Свет
Пакистанецот Саид вториот најбаран човек на планетата
САД го ставија Пакистанецот Хафиз Мохамад Саид, основач и водач на групацијата Лашкар-е-Таиба, на второто место од листата на најбараните светски терористи, распишувајќи награда од 10 милиони долари за неговото апсење.
Водачот на радикалната исламистичка талибанска групација Лашкар-е-Таиба, Хафиз Мохамад Саид кого го сметаат за одговорен за крвавите напади врз деловниот центар на индиската метропола Бумбаи од ноември 2008 година кога загинаа околу 170 луѓе, стана сега најбараниот човек на светот за САД, по водачот на глобалната терористичка мрежа на Ал Каеда, Египќанецот Ајман ал-Завахири, за чие апсење Американците ќе исплатат награда од 25 милиони долари, а веднаш зад оваа двојка е лидерот на авганистанските талибани Мула Омар, за кој исто така е распишана награда 10 милиони долари.
Оваа вест во понеделникот ја објави американската државна потсекретарка Венди Шерман, а во вторникот ја потврди интернет страницата Rewards for Justice, на којашто американската влада ги поставува имињата на лицата што ги бара, заедно со сумата од паричната награда којашто ќе ја исплати за информација којашто ќе доведе до апсење на бараната личност и подигнување обвинение против нив.
Ресурсот Rewards for Justice потсетува дека Саид е „осомничен за организирање на многу терористички напади, меѓу кои и оние во Мумбаи 2008 година“, во кој загинаа 166 лица, од коишто шест американски државјани“.
Пакистан еден месец по нападите во Мумбаи. Хафиз Саиз го стави во домашен притвор, но во 2009 година го ослободи од обвинението, поради недостиг од докази, што годиан подоцна го потврди и Врховниот суд.
Оттогаш Саид води нормален живот и јавно е активен во Пакистан, најчесто како директор на една од позначајните невладини хуманитарни организации Џамат-уд-Дава,, којашто особено се истакна со работата во помагање на жртвите од катастрофалниот земјотрес во 2005 година. Последен пат минатиот вторник Саид учествуваше во протестите со коишто од пакистанските власти се бара да одбијат повторно да ги отворат своите патни сувоземни коридори за конвоите на НАТО за снабдување за единиците од мисиите ИСАФ во Авганистан.
САД ја сметаат хуманитарната организација Џамат-ду-Дава за параван за Лашкар-е-Таиба, којашто е забранета во Пакистан, и двете се наоѓаат на нивниот попис на терористичките организација, иако нејзините активисти упорно ја отфрлаат секоја поврзаност со терористички дејствувања./крај/афп/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден со порака до Трамп: Ги посрами САД и ги издигна интересите на богатите над оние на обичните Американци
Поранешниот претседател на САД, Џо Бајден, упати остри критики кон актуелниот шеф на државата, Доналд Трамп, посочувајќи дека тој го уништува не само Источното крило на Белата куќа, туку и целата земја, јави ДПА.
– Знаев дека Трамп ќе преземе деструктивни дејствија против земјата, но морам да признаам дека немав претстава дека ќе стане вистински уништувач, рече Бајден на гала-вечера на Демократската партија во градот Омаха, Небраска.
Поранешниот претседател демократ, кој сега има 82 години, ова го кажа во врска со проектот на Трамп на местото на Источното крило на Белата куќа да се изгради сала за балови. Трамп претходно изјави дека неговите планови за таква сала „нема да влијаат на зградата во нејзиниот сегашен изглед“.
– Ова е совршен симбол на неговото претседателствување, посочи Бајден.
– Трамп презеде деструктивни дејствија не само против домот на народот, туку и против Уставот, владеењето на правото и самата наша демократија, додаде поранешниот претседател.
Бајден директно му се обрати на Трамп во својот говор, изјавувајќи дека со своето однесување актуелниот шеф на државата ги посрамил САД и ги издигнал интересите на богатите над оние на обичните Американци.
Свет
Се бараат оставки поради трагедијата во Домот за пензионери
Голем број граѓани на Тузла денеска излегоа на улиците на градот и одржаа протест, изразувајќи го своето незадоволство поради трагедиите и скандалите што го погодија Тузланскиот кантон.
Пожарот што избувна во вторникот во Домот за пензионери во Тузла однесе 13 животи, а 12 пациенти сè уште се наоѓаат во болница. Како што беше утврдено, жртвите починале од труење со јаглерод моноксид.
Една седмица претходно, Тузланскиот кантон го потресе случајот со подведување малолетнички, за што се осомничени полициски службеник и еден професор. Нивното подведување траело неколку месеци во текот на минатата и оваа година.
Присутните граѓани од Тузла, но и оние кои допатуваа од други градови на Босна и Херцеговина, денеска побараа оставки од надлежните.
Свет
Три девојки планирале терористички напад во Париз
Девојки на возраст од 18, 19 и 21 година, беа уапсени и обвинети за терористичка завера и планирање напад во Париз, соопштија денеска истражните органи.
Како што е наведено, тие неколку недели планирале насилен терористички напад врз кафуле или концертна сала во Париз, јави РТЛ.
Апсењето и обвинението против трите жени е резултат на истрагата на Националното обвинителство за борба против тероризмот, која беше успешно завршена пред 10-годишнината од смртоносниот терористички напад на 13 ноември 2015 година во Париз.

