Македонија
Ван Дојсбург: Местото на Македонија е во ЕУ
Македонија заслужи позитивен извештај од Европската Унија (ЕУ), бидејќи напорно работеше да ги исполни сите критериуми
Ова, во интервју за Макфакс го изјави претставникот на Европското христијанско политичко движење (ЕХПД) за Југоисточна Европа, Лео Ван Дојсбург, честитајќи и’ го на земјата позитивниот извештај од Европската комисија.„Сметам дека заслуживте ваков извештај. Земјата напорно работеше да ги исполни сите критериуми што беа побарани од неа и несомнено сега сте еден чекор понапред од другите земји. Одлуката на Унијата овој пат не беше политичка, а се надевам така ќе биде и во иднина и дека проблемот со Грција нема да го попречи вашето приклучување кон ЕУ. Никогаш досега не сум слушнал дека некој може да оспорува нечие име, но очигледно тоа се случува, мора да се најде решение“, истакна Ван Дојсбург.Тој се надева дека доколку се реши овој проблем патот на земјава кон ЕУ ќе биде отворен и дека мали се шансите некоја друга земја да го проблематизира нашето членство, со оглед на внатрешните проблеми на Унијата околу приемот на нови членки.„Поучена од искуството со Романија и Бугарија не верувам дека ЕУ сега ќе се ограничува со крајни рокови. Како што знаете овие две земји пристапија во ЕУ во 2007 година без да бидат исполнети некои од критериумите што создаде дополнителни последици. Се надевам со Македонија ќе биде поинаку и земјата заслужено ќе стане дел од европското семејство“, додава Лео Ван Дојсбург.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.