Македонија
САД – ЕУ и НАТО се најдобрата иднина за Македонија

Лидерите во Македонија треба да преземат одговорност да се тргне пречката од патот кон членство во ЕУ и НАТО, кое го поддржува голем процент
Лидерите во Македонија треба да преземат одговорност да се тргне пречката од патот кон членство во ЕУ и НАТО, кое го поддржува голем процент од граѓаните.
Ова синоќа во Вашингтон го посочи американскиот амбасадор во Македонија Филип Рикер, коментирајќи ја идејата за референдумско изјаснување за име на државата, кое би произлегло од разговорите со Грција
Според него, за референдумот по природа на нештата одлучуваат македонските власти и граѓани, но, истовремено укажа и на големиот процент на одобрување на членството во НАТО и ЕУ во испитувањата на јавното мислење во Македонија.
„Мислам дека тоа се едни од највисоките позитивни рејтинзи за обете институции меѓу земјите-кандидати и оние што веќе се членки. Значи, лидерството има одговорност да ја земе таа иницијатива, да ги земе желбите на луѓето и да работи напорно за да ги трансформира во нова реалност. Сметаме дека тоа би била најдобрата иднина за Македонија”, изјави амбасадорот Рикер во интервју за радиото Глас на Америка, програма на македонски јазик.
Во врска со реакциите кои во Македонија ги предизвика изјавата на потпретседателот на Европската комисија Жак Баро, кој земјата ја нарече – Северна Македонија, Рикер препорача да се смират емоциите.
„Мислам дека е најдобро да се остави процесот да продолжи напред, да се има предвид најдобриот интерес на земјата, на регионот.Тоа секако е она што го правиме тука, во САД”, изјави Рикер.
Тој го повтори ставот на американскиот претседател Барак Обама, искажан на самитот на НАТО во Стразбур, дека САД со нетрпение очекуваат Македонија да стане полноправна членка на НАТО.
Рикер, кој беше меѓу гостите на Првата глобална конференција на Обединетата македонска дијаспора во Вашингтон, нагласи дека од осамостојувањето досега, американската помош за Македонија да се подготви за европската интеграција изнесува речиси една милијарда долари./крај/воа/ег/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Скопје
Без струја утре неколку улици во Центар и Чаир

Регионалниот центар за управување со кризи на Град Скопје, по добиеното известување од ЕВН известува дека: поради технички зафати во електродистрибутивната мрежа, утре, без електрична енергија ќе останат:
· од 06.00 до 11.00 часот, корисниците на улица 6 и дел од улица 4 во Сарај. (Општина Сарај )
· од 08.00 до 14.00 часот, корисниците од дел од ул. Даме Груев и дел од ул. Свети Кирил и Методиј. (Општина Центар
Македонија
Нормализиран сообраќајот кон Граничниот премин Јажинце

Министерството за внатрешни работи ја известува јавноста дека нормализиран е сообраќајот на патниот правец Тетово – ГП Јажинце кај село Рогачево, во двата правци и граничниот премин Јажинце.
Патот беше затворен поради пожар.
Македонија
Мисајловски и генералот Лафчиски со вработените во Министерството и припадниците на Генералштабот по повод 18. Август – Денот на Армијата

Денеска (15 август) пред платото на Министерството за одбрана и Генералштабот, министерот за одбрана Владо Мисајловски и началникот на Генералштабот, генерал-мајор Сашко Лафчиски по повод Денот на Армијата се обратија пред вработените при што ја истакнаа нивната професионалност и посветеност на службата.
Министерот Мисајловски изрази почит и благодарност до сите жени и мажи во Министерството за одбрана и Армијата кои, како што рече, посветено работат за државата, нејзината безбедност и сигурност.
„Пожртвуваноста на припадниците на Армијата при справувањето со секојдневните предизвици за заштита на македонските граѓани е јасна и препознаена од македонските граѓани. Тие имаат силна доверба во вас и ви оддаваат почит и признание – за вашата храброст и посветеност. Вредностите кои секој припадник на Армијата ги покажува секојдневно, се вредности кои ги негувате и вие – офицерите и подофицерите во Генералштабот и вработените во Министерството за одбрана кои со посветеноста, професионалноста и интегритетот кој го имате го градите имиџот и на Министерството и на Армијата“, рече тој.
Министерот истакна дека „изминатиов период се започнати многу проекти, голем број проекти завршивме, како инфраструктурни, така и проекти за опремување и модернизација на македонската Армија“ и додаде дека следниот период особено внимание ќе се посвети на подобрување на условите на работа за секој вработен, затоа што „одбраната на државата зависи од секој еден од вас.“
Генералот Лафчиски порача дека „18. Август е денот кој ги обединува сите денови на командите и единиците кои ги славиме во Армијата, тоа е празникот кој го празнуваат сите сегашни и сите поранешни припадници кои што во изминатите 33 години придонесоа во изградбата на модерната Македонска Армија.“
За време на свеченоста, делегација од Министерството и Генералштабот предводена од министерот Мисајловски и делегација од семејствата на загинатите бранители, положија свежо цвеќе пред спомен-обележјето на загинатите бранители пред зградата на Министерството, оддавајќи им почит и благодарност за нивната пожртвуваност и храброст.
Претходно, делегации од Министерството за одбрана и Генералштабот, како и претставници од кабинетот на Претседателката, Собранието, Владата и Организацијата на резервни воени старешини положија венци со свежо цвеќе на Партизанските гробишта, на гробот на загинатиот претседател Борис Трајковски, на гробот на поранешниот претседател Киро Глигоров и на гробот на генерал Михаило Апостолски.
На свечениот собир на вработените Министерството за одбрана и Генералштабот присуствуваа и заменикот на началникот на Генералштабот, генерал-мајор Азим Нуредин, државниот секретар Елизабета Чуповска Ристова, директорот на Генералштабот, бригаден генерал Орце Јордев, вработени во Министерството и Генералштабот и останати гости.
Централната свеченост по повод Денот на Армијата ќе се реализира на 18 август во касарната „Јане Сандански“ во Штип.