Uncategorized
ЕУ го замрзнува проширувањето по приемот на Бугарија и Романија

Европската унија ќе направи долга пауза во проширувањето по приемот на Бугарија и Романија, јавија агенциите.
Европската унија ќе направи долга пауза во проширувањето по приемот на Бугарија и Романија, јавуваат повеќе извори од Брисел.
Ова е договорено на ноќешното заседание на Советот на министри за надворешни работи, што се одвива во рамки на средбата на врвот на ЕУ во Брисел.
Министрите донеле решение за замрзнување на понатамошното проширување на ЕУ, се додека не биде донесен европскиот устав или друг документ за реформи во постоечката структура на Унијата.
Истовремено, министрите го отвориле и прашањето за способноста на ЕУ за апсорбирање на нови членки.
Во однос на Бугарија и Романија, министрите потврдиле дека обврските на ЕУ за нивното примање ќе бидат исполнети во 2007-2008 година.
Што се однесува до Турција засега нема договор, а јасно е дека држави како Украина, Молдавија, Грузија и други или немаат или имаат перспектива за присоединување во некое далечна иднина.
ББЦ на македонски јазик јавува дека прашањето за „иднината на Европската Унија повторно исплива на почетокот од Самитот на Организацијата во Брисел, среде повиците на конзервативните лидери за определување на границите на Унијата и за забавување на проширувањето“.
Според овој извор, расправата уште пред самитот, вчера ја отвориле демохристијаните.
„На средбата на демо-христијанските политичари пред почетокот на самитот, гувернерот на германската провинција Баварија, Едмунд Штојбер, чија партија е дел од владеачката коалиција, ги повика европските лидери да го земат во предвид капацитетот на блокот да апсорбира нови членки“, јавува ББЦ.
Премиерот на Луксембург Жан Клод Јункер изрази сомневање за тоа колку брзо балканските земји би можеле да станат членки на Унијата, вели радиото, цитирајќи го Јункер.
„За Бугарија и Романија веќе е решено – тоа ќе се случи на 1 јануари 2007 или 2008 најдалеку. Што се однесува до Хрватска, од секогаш сум велел дека мора да биде истакната членка на европското семејство, имајќи ја предвид историјата на оваа голема нација, традицијата и основните принципи на цивилизацијата. Сите балкански земји имаат европска перспектива, но мислам дека Хрватска е поблиску до тие перспективи отколку останатите земји", рече Јункер.
Други агенциски извори јавуваат дека Австрија во текот на наредните недели треба да отвори широка внатрешна расправа во рамките на ЕУ, за тоа каде се границите на Унијата. Евентуално по тоа, ќе биде јасно дали принципот на проширување на земјите соседи на Унијата ќе биде обновен или пак ќе биде предложена друга форма на заемни односи и соработка.
Според досегашните информации лиферувани од Брисел, не е најјасно што со т.н. западен Балкан.
Макфакс потсетува дека само пред неколку дена високиот претставник за надворешна и безбедносна политика на ЕУ Хавиер Солана прецизно кажа дека обврските од Солунскиот самит мора и ќе бидат исполнети.
Македонија има статус на земја кандидат, но без определен датум за почеток на преговорите со Унијата.
/крај/бг/ст/б
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Uncategorized
Во обилните дождови во Пакистан загинаа над 300 луѓе

Пакистански спасувачи на северот од земјата денеска вадат затрупани тела од урнатини, кал и буици, каде што невообичаено интензивен монсунски дожд за само 48 часа предизвика смрт на над 320 лица.
Во текот на изминатите два дена, смртоносни поројни дождови погодија неколку области на планинската северна покраина Хајбер-Пахтунхва, каде што се регистрирани 307 смртни случаи, половина од сите смртни случаи оваа сезона на монсуни, покажуваат податоците на Управата за управување со катастрофи.
Повеќето од жртвите беа однесени од поројните поплави и починаа кога нивните куќи се урнаа, од електричен удар или удари од гром.
Во оваа покраина што граничи со Авганистан и каде што сè уште има обилен дожд, повеќе од 2.000 спасувачи работат на пронаоѓање преживеани или извлекување на тела закопани под урнатините, изјави денеска Билал Ахмад Фаизи, портпарол на службата за спасување на покраината, пренесен од француските медиуми.
-Обилните дождови, лизгањето на земјиштето и блокираните патишта го отежнуваат пристапот на амбулантните возила, а спасувачите се движат пешки, додаде тој.
Uncategorized
(Фото) По разводот, Ана Ивановиќ не може да ја симне насмевката од лицето, се јави од Мајорка

Српската тенисерка Ана Ивановиќ овие денови максимално го ужива летото судејќи според нејзините објави на „Инстаграм“.
Таа објави неколку фотографии на социјалните мрежи. Позира на плажа и во еден бар, облечена во кафеав фустан од Poupette St Barth со шапка од Hermès и очила за сонце Celine.
Пред тоа таа се пофали и со фотографии од плажа покажувајќи како се сонча и излегува со пријателите, но и дека не ја заборавила својата најголема љубов – тенисот. На сите фотографии во последно време Ивановиќ не симнува насмевка од лицето.
View this post on Instagram
Адвокатот на Ана Ивановиќ, Кристијан Шерц, потврди во изјава за германскиот весник „Билд“ кон крајот на минатиот месец дека поранешната српска тенисерка и светскиот шампион во фудбал, Бастијан Швајнштајгер, се разделиле. Во писмото, кое го доби и германската новинска агенција ДПА, се наведува дека раскинувањето се должи на непомирливи разлики“.
фото: принтскрин
Uncategorized
Голем број битолчани го искористија бесплатниот скрининг за Хепатитис и болести на црниот дроб

По повод Светскиот ден за борба против хепатитис, во Битола се реализираше бесплатен скрининг за хепатитис Б, Ц и ХИВ, како и еластографија, спроведени со мобилната медицинска единица од Скопје.
Настанот беше дел од националната кампања, организиран во партнерство со: Хепар Центар Битола, Министерството за здравство, Клиниката за гастроентерохепатологија, Клиниката за инфективни болести – Скопје, Официјалната комисија за хепатоцелуларен карцином, Општина Битола, Центарот за јавно здравје – Битола и Клиничката болница Битола.
Граѓаните покажаа исклучителен интерес за скринингот, кој поради зголемената посетеност продолжи еден час подолго од планираното – сè до 13:15 часот – со цел да им се овозможи на сите заинтересирани да се тестираат.
Особено значајна беше поддршката од страна на градоначалникот Тони Коњановски, кој лично ја посети мобилната единица и ја поздрави оваа важна здравствена иницијатива.
Националната кампања за бесплатен и анонимен скрининг за навремено детектирање на болести на црн дроб се реализира во 10 градови во државата. Целта е подигнување на свесноста за црнодробните болести, како што се црнодробен карцином, замастување на црниот дроб од алкохолна и неалкохолна природа, цироза и ретки болести на црн дроб.