Македонија
Претседателот на „Достоинство“ ја тужи министерката Јанкулоска
Претседателот на здружението на бранители „Достоинство“, Стојанче Ангелов поднесе приватна кривична пријава против министерката за внатрешни работи, Гордана Јанкулоска.
„Гордана Јанкулоска највулгарно лаже, кога тврди дека против мене има правосилна пресуда. До денес против мене нема ниту една правосилна пресуда за било какво дело. Затоа против неа поднесов приватна кривична пријава“ рече Ангелов пред Основниот суд 1.
Како што објасни неговиот адвокат, министерката Јанкулоска извршила типично кривично дело „клевета“. И адвокатот и Ангелов велат дека со ова министерката врши притисок врз судството.
„Со тоа сметам дека министерката врши притисок врз судството, односно прејудицира донесување на пресуда, како што веројатно одговара за МВР. Од кои причини? Од причини што Кривичната пријава против Стојанче Ангелов и против другите лица беше поднесена токму од МВР“, изјави неговиот адвокат, Александар Наков.
„Па најверојатно нејзина желба е пресудата да биде потврдена и на Апелација, иако се работи за смешна пресуда, за шест месеци условна затворска казна. Јас и во оваа прилика јавно ќе го запрашам јавниот обвинител кој што на рочиштето се правеше недоветен и не сакаше да го прошири обвинението. Како што знаете, имаше 30 професори во онаа комора за обезбедување, само против половина од нив имаше покренато кривична пријава. Поголемиот број од останатите до денес работат на високи функции во МВР. Ако тоа било кривично дело, зошто против нив не поднесат кривични пријави“ вели Ангелов.
Ангелов рече дека целта на министерката и други личности била да го исплашат и да го принудат да се повлече од своите активности во здружението.
„Јас многу пати сум кажал и пак ќе повторам: не постои начин како да ме замолчите се додека вистината не ја истераме на виделина“ рече Ангелов.
Ангелов минатата недела обвини дека инспектори од Одделението за организиран криминал на МВР се во потрага по докази дека претседателот на здружението на бранителите „Достоинство“, Стојанче Ангелов, зема лажни боледувања. Според него, деновиве инспекторите барале од неговиот матичен лекар да им го даде здравственото досие, од каде што зел одредена медицинска документација.
Министерката Јанкулоска минатата недела тврдеше дека МВР само постапувало по одредени пријави.
„Министерството за внатрешни работи има една пријава против ова лице и по однос на таа пријава тој е веќе осуден со правосилна судска пресуда. По однос на сите други злоупотреби кои се однесуваат на други сектори, конкретно здравство, непречено и континуирано ќе постапуваме за да откриеме одредени недоследности во постапувањето и доколку тие се утврдат, оној кој ги прекршил прописите ќе одговара“, рече министерката Јанкулоска.
Ангелов доби условна затворска казна, како член на испитната комисија на Комората за обезбедување на Ангеле Јовановски за лажно издавање на лиценци. Ангелов се товари дека помагал во извршување на кривичното дело. Јовановски беше осуден на една година и десет месеци затвор./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Посебен сообраќаен режим утре и задутре во Тетово поради предизборни митинзи
СВР Тетово информира дека поради одржување на митинзи на политичките партии во рамки на предизборната кампања во следните два дена (недела и понеделник) ќе има посебен сообраќаен режим во центарот на градот.
– Ќе се воведе посебен режим на сообраќајот и тоа по булевар „Илирија“од влезот на Тетово сè до плоштадот, односно кружниот тек со булевар „Илинденска”, при што нема да се дозволува паркирање на возилата низ булеварот. Исто така, за време на митинзите сообраќајот ќе биде пренасочен по другите улици, и тоа по улиците „ЈНА“, „Тодор Ципоски-Мерџан”, „Јане Сандански“ и улица „Никола Тесла“, се вели во соопштението на СВР Тетово.
Отттаму со апел возачите да бидат трпеливи и да ги почитуваат наредбите што ќе ги издаваат полициските службеници.
Македонија
Ковачевски: Имаме задача да не се откажеме од европскиот сон за подобра и просперитетна држава за идните генерации
„Нашата генерација има задача да не се откаже од европскиот сон на земјата и да направи сè за Македонија да стане рамноправна членка на Европската Унија“, порача претседателот на СДСМ, Димитар Ковачевски, на митингот на Коалицијата за европска иднина во Кичево.
Ковачевски истакна дека денеска кога чествуваме 121 година од смртта на македонскиот револуционер, идеолог и учител, Гоце Делчев, важно е да се потсетиме дека низ историјата нашиот народ не се откажувал дури ни пред најтешките предизвици. Порача дека 8 мај е нов историски крстопат, денот кога сите прогресивни и демократски сили во државата треба да одлучат државата одлучно да продолжи на патот кон Европската Унија.
„Само така ќе изградиме подобра и просперитетна држава за идните генерации. Држава со европски животен стандард, европски вредности, европски правила на игра“, рече Ковачевски.
Ако ВМРО ДПМНЕ и Силјановска се дограбат до власта, ќе стават рампа на патот на Македонија кон Брисел и ќе можеме да се збогуваме од ЕУ, истакна Ковачевски.
„Не смееме да ја повториме грешката од минатото и да дадеме преголема моќ во рацете на десничарска партија како ВМРО ДПМНЕ. Уште се свежи раните што ѝ ги нанесоа на државата за време на нивното 11-годишно владеење на Македонија. Сетете се на заробените медиуми, замолчените вработени во јавниот сектор, натепаните студенти во библиотеките и плоштадите. Сетете се на милионите потрошени за жални врби, лажен барок, евтин стиропор само за да се богатат поединци од ВМРО – ДПМНЕ“, истакна Ковачевски.
Лидерот на СДСМ пред граѓаните на Кичево најави повисоки плати и пензии, пакети за поддршка на учениците и студентите, одговорна социјална политика и одлучна борба против криминалот и корупцијата.
Македонија
Проданоски: Експресниот пат Градско-Прилеп ни од далеку не е готов, да ставиме крај на лагите на СДСМ на 8 мај
Тука сме на лице место за да ги разобличиме лагите кои што СДСМ се обидуваат да ги пласираат до јавноста, рече Дејан Проданоски, претседател на ОК на ВМРО-ДПМНЕ Прилеп.
– Овде во Дреновската клисура каде што сме на самиот старт на почетни градежни активности, а за кои што слушнавме дека во 90 % експресниот пат е завршен. Овие се истите лаги исто како оние на почетокот на нивниот мандат кога Фејсбук и Гугл чекаа на граница, истите лаги како фабриката за автомобили во Тетово. Но, македонските граѓани треба да видат и да знаат дека овде на ова место е сам старт на почеток на градежни активности, а не е видлив ниту крајот на она како што тие сакаат да го пласираат. Да не зборувам тука и за третата фаза од експресниот пат за која што има обезбедено средства и за која што можеше исто да биде завршена ако не беа платени пеналите кон компанијата на која што и се бараше рекет за да остане да го гради автопатот и се изгуби значително голем период од изградба на патот и барање на друга компанија, рече тој.
На лагите од СДСМ им нема крај, овие лаги мора да завршат, затоа на 8-ми мај ве повикувам сите да заокружите број 2 за да и ова автопатско решение биде завршено и биде ставено во функција на секој граѓанин на Република Македонија, додаде Проданоски.