Свет
Сириските сили ја проширија офанзивата
Сириските владини сили во средата со тенкови и оклопни возила навлегле во два града во северозападниот дел од земјата, во близина на границата со Турција,
Сириските владини сили во средата со тенкови и оклопни возила навлегле во два града во северозападниот дел од земјата, во близина на границата со Турција,Како што пренесува Ројтерс повикувајќи се на локални жители, станува збор за проширување на офанзивата на армијата на Сирија, само еден ден откако Анкара го повика сирискиот претседател Башар-ал-Асад да престане со убивањето цивили.Сириската Канцеларија за заштита на човековите права соопшти дека била убиена една жена, при навлегувањето на 12 тенкови и оклопни борбени возила и 10 автобуси со припадници на сириската армија во ,градот Тафаназ, на 30 километри од границата со Турција. Турскиот министер за надворешни работи, Ахмет Давутоглу во вторникот изјави дека во сириската престолнина Дамаск разговарал со сирискиот претседател Башар ал-Асад за тоа дека треба да се престане со крвопролевањата во земјата и дека треба да се почне со политичките реформи. „Се надевам дека идните денови ќе бидат преземени мерките за прекинување на насилствата и дека ќе се создаде пат за процесот на политичките реформи“,. Изјави Давутоглу на аеродромот во Анкара по враќањето од сириската престолнина. „Имавме можност искрено и отворено да разговараме за мерките кои треба да се преземат војската и народот повторно да не се најдат на спротивставените страни, да не се повторат случувањата како она во градот Хама“, дополни шефот на турската дипломатија, истакнувајќи дека со сирискиот претседател имал разговор кој траел шест часа, од кои три ипол биле тет-а-те./крај/ро/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Вучиќ хит во Кина: 300 милиони луѓе го гледале интервјуто на претседателот на Србија за кинеската телевизија
300 милиони луѓе го гледале интервјуто на српскиот претседател Александар Вучиќ за кинески CCTV.
Вучиќ во интервјуто посочи дека Србија може и треба да научи, како што наведе, „илјада работи од своите кинески пријатели“.
– Правиме големи подготовки за ЕКСПО. Кога управувате со земја имате високи цели. Секогаш мора да ги ставате новите цели на прво место. Ако сакаме да го постигнеме тоа, најдобар можен партнер за тоа отсекогаш била, и секогаш ќе биде, Народна Република Кина. Тука е и претседателот Кси, бидејќи тој секогаш го држи зборот. Го гледам како обичен, скромен човек, кога ќе вети нешто, го исполнува. Не можам да ви кажам дали имаме големи работи во железничкиот сектор, целокупната инфраструктура или индустрискиот сектор, економијата, туризмот, културата, но секако има илјадници работи што можеме и мораме да ги научиме од нашите кинески пријатели – рече Вучиќ во интервјуто за кинеската телевизија.
Свет
Едно лице е тешко повредено во експлозија во зграда во Турција
Едно лице е тешко повредено во експлозија во станбена зграда во турскиот град Текирдаг, во северозападна Турција.
Засега не е познато што ја предизвикало експлозијата во станот на последниот кат од петкатницата, а како што неофицијално дознава телевизијата ТРТ, најверојатно е дека експлодирала плинска боца.
Од силината на експлозијата оштетени се ѕидовите во станот, а искршени се прозорците.
Регион
Данка денес ќе правеше две години: тажната судбина на девојчето за кое плачеше цел регион
Малата Данка Илиќ, денеска, 6 мај, ќе наполнеше две години.
Пред точно 40 дена исчезна Данка.
Тогаш за прв пат се активираше системот „Најди ме“ и започна потрагата. Покрај полицијата се вклучија и луѓе, па веќе првата вечер по девојчето трагаа повеќе од 100 луѓе. По неа трагаа жителите на Бањско поле, соседи, пријатели, противпожарна единица, како и припадници на Планинарската спасувачка служба и полицијата. Кучиња трагачи беа на пат, беспилотни летала летаа над теренот, вклучени беа хеликоптери, а теренот беше дури и прегледан со термални камери.
Мештаните тој ден рекоа дека околу куќата на Илиќ имало неколку дупки длабоки меѓу еден и два метри и дека се наполниле со подземна вода. Сите беа загрижени дека девојчето залутало и паднало со едно од нив.
Единиците на полицијата во раните утрински часови го пребараа теренот, а потрагата се уште беше отежната поради силниот дожд.
Неколку дена подоцна беше откриено дека Данка Илиќ е убиена. Осомничени за делото се Срѓан Јанковиќ (50) од село Лука и Дејан Драгијевиќ (50) од Злот, работници на Бор „Водовод“ кои се уште не ја откриваат локацијата на која го пренеле телото на девојчето од дивината. Во притвор е и таткото на Драгијевиќ, Радослав (73), осомничен дека му помагал на синот да го премести телото на девојчето. Под истрага бил и најмладиот Драгијевиќ – Далибор (40). Но, тој почина на 7 април во притвор на полицијата на Бор.