Македонија
Протест на воспитувачките и персоналот од градинките
Воспитувачките, негувателките и техничкиот персонал на градинките од општина Карпош и Куманово, незадоволни од својот нерегулиран статус, денеска протестираа пред Министерството за труд и социјална политика, со барање за итно средување на нивниот работен однос
Тие се пожалија дека земаат плата од пет илјади денари месечно и „работат на црно“ со години, односно без договори на неопределено време, не се пријавени и немаат никакви придонеси за социјално и здравствено осигурување.„Имавме средба со министерот Џељаљ Бајрами, тој ни кажа дека стои на својот став дека ќе пушти само 100 решенија на ниво на Македонија, со тоа што ќе биде опфатен и техничкиот персонал, секако помал дел, ние на тоа му кажавме дека сме дискриминирани во тој поглед и дека не се согласуваме околу тоа, меѓутоа како што изјави министерот не било тоа само негов став туку и на директорките“, рече Мицевска Стојанка, претставничка на воспитувачките, кои тврдат дека одобрените решенија не се доволни, бидејќи само на ниво на општина Карпош има 38 луѓе со нерешен статус во градинките.Министерот за труд и социјала, Џељаљ Бајрами, изјави дека неговото министерство се нафатило да го реши овој проблем, и даде ветување дека до 2012 година ќе бидат поделени сите одобренија за вработување.„Договорот минатата година беше да се потрудиме три години по ред, да дадеме по 100 одобренија за вработување на неопределено време, за целиот персонал кој работи во градинките, вклучувајќи ги негувателките, воспитувачките и стручниот персонал. Првата година дадовме сто одобренија за вработување на негувателките и воспитувачките, втората година тоа и го сторивме, дадовме одобренија за вработување. Оваа година во тие 100 согласности кои ќе ги дадеме за вработување на негувателки и воспитувачки, ќе има и 36 за техничкиот и стручниот персонал, а останатите сто остануваат за наредна година“, рече Бајрами.Воспитувачките тврдат дека во општините каде се поставени градоначалници од опозицијата, власта намерно дава помалку решенија за вработување.„Зошто само 10 решенија за вработување се поделија во Карпош, никој не ни одговара на тоа“, вели персоналот од градинките кој денеска штрајкуваше.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сообраќајот непречено по наместа влажни коловози
Сообраќајот на државните патишта се одвива непречено, по наместа влажни коловози. Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата, соопшти АМСМ.
Се препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Патниот правец Охрид – Ресен, преку националниот парк Галичица од 01.04.2024 е пуштен за сообраќај за сите видови возила со вкупна тежина до 3.5 тони.
Времена измена на режим на сообраќај на регионален пат Р1101 делница Прилеп – Битола заради интезивирање на градежни активности во врска со проект “Санација на трупот на патот кај мост на река Шемница на Државен пат Р1101 км 85+903, делница Прилеп – Битола”, и тоа од 27.03.2024 ќе има целосно затворање на делницата.
На 26.03.2024 година од 14.15 часот извршена е времена измена на режимот на сообраќајот на делницата од автопатот 300м после надвозник „Маџари“ до клучка „Белви“ за време на поправка и рехабилитација на државен пат А1/А2 делница Скопје-Куманово (десна коловозна лента) каде што со ветикална сообраќајна сигнализација во должина од 200м сообраќајот се канализира и успорува од левата (за претекнување) сообраќајна лента во средната (за возење) сообраќајна лента за да потоа во должина од 1500м целиот сообраќај ќе се одвива по сообраќајната лента за претекнување (левата), а средната и сообраќајната лента за принудно запирање ќе бидат затворени за сообраќај.
Од 18.03.2024 г. има измена на режимот на сообраќај на државниот пат Р1101, делница Прилеп – Битола, заради интезивирање на градежните активности во врска со проект Санација на патот, кај мост на река Шемница.
Македонија
Г.г. Стефан: Да ги зацврстиме единството и слогата, да ги надминеме разногласијата и меѓусебните поделби
Ариепископот Охридски и македонски заедно со Светиот архиерејски Синод, по повод велигденските празнувања, испраќа мир и благослов од Бога до свештенослужителите, монаштвото и до сите чеда на МПЦ-ОА.
– Христовото воскресение е смислата на нашето севкупно постоење. Тоа е стожерот околу којшто се одвива сиот наш живот и камен-темелникот врз којшто се гради сиот наш подвиг на верата, на надежта и на љубовта во Бога. Тајната на Христовото воскресение го преобразува и го вообличува севкупниот наш поглед кон светот и човекот, кон времето и вечноста. Зашто, токму ова спасоносно собитие е најголемата вистина којашто му беше објавена на човековиот род и токму оваа Тајна над тајните е најрадосното благовестие со коешто велегласно беше возвестена конечната победа на животот над смртта, на доброто над злото и на љубовта над омразата, вели г.г. Стефан меѓу другото во обраќањето.
Македонија
Времето денеска сончево и потопло
Времето денеска во земјава ќе биде претежно сончево и потопло, попладне во планинските подрачја со услови за краткотраен пороен дожд и ретки грмежи. Ќе дува слаб ветер од јужен правец. Минималната температура ќе биде во интервал од 3 до 10, а максималната ќе достигне од 18 до 25 степени.
Во Скопје претежно сончево и тивко. Минималната температура ќе се спушти до 7, а максималната ќе достигне до 24 степен.
Утре времето ќе биде претежно сончево и топло, попладне во планинските подрачја со услови за краткотраен пороен дожд и ретки грмежи. Во вторник попладне ќе има локална појава на нестабилност, а во среда и четврток под влијание на нов влажен бран во поголем дел од земјава ќе има пороен дожд и грмежи, локално во форма на невреме со пообилни врнежи и засилен ветер.