Македонија
Вонредна седница во скопскиот совет за промена на видот на образование на „Зеф Љуш Марку“
Советот на Град Скопје ќе одржи денеска вонредна седница за барањето за промена на видот на средното образование на училиштето „Зеф Љуш Марку“, со цел училиштето да добие акредитација за медицински смер
Град Скопје ја свикува седницата откако минатата недела, министерот за образование и наука, Никола Тодоров понуди три медицински паралелки на албански јазик да бидат отворени во гимназијата „Зеф Љуш Марку“ и две во средното хемиско училиште „Марија Кири Склодовска“, покрај петте постоечки паралелки во медицинското училиште. Родителите на 262 ученици кои сакаат да се запишат во албански паралелки во медицинското училиште „Панче Караѓозов“ во Скопје со недели наназад протестираат со барање да биде проширен бројот на паралелките од пет на 11 со цел сите да бидат примени во прва година без да полагаат квалификациони тестови. Министерот Тодоров рече дека целото Министерство веќе со недели наназад се обидува да изнајде соодветно решение со цел на сите ученици кои сакаат да учат медицина тоа да им биде овозможено.Учениците и нивните родители не се многу задоволни од понудата на Министерството за образование и наука. Тие во понеделникот на неколку часа го запоседнаа медицинското училиште во Скопје, откако дознале дека 20 – тина ученици конкурирале за слободните места во училиштето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
На полноќ настапува молк пред вториот круг од претседателските и парламентарните избори
На полноќ завршуваат кампањите за вториот круг од претседателските избори и за парламентарните.
Кампањата за претседателските избори започна веднаш по првиот круг од изборите, додека дваесетдневната кампања за парламентарните избори на 18 април.
На полноќ започнува молкот пред изборите, кој завршува со затворањето на гласачките места на 8 мај во 19 часот.
Македонија
Во мај уште еден продолжен викенд
Денеска се одбележува вториот ден на Велигден според православниот календар и е неработен за сите граѓани на земјава.
Овој месец ни престои уште еден неработен ден, а тоа е 24 мај (петок) кога се одбележува „Св. Кирил и Методиј“ – Ден на сесловенските просветители.
За граѓаните од православна вероисповед неработен ќе биде 21 јуни (петок), Духовден, петок пред Духовден.
На 23 мај (четврток) се одбележува Националниот ден на Власите и ќе биде неработен за припадниците на оваа националност, додека 16 јуни (недела) муслиманите во земјвата ќе го слават Курбан Бајрам, а неработен ќе биде првиот ден на Курбан Бајрам.
Македонија
СДСМ: Граѓаните масовно да излезат на изборите на 8 ми мај, се одлучува за иднината
СДСМ ги повикува граѓаните масовно да излезат на изборите на 8 ми мај и да гласаат за Стево Пендаровски за претседател и за пратеничките листи на СДСМ и Коалицијата за европска иднина.
„На 8 мај се одлучува за иднината. Во овој клучен момент државата се наоѓа на крстопат. На една страна е враќање назад кон изолација, конфликти, меѓуетничка нетрпеливост и внатрешни поделби со ДПМНЕ. А на другата, продолжување напред, кон прогресот и просперитетот на Македонија во ЕУ, со СДСМ и Коалицијата за европска иднина“, дополнуваат од СДСМ.
Според нив, на 8 мај постои само една социјалдемократска опција, само една лева прогресивна опција која се вика СДСМ.
„Граѓаните со моќта на својот глас можат да кажат стоп за враќањето во кошмарното минато на поделби и тензии и да испратат јасна и гласна порака на сите ретроградни сили дека во Македонија живеат прогресивни луѓе, кои сонуваат за подобра европска иднина за себе и своите деца“, завршуваат од СДСМ.