Македонија
Економист: Колку градежни бумови може еден град да поднесе?
Проектот „Скопје 2014“, како и моменталните случувања во Македонија и нивното влијание врз меѓуетничките и меѓуверските односи, се во фокусот на анализата на британецот Тим Џуда, објавена во лондонски „Економист“ (The Economist).
Проектот „Скопје 2014“, како и моменталните случувања во Македонија и нивното влијание врз меѓуетничките и меѓуверските односи, се во фокусот на анализата на британецот Тим Џуда, објавена во лондонски „Економист“ (The Economist).
Според Џуда, градбите од проектот, потсетуваат на епизода од цртаната серија „Астерикс – Галските авантури“.Структурата на градби во и околу градот потсетува на епизодата “Храмот на боговите”, пишува Џуда во почетокот на својата анализа. „На Скопје одамна му е потребно уредување. Но, противниците на Никола Груевски, кои долго го обвинуваат премиерот за национал-популизам, не ги воодушевува природата на градежниот бум (кој владата го именуваше Скопје 2014). На изборите кои наближуваат господинот Груевски несомнено ќе си препише поени за градбите кои никнуваат низ центарот на градот.“, пишува Економист.„На централниот плоштад во Скопје се гради голема фонтана. Наскоро ќе биде крунисана со огромна статуа на Александар Велики. На многу Македонци Александар не им значи ништо. Но ќе бидат пресреќни да ги видат Грците, кои го блокираат членството на Македонија во ЕУ и НАТО поради спорот со името на земјата, како збеснуваат од гнев кога споменикот ќе биде откриен. Грците ги обвинуваат Македонците за присвојување на Александар и присвојување на хеленистичката култура“, анализира Џуда.Џуда во анализата се фокусира и на меѓуетничките односи во земјата и несогласувањата предизвикани од изградбата на црквата-музеј на скопското Кале. За Џуда, тоа е најеклатантниот пример што довел до тепачка меѓу две групи Македонци и Албанци. “Скопје 2014, за кое првпат пишувавме минатата година, создаде горчливи несогласувања помеѓу мнозинството православни Македонци и Албанците муслимани кои сочинуваат четвртина од вкупната популација. Кога и некој да предложи изградба или реизградба на црква во Скопје, Албанците бараат џамија. Тензиите постојано растат.Највидливиот пример предизвика мала група Македонци и Албанци да се пресметаат физички. Неодамна, метална конструкција во форма на црква се издигна на местото на стара црква на скопското Кале. Властите тврдеа дека градат музеј во облик на црква. Но Албанците тврдеа дека под оригиналната црква се наоѓала уште постара структура од Илирите, и бидејќи тврдат дека тие се нивни потомци, просторот треба да биде нивни. Изградбата е сега сопрена, но темата го открива деликатниот баланс помеѓу двете заедници, кои се длабоко заплеткани во нивната религија, идентитет, земја и моќ“, се вели во анализата на британскиот весник.Џуда посочува дека не се градат само објекти кои го изразуваат македонскиот идентитет. Пишува дека сè почесто се издигнуваат и нови џамии кои побудуваат внимание и во јавноста во соседните земји, како Албанија.“Македонските Албанци имаат репутација на многу порелигиозни од нивните сонародници во Албанија и Косово. Изградбата на нивните џамии почна дури да го привлекува вниманието на Албанците во Албанија кои ги нарекуваат ‘Tалибанци’ во телевизиските емисии. Но Демократската Унија за Интеграција, партија на македонските Албанци која е во коалиција со господинот Груевски има исклучиво секуларни корени. Па човек може да се запраша дали трендот на изградбата на џамиите има друга позадина. Во повеќето случаи, изградбата на нова џамија не е само глорификација на исламот, туку ја одбележува и припадноста на територијата. Парадоксот е во тоа што можете да најдете развиорени американски знамиња на општинските згради во градовите контролирани од Албанците, недалеку од новите џамии на чии минариња се истакнати саудиски знамиња“, пишува Економист.“Ова е една од причините зашто црквата-музеј е толку чувствителна тема. Многу Македонци велат дека тие молчат за често нелегално изградените џамии во име на општествената хармонија. Токму затоа и ги вознемирува што обидот да изградат нешто што едвај претставува црква предизвикува толку голем инцидент. Албанците пак, во Скопје 2014-та и сличните проекти гледаат обид на Македонците да им ја заријат “македонштината во грло“, се вели во текстот на угледниот британски весник. /крај/theeconomist/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„СДСМ нема да трпи уцени, ќе пропаднат обидите да се подели партијата“, вели Филипче
Носителот на изборната листа четири на СДСМ и Коалицијата, Венко Филипче, денес беше во посета на Валандово каде оствари средби со граѓани. Филипче ги промовираше мерките за земјоделците и се осврна на актуелната политичка состојба и пораките од партиите.
„СДСМ нема да трпи уцени. Оние кои му мислат добро на СДСМ секогаш остануваат и се борат од внатре да ги менуваат работите на подобро. Вистинските социјалдемократи не бегаат и не се обидуваат да ја поделат СДСМ. Граѓаните и гласачите на СДСМ веќе ја препознаваат измамата која им е сервирана од страна на ЗНАМ. Паднаа маските, се открија скриените коалиции кои имале за цел ослабување на СДСМ. Но, за нивна несреќа тоа нема да се случи. Ја верувам дека има доволно време до 8 мај, оние кои сега ја видоа скриената агенда на ЗНАМ, да ја преиспитаат одлуката и да ја подржат СДСМ на изборите“, рече Филипче.
Македонија
„Врвен претставник на криминал и корупција во Македонија е Артан Груби, доаѓа време на одговорност“, рече Николоски од Струмица
„Очекувам историски најголема победа за ВМРО-ДПМНЕ, со најголема разлика, најмногу гласови за Гордана Силјановска Давкова, најмногу гласови за Христијан Мицкоски за стабилна Влада предводена од ВМРО-ДПМНЕ“, истакна Александар Николоски, потпретседател на ВМРО-ДПМНЕ и носител на изборна единица 4 на митингот во Струмица.
„Пред нас престои сериозна работа во деновите кои што доаѓаат, да се сретнеме со секој кој што сака да ни отвори, да поразговараме со сите кои што сакаат да не слушнат и да ги поканиме сите да излезат на гласање. Потребна е голема референдумска излезност и потребен е концентриран глас за ВМРО-ДПМНЕ. Затоа што сите кои што се незадоволни од актуелната власт на заминување треба да знаат дека само глас за ВМРО-ДПМНЕ значи промена“, порача Николоски.
Николоски ги повика граѓаните масовно да излезат на гласање.
„Мојот противкандидат е човек кој што го уништи македонското здравство. Човек кој што ќе биде запишан на најцрните страници на македонската историја затоа што го уништи здравството и ја внесе корупцијата во него. Но, најголем дел од здравствените работници и докторите не се такви. Јас сакам вечерва да се заблагодарам и да го повикам и да го поздравите со нас вечерва е професор доктор Виктор Камнар, најдобриот македонски ортопед, човекот кој што ја направи првата трансплантација на коски во Македонија и во регионот. Камнар е човек кој што е претставник на чесните доктори и чесните лекари, на оние кои што сакаат да го градат македонското здравство и оние кои што не ги злоупотребуваат пациенти туку остануваат со нив секогаш кога им е потребно“, рече Николоски.
Тој посочи дека овие избори се избори во кои што ќе се стави крај на криминалот и корупцијата. Избори во кои што ВМРО-ДПМНЕ ја бара поддршката од граѓаните покрај СДСМ и ДУИ да се испрати во длабока опозиција.
„Ние сме многу сериозни во ова што го ветуваме, ние стоиме позади нашиот збор. И доколку ја добиеме вашата поддршка во огромен број како што ја очекуваме, ДУИ ќе оди во опозиција и ќе одговараат за криминалот и корупцијата кои што ги прават во Македонија“, укажа Николоски.
Николоски додаде дека врвен претставник на криминал и корупција во Македонија е Артан Груби.
„Сакам да го поздравам од овде од Струмица, и да му кажам дека ќе му ја испитаме цела работа од точка до запирка, се што правел ќе биде испитано. Ама исто така и сите наводи за криминалот што го прави и за притисоците кои што ги прави. Ќе испитаме и што прави другар му Перпарим во Лотарија на Македонија, и што правеа со притисоците за Законот за игри на среќа, и која е неговата улога во казината во Македонија, каква е неговата поврзаност со бројни градежни фирми во Македонија, каква е неговата поврзаност со спортските клубови кои што се се освен спортски клубови. И да му кажам од овде дека нема да му дозволиме нему блиска фирма да копа во Беласица, да отворат тука рудник за нивните камиони и багери да вртат. ДУИ нема да работи во Струмица и струмичко“, порача тој.
Тој нагласи дека одговорноста е битна работа и тоа е најпотребно во Македонија. Одговорност ќе има со помош на Владата предводена од ВМРО-ДПМНЕ.
Македонија
(Видео) Ковачевски: Со иднината на државата нема тргување
Во вечерашното обраќање на митингот во Драчево, општина Кисела Вода, претседателот на Социјалдемократскиот Сојуз, Димитар Коваечвски, посочи дека СДСМ е најголемата и единствена автентична социјал-демократска партија во Маекедонија.
„За разлика од субјектите како ЗНАМ, кои се човек – партија, СДСМ е државничка партија со длабоки и силни корени. Нас нѐ водат социјал-демократските вредности, борбата за граѓаните и европската иднина на Македонија. Не се откажуваме од тоа, СДСМ е цврста и силна партија. Ќе продолжиме да се бориме за овие вредности“, порача претседателот на Социјалдемократскиот Сојуз, Димитар Ковачевски.
Ковачевски во обраќањето додава дека СДСМ не прифаќа условувања и со никого нема да прави политички дилови, затоа што ова е прашање на иднината на државата и со неа нема тргување.
„Да одговорам на она писание кое го има напишано субјектот ЗНАМ до јавноста. Прво, раководството на СДСМ го бираат членовите на СДСМ, кои се наследници и на НОБ и на АСНОМ и на Киро Глигоров, а не вазали кои се предале и отишле да шуруваат со наследниците на Ванчо Михајлов. Второ, носителите на пратеничките листи и сите кандидати на пратеничките листи на СДСМ и на коалицијата се излезени на избори за да ја претстават програмата на СДСМ и на политичките партии кои ја сочинуваат коалицијата и со таа програма, со тие луѓе, со тие претставници на социјалдемократската идеја ние го бараме гласот на граѓаните“, изјави претседателот Ковачевски.
Ковачевски вели дека не се излезени на избори за да враќаат стари долгови и да му помагаат на ВМРО-ДПМНЕ и на Гордана Силјановска.
„Но, една работа ќе им порачам, на крајот на денот предавникот не го сакаат дома, меѓутоа уште помалку го сакаат надвор од дома. Затоа ве уверувам дека на крајот на денот, ќе ги гледате стуткани во некој ќош, во една клупа,таму во Собранието на Македонија, како седат во последна клупа со наведнати глави, изгубени од својата идеологија и застанати заедно со наследниците на Ванчо Михајлов“, порача Ковачевски.
Ковачевски вели дека се фокусирани да го постигнатнајдобриот резултат на претстојните избори на 8-ми мај иги повика на мобилизација сите демократски и прогресивни сили за да се спречи враќањето на режимот на ВМРО-ДПМНЕ.
„Ние не се откажуваме од Македонија во ЕУ! Верувајте, тоа не е цел сама за себе! Нашиот план за европска Македонија е преточен во конкретна и остварлива програма“, им посочи на присутните граѓани претседателот на СДСМ.
„Ги повикувам сите граѓани, ги повикувам сите наши симпатизери, сите наши гласачи, сите оние кои што гласаа за нас во првиот круг и сите оние кои што беа разочарани во првиот круг: гласајте за СДСМ! Немојте да ве залажува некој кој што со лажна реторика себе си се претставува како наследник на Христијан Тодоровски – Карпош, а од друга страна прави пакт со наследниците на Ванчо Михајлов да ве излаже. Едно такво лажење Македонија виде во 2006 година и видовте каде завршвиме“, посочи Ковачевски на вечерашниот митинг и додаде дека на 8-ми мај сите заедно одлучуваме каква иднина ќе градиме за нашите деца и внуци.