Вооружени напаѓачи за кои се верува дека се поврзани со наркокартелите, убиле службеничка на конзулатот на САД во Сидуад Хуарез и нејзиниот сопруг, а во друг инцидент друг сопруг на конзуларна службеничка, пренесоа американските медиуми

Во вториот инцидент напаѓачите раниле и двајца службениците на американскиот конзулат во овој пограничен град кој е најопасниот за живеење и центарот на меѓуклановската борба за превласт на нарко пазарот и борбата против картелите што ја води мексиканската влада. Нападите биле изведени со автоматски оружје од автомобили кои се движеле со големи брзини, пренесуваат медиумите повикувајќи се на изјави од очевидци. Овој викенд во Мексико инаку се убиени повеќе 50 лица во врска со пресметките на нарко мафијата,а ова се први напади на американските службеници и нивните семејства. Американски официјални извори соопштиле дека убиствата доаѓаат откако американските дипломати изјавуваа дека состојбата со трговијата со дрога и криминалот поврзан со неа станува неиздржлива, по што уследија заканите на бандите. Инаку пред да се случат овие убиства, во Сиудад Хуарез, Стејт департментот донесе одлука со која на службениците во конзулатот им се дозволува евакуирање на нивните семејства во САД.Претседателот Брак Обама изрази огорчување за „бруталните убиства“,а  мексиканскиот претседател Фелипе Калдерон најави дека со сите расположив средства ќе го сузбие безаконието во Сиудад Хуарез, како и ширум земјата. По инаугурацијата на претседателот Обама, тој на Мексико му дозволи помош во висина од милијарда долари за борба против картелите. Во недела американското FBI испрати свои агенти во Сиудад Хуарез за да ја помогнат истрагата, а во понеделник таму ќе пристигнат и американски дипломати кои ќе се сотанат со нивните мексикански колеги, потврди Роберта Џејкобсон, заменик на државната секретарка задолжена за Мексико. Американската државна секретарка Хиалри Клинтон, синоќа изрази жалење за убиствата, истакнувајќи дека владите на САД и Мексико  преземаат се’ што е потребно да ги уапсат одговорните, и дека ова покажува дека треба да се продолжи заедничката соработка во борбата против оваа појава. Сиудад Хуарез е најопасниот град во последните три години. По војната меѓу бандите за превласт на територијата, насилството не се намали ниту откако беа ангажирани и силни федерални и воени единици. Во 2009 г. во Сиудад Хуарез се убиени околу 2.650 лица, а од почетокот на годинава тие се во пораст, наведуваат локалните медиуми. Во војната од 2006 г. досега во пресметките во Мексико се убиени околу 17 илјади лица. Мексико е главната транзитна точка за шверцување кокаин од Јужна Америка во САД и истовремено е еден од најголемите светски производители на хероин и марихуана.