Спорт
Милан со важни бодови од Верона
Лидерот во Серија А оствари значајна победа на гости кај Киево во 26-то коло, додека Јувентус ги изгуби и бодовите и Буфон кај загрозеното Лече
Милан поведе преку Робињо во 25. минута, а за домашните изедначи Фернандес во 61. минута, додека победата на „росонерите“ има ја обезбеди Пато по одличниот продор што го круниса со погодок во 83 миинута Милан останува на врвот од табелата со 55 бодови, пет повеќе од во моментов второпласираниот градски ривал и се’ уште актуелен шампион Интер и шест од Наполи кој има меч помалку. Претходно во првиот меч од 26-то коло, Јувентус доживеа уште една бламажа, овојпат кај Лече кој до ова коло беше во зоната за испаѓање од лигата. Клучниот момент на мечот се случи во 12. минута кога голманот на гостите Џанлуиџи Буфон доби директен црвен картон бидејќи со раце надвор од шеснаесетте метри го спречи шутот на Давиде Ди Мекеле кој се најде сам пред него. Со играч повеќе и имајќи ја за противник екипата со многу променливата форма што сезонава ја демонстрираат фудбалерите на Јувентус, Лече успеа да дојде до за него животно важните бодови против противник од кој бодовите обично не се вкалкулирани пред почетокот на првенството. Прво во 32. минута алжирскиот интернационалец Џамел Месбах во 32. минута избегнувајќи ја офсајд замката го доведе Лече во водство, а победата за домашните ја потврди во 48. минута Андреа Бертолачи.Силите на теренот беа изедначени од 69. минута кога заради два жолти картона беше исклучен Џузепе Вивеса, што не му помогна многу на Јувентус. По две победи во серија, една против шампионот Интер, „старата дама“ доживеа неуспех иако важеше за апсолутен фаворит во овој меч. Јуве сега останува на 41 бод и на шестото место седум бодови помалку од местото кое води во Лигата за демократија. Лече, пак, се искачи на 16-то место со 27 бодови, со четири бодови повеќе од местото кое води надвор од Серија А.Еден од најинтересните натпревари во саботата беше одигран на стадионот „Мараси“ во Џенова каде со сензационален пресврт домашната екипа од негатива против Рома од 0:3 дојде до победа од 4:3. „Римската волчица“ дојде до големата предност со головите на Мексес во 6., Бурдисо во 16. и Тоти во 51. минута. Но веднаш по примањето на третиот гол Џенова успеа прво во 52. минута да го намали гостинското водство преку Паласио, а потоа тој уште еднаш погоди во 74. минута, а Палоши со головите во 68. и 86. минута го заокружи пресвртот. Рома останува со 39 бодови на 8-то место, а Џенова е искачи на 10-то место со 35 бодови. Парма и Чезена одиграа 2:2, во меч во кој гостите двапати водеа. Головите за домашните ги постигнаа Хернан Креспо во 64. минута од пенал и Паладино во 89. минута, додека гостите поведуваа преку Росини во 31 и Самарко во 79. минута.Во сабота без голови завршија мечевите Фиорентина – Сампдорија и Удинеза – Бреша.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Кристал Палс го згази Манчестер јунајтед
Фудбалерите на Кристал Палас го декласираа Манчестер јунајтед со 4:0, во последниот натпревар од 36. коло на Премиер лигата. удбалерите на Кристал Палас ја забележаа четвртата победа на последните пет натпревари во Премиер лигата.
Од првата минута забележливо беше дека играчите на Манчестер јунајтед не се „во натпреварот“. Како изгледаа на теренот можат да бида задоволни со поразот од 4:0.
Дебаклот го најави Мајкл Олисе во 12.минута. .
Истиот играч десет минути подоцна имаше уште две убави шанси, а во 40. Жан Филип Матета ја удвои предноста на домашните.
На почетокот на вториот му беше поништен гол на Јунајтед, а потоа започнаа да се редат шансите пред голот на Андре Онана.
Еберечи Езе, Тајрик Мичел и Вил Хјуз, не успеаја да реализираат, но во 58. минута споменатиот Мичел зголеми на 3:0.
Точка поразот на Јунајтед стави играчот кој ја започна серијата, Мајкл Олисе во 66. минута. До крајот на мечот Одсон Едуард ја погоди стативата.
Палас е 14. на табелата со 43 бодови, додека Јунајтед е осми со 54 бодови, исто колку и седмопласираниот Челзи.
Јунајтед во следното коло ќе го пречека Арсенал, додека Палас ќе гостува кај Вулверхемптон.
Спорт
Бјелица доби отказ
Фудбалскиот клуб Унион Берлин соопшти дека му ја врачил оставката на хрватскиот тренер Ненад Бјелица по серијата лоши резултати во Бундес лигата.
Челниците на Унион решија да го заменат Бјелица по поразот од Бохум (3:4) во 32. коло од Бундес лигата.
Хрватскиот тренер го презеде тимот од Берлин во ноември минатата година, откако беше отпуштен oд Урс Фишер.
Унион Берлин моментално е на 15. место на табелата во германскиот шампионат со 30 бодови.
Во соопштението на клубот се наведува дека тимот до крајот на сезоната ќе го води Марко Гроте.
„Со нетрпение го очекувам предизвикот и убеден сум дека ќе успееме да избегнеме испаѓање од Бундеслигата. Добро го познавам нашиот тим и знам дека сме способни за опстанок“, изјави Гроте, а пренесува официјалниот сајт на клубот.
До крајот на сезоната во Бундеслигата, Унион следната сабота му гостува на Келн, а потоа на 18 мај на домашен терен го пречекува Фрајбург.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.