Свет
Итен повик до ЕУ за спас на новинарството
Европската федерација на новинарите (ЕФЈ) упати итен повик до сите политички групи во Европскиот парламент (ЕП)за спас на новинарството
Европската федерација на новинарите (ЕФЈ) упати итен повик до сите политички групи во Европскиот парламент (ЕП), со предупредување дека доколу Унијата не направи ништо да го спаси новинарството, овој сектор ќе пропадне.
Претседателката на Федерацијата Ајдан Вајт упати писмо во кое бара од Европската комисија (ЕК), по јунските избори, да утврди обврски за заштита на новинарството.
„Овој сектор е основа на европската демократија, и има потреба за заштита, исто како и банките и автомобилските индустрии, кои добиваат билиони“, се вели во писмото.
“Демократијата изискува точна и корисна информација што е за јавно добро. Ова значи дека ни требаат луѓе и извори да ја продуцираме и дистрибуираме. Веруваме дека новинарството и професионализмот, што е креативно срце во европските медиуми, мора да се заштити и да се поттикне на развој“, се наведува во повикот.
Федерацијата ја обвинува Унијата дека не преземала ништо во овој сектор што се повеќе се движи кон “економска катастрофа“.
“Кога Европската унија ќе ја увиди кризата со која се соочуваат медиумите во Европа“?, пишува во писмото.
Европските новинари бараат новото европско извршно тело и новозибраниот претседател на ЕП да започнат јавна дебата на национално и европско ниво за иднината на медиумите во Европа./крај/ео/ис
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Најден е урнатиот хеликоптер во кој се наоѓал иранскиот претседател Раиси
Спасувачки тим вечерва го пронашол урнатиот хеликоптер во кој се наоѓал иранскиот претседател Ебрахим Раиси, објави иранската државна телевизија.
Агенцијата ИРНА наведува дека е објавена точната локација каде се урнал хеликоптерот во областа меѓу Ардешир и Бразин во Варзеган.
Хеликоптерот со иранскиот претседател Ебрахим Раиси имал инцидент при слетувањето во Источен Азербејџан.
Областа е карпеста, маглива и врнежлива, а овие услови многу ја отежнаа потрагата.
Хеликоптерот со иранскиот претседател Ебрахим Раиси денес доживеа „тешко слетување“.
Свет
Израел: Демонстрантите бараат итен договор за заложниците, се обрати Хилари Клинтон
Илјадници активисти се собраа во центарот на Тел Авив барајќи предвремени избори и итен договор за ослободување на израелските заложници во Појасот Газа, а поранешната американска секретарка Хилари Клинтон им се обрати на демонстрантите преку видео врска. Треба да преземете итна акција за да ги вратите дома“, рече Клинтон, пренесува Танјуг.
Амбасадорот на САД во Израел, Џек Лу, рекол дека САД ги продолжуваат преговорите за враќање на заложниците, пишува The Times of Israel. Демонстрантите го блокираа автопатот Ајалон и запалија огнови, барајќи итен договор за ослободување на заложниците од Газа.
Бидејќи демонстрантите одбија да се разотидат по завршувањето на одобрениот митинг, полицијата го прогласи протестот за незаконски и интервенираше за деблокирање на автопатот.Полицијата соопшти дека уапсила осомничен за нарушување на редот на антивладините протести во Тел Авив.
Околу 200 демонстранти излегоа на одделни протести во Ерусалим, кои се одржаа во близина на Кнесетот.
Регион
Поставен рекорд во центарот на Белград: 1.000 гитаристи свиреа истовремено
Концертот на „Guitar Art“ денеска собра 1.000 гитаристи на плоштад во Белград, кои поставија национален рекорд во присуство на инструменталисти кои свират на гитара и слични инструменти, пренесе српска „Политика“.
Концертот „1.000 гитари“ ги привлече пред се во центарот на Белград најмладите гитаристи и нивните учители, но заедно свиреа цели семејства, составени од три генерации: дедо, татко и син…
Имаше мајки и ќерки кои „замавнаа“ со белградскиот блуз квартет и специјалните гости на концертот, меѓу кои Дејан Цукиќ, Ју групата, Кики Лесендриќ и Пилотите, Срѓан Гојковиќ Гиле, Бојана Стаменов, Никола Чутурило – Чутура. „Ова е конечно моментот кога барем на еден час ги заменуваме силиконите за витамини на ’Трг Републике’. Ова е сеќавање на мојата младост и почетоци во рокенролот. Среќен сум“, изјави Никола Чутурило Чутура за Танјуг.
За неколку минути неколку илјади љубопитни луѓе се собраа на плоштадот да уживаат во првокласен музички настан.