За време на разговорот, Меркел се дистанцира од пресвртот во политиката на Христијанските демократи (ЦДУ) и нивното затворање на границите за мигрантите, пренесува Танјуг.

„Ова е процес, но досега постигнавме многу. И она што сè уште треба да се прави, мора да продолжи да се прави“, рече таа.

Германскиот канцелар Фридрих Мерц неодамна даде лоша оценка за својот претходник од ЦДУ на прес-конференција кога беше прашан дали Германија навистина успеала во својата политика кон мигрантите.

„Денес знаеме дека очигледно не успеавме во областа за која таа (Меркел) размислуваше во тоа време“, рече Мерц.

Фото: принтскрин

Прикажи повеќе...

Најново

Македонија2 часа

Голема акција на Финансиската полиција: уапсени седум лица за даночни измами и перење пари, го оштетиле буџетот за 430 милиони денари

По двегодишна опсежна предистражна постапка, во текот на денешниот ден Управата за финансиска полиција спроведе акција во која беа извршени...

Македонија4 часа

Предложен притвор за таткото што тепаше играчи на фудбалскиот натпревар во Штип

Основното јавно обвинителство Штип денеска поведе итна постапка против едно лице за кривично дело – Насилство. Осомничениот извршил грубо насилство...

Свет4 часа

Застрашувачки снимки од напад врз болница во Газа, меѓу загинатите има и новинари

Најмалку 15 лица, вклучувајќи четворица новинари, беа убиени денес во израелските напади врз болницата „Насер“ во градот Кан Јунис во...

Македонија5 часа

Поскапуваат бензините и дизелот

Бензините и дизелот од ноќеска на полноќ ќе поскапат за половина и за еден денар, соопшти Регулаторната комисија за енергетика,...

Македонија6 часа

Алиу на средба со д-р Кедев: Сите што имаат информација за евентуални неправилности да се обратат до Министерството

Министерот за здравство Азир Алиу денеска оствари средба со д-р Сашко Кедев, на која беа разменети информации во врска со...

Македонија6 часа

Зеленски: Украина високо ја цени непоколебливата солидарност на Северна Македонија во поддршка на нашата слобода

Украина високо ги цени непоколебливата солидарност и силниот глас на Северна Македонија во поддршка на нашата слобода, достоинството и правото...

Топ7 часа

Тешко повредена жена во Автокоманда, маж ја удрил во главата со гајба полна со стаклени шишиња

Основното јавно обвинителство Скопје поведе постапка против едно лице за кого постои основано сомнение дека сторил кривично дело – Тешка...

Европа10 часа

Русија уништи 21 украински дрон во текот на ноќта, два летаа кон Москва

Руските одбранбени единици уништија 21 украински дрон во текот на ноќта, објави руската државна новинска агенција, повикувајќи се на податоци...

Свет10 часа

Канада отворена за испраќање мировни сили во Украина

Канадскиот премиер Марк Карни му рече вчера на украинскиот претседател Володимир Зеленски дека ги поддржува барањата на Украина за силни...

Европа11 часа

Мерц: Никој повеќе не треба да има илузии, Германија е во структурна криза

Германскиот канцелар Фридрих Мерц призна дека справувањето со економските предизвици се покажува како многу поголем предизвик отколку што првично очекувал....

Македонија11 часа

На Табановце за излез од државата се чека 30-ина минути

Сообраќајот на државните патишта се одвива непречено, по суви коловози. Интензитетот на сообраќајот на патиштата надвор од градските средини е...

Македонија21 час

Вкупно девет пожари на отворен простор, активен еден, а два се под контрола

На територијата на државата денеска до 18:00 часот имало вкупно девет пожари на отворен простор, од кои еден е активен,...

Свет22 часа

Лавров ги соопшти условите на Русија за постигнување мир во Украина

Рускиот министер за надворешни работи Сергеј Лавров денеска ги изложи клучните услови на Русија за постигнување мир во Украина, предлагајќи...

Македонија1 ден

Мицкоски очекува историска победа на ВМРО-ДПМНЕ на локалните избори, приоритет ќе биде хигиената во Скопје

Она што го направи ВМРО-ДПМНЕ и Коалицијата овие два дена, претставува, навистина, новитет на политичката сцена во Македонија. Добро е...

Топ1 ден

Во возило откриени 15 мигранти од Египет и Сирија

Вкупно 15 мигранти од Египет и Сирија се пронајдени синоќа во возило на регионалниот пат Богданци–Гевгелија, на место викано „Македонија...

Регион1 ден

Вучиќ најави намалување на цените на јајцата, зеленчукот, овошјето, млечните производи…

Претседателот на Србија, Александар Вучиќ, објави денеска дека од идната недела ќе се ограничат маржите во трговските синџири, што ќе...

Свет1 ден

Палестински камерман убиен во појасот Газа

Палестинската новинска агенција (ВАФА) објави дека израелските војници убиле палестински камерман во северниот дел на Појасот Газа. Камерманот Калед ал...

Македонија1 ден

Пратениците се одморија, од утре почнуваат со редовни активности во Собранието

Пратениците од утре официјално почнуваат со работа по годишниот одмор. Претседателот на Собранието, Африм Гаши за утре закажа неформална средба...

Свет1 ден

Зеленски вели дека постои вистинска можност да заврши војната во Украина

Претседателот на Украина, Володимир Зеленски синоќа најави дека следните денови ќе бидат готови безбедносните гаранции за неговата земја. Тој, по...

Македонија2 дена

Тврдењата на д-р Кедев за операциите во приватните болници ќе ги „чешлаат“ експерти од Словенија, Италија и од Германија

Министерот за здравство, Азир Алиу, најави дека до понеделник ќе биде комплетирана листата со странски експерти кои ќе ја анализираат...