Свет
Аргентинскиот диктатор доби 50 години за одземање бебиња
Поранешниот аргентински диктатор сега на 86-годишна возраст Хорхе Видела осуден е во четвртокот во Буаенос Аирес на 50 години затвор поради одземање бебиња од противниците на диктатурата.
Хорхе видела беше на чело на хунтата којашто владееше со Аргентина во периодот од 1976 до 1981 години. За истото дело на 15 години затвор е осуден и еден од неговите сообвинети, диктаторот Рејналдо Бињоне, сега на 84 години, кој владееше од 1982 до 1983 година.
Судот одлучи да го „осуди поранешниот генерал Хорхе Видела на 50 години затвор, а поранешниот генерал Рејналдо Боњоне на 25 години затвор“, прочита претседателката на судот Мариа Рокета пред преполната судница.
Во судницата се наоѓаше и Естела де Карлото , лидерката на организацијата „Бабите од Плаза де Мајо“, која е заслужна за откривањето на идентитетот на 105 деца на противниците на тогашниот аргентински режим, украдени од родителите во време на диктатурата на Видела и Бињоне, предадени на чување во семејства блиски на воената хунта, пренесува AFP.
Пред џиновскиот екран поставен спроти судот, стотици лица блиски на жртвите, деца на противниците на хунтата и активисти за заштита на човековите права, ги дочекале овие пресуди со солзи, песни и извици на радост, по годините судење.
Затворски казни меѓу 15 и 40 години се пресудени уште за неколкумина обвинети во овој случај, исто така кривично гонети дека учествувале во „систематскиот план“ за крадење и присвојување бебиња од противниците на режимот.
Генералот Хорхе Видела веќе отслужува две доживотни затворски казни поради злосторства против човечноста. Рејналдо Бињоне, исто така, отслужува две казни, една доживотна и една на 25 години, поради кршење на човековите права.
Од февруари 2011 година од почетокот на процесот за „систематското крадење“ и присвојувања бебиња, вкупно пред судот беа изведен и 11 лица.
Организацијата „Бабите од Плаза де Мајо“ проценува дека бројот на украдените и присвоени бибиња во текот на аргентинската диктатура изнесува околу 500-ини./крај/афп/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пилотот е виновен за најголемата авионска несреќа во Јужна Кореја, исклучил погрешен мотор
Истрагата за најсмртоносната авионска несреќа во Јужна Кореја откри дека пилотот исклучил погрешен мотор.
179 лица на летот „2216“ на „Џеџу ер“ загинаа кога авионот се урна во бариера додека се обидуваше да слета на меѓународниот аеродром „Муан“ во декември минатата година. Само стјуардесата и стјуардот преживеаа. Тоа беше принудно слетување по судир со јато птици.
На 29 декември пилотите пријавија удар со птица и издадоа повик за помош додека нивниот авион се приближуваше кон пистата. Снимката покажува авион „боинг 737-800“ како се лизга по пистата без опрема за слетување удирајќи во ѕид и експлодирајќи во огромна огнена топка.
BREAKING: Crash of Jeju Air Flight 2216 in South Korea caught on video pic.twitter.com/r49Wz6OMfh
— The Spectator Index (@spectatorindex) December 29, 2024
Два од моторите на авионот беа испратени во Франција во март на анализа. Неодамнешните наоди на Одборот за истрага на воздушни и железнички несреќи на Јужна Кореја открија дека пилотот го исклучил левиот мотор, кој немал дефекти, наместо десниот, кој бил тешко оштетен од ударот со птицата.
Објавувањето на резултатите од истрагата, закажано за минатиот викенд, беше одложено по протестите на семејствата на жртвите, кои беа запознаени со наодите. Семејствата на жртвите ги обвинија истражителите дека ја префрлаат вината на пилотот игнорирајќи ги другите фактори што придонеле за несреќата.
Сепак, семејствата на жртвите предупредија дека во извештајот не се споменува бетонската бариера на крајот од пистата за која тврдат дека предизвикала толку катастрофална несреќа.
Пилотскиот синдикат на „Џеџу ер“ исто така ги критикува резултатите од истрагата велејќи дека тие премногу се фокусирале на погрешната процена на пилотот и ги потценувале другите фактори што придонеле за несреќата. Извор запознаен со истрагата изјави за „Ројтерс“ дека истражителите нема да ги променат своите наоди бидејќи имаат „јасни докази и безбедносни податоци“.
По несреќата, Министерството за транспорт на Јужна Кореја во јануари објави дека ќе ги отстрани бетонските бариери на седум аеродроми. Во мај семејствата на жртвите поднесоа кривични пријави за небрежност против извршниот директор на „Џеџу ер“, Ким Е-Бае. Ким е меѓу 24-те лица против кои се води истрага за несреќата.
Фото: Принтскрин
Свет
(Видео) Катастрофални поплави во Кина: има загинати, потрагата по исчезнатите е во тек
Во силните дождови во источната кинеска провинција Шандонг смртно настрадаа две лица, а 10 се водат за исчезнати кога за пет часа наврна дожд колку што паѓа за половина година. Беше поплавен округот Лаиву во градот Џинан, соопштија локалните власти.
Во областа е регистриран максимален број врнежи од дожд од 364 милиметри, кој паѓаше од вторник на полноќ до 5 часот наутро по локално време, што е половина од просечните годишни врнежи од дожд во Џинан од 733 милиметри.
Ненадејните поплави во близина на планинските села Шивузи и Жуџијају во Џинан сериозно оштетија 19 куќи. Спасувачките операции се во тек и сите напори се насочени кон спасување на исчезнатите, соопштија властите.
Trapped by rising waters — record rainfall floods streets and strands residents in Lianjiang County, Fuzhou City, China
— Moh Musthafa Hussain (@musthafaaa) July 22, 2025
Поплавите се дел од поширок модел на екстремни временски услови во целата земја поради источноазиските монсуни, кои предизвикаа нарушувања во втората по големина економија во светот. Јужните региони беа исто така преплавени од обилни дождови кога тајфунот Вифа го погоди Хонг Конг во неделата.
⭕️21JULY2025 —Following catastrophic floods, mudslides continue to strike – footage of a mudslide in Benxi, Liaoning Province China today#wx #china
Credit: @skynewsagra pic.twitter.com/Kb00LqkIcK
— INTERCEPT⭕R ᴼˢᴵᴺᵀ/ ᴹᵃʳᵏᵉᵗˢ (@InterceptorNews) July 22, 2025
Екстремните дождови и силните поплави, кои метеоролозите ги поврзуваат со климатските промени, се сè поопасни бидејќи се закануваат да ги надминат застарените одбранбени системи за поплави, да раселат милиони луѓе и да предизвикаат хаос во земјоделскиот сектор вреден 2,8 билиона долари.
Фото: принтскрин
Европа
Почина претседателката на рускиот Врховен суд
71-годишната претседателка на Врховниот суд на Русија, Ирина Подносова, почина во Москва по тешка болест, објави руската државна новинска агенција ТАСС.
Подносова го водеше највисокото судско тело на Русија од 17 април 2024 година кога беше назначена како единствена жена кандидат и номинирана од рускиот претседател Владимир Путин. Таа ја презеде функцијата по смртта на Вјачеслав Лебедев, кој беше претседател на Врховниот суд од 1991 година.
Судијката се бореше со болест повеќе од една година, објави руската новинска агенција РБК. ТАСС соопшти дека починала од рак.
Подносова дипломирала на Правниот факултет на Ленинградскиот државен универзитет во 1975 година, и тоа истата година кога и Путин. Таа работеше во Врховниот суд од 2020 година кога стана заменик-претседател специјализирана за економски спорови и арбитражни случаи.
Рускиот весник „Комерсант“ напиша во тоа време дека Подносова немала искуство во арбитража, но се сметала за влијателна личност во руските судски структури. Изворите на весникот велат дека „сите разбираат кој стои зад неа“.
Врховниот суд е суд од последна инстанција во Русија. Неговите 115 члена ги номинира рускиот претседател и ги назначува Советот на Федерацијата, горниот дом на рускиот парламент.
Фото: принтскрин
Линеарното покачување на пензиите од 1.000 денари ќе стигне во Собранието пред да се распишат изборите, вели Мицкоски
Владата, на денешната седница, ќе го разгледа предлог-законот со кој пензиите, место процентуално, наесен и следната пролет ќе се покачат...
Македонец почина на плажа во Драч
Турист од Македонија почина вчера на плажа во Драч, Албанија. Инцидентот се случил вчера околу 19 часот во близина на...
Бронзен медал за македонскиот тим на Европската олимпијада во информатика
Македонските ученички информатичарки трета година по ред се оние што успешно ја претставуваат Македонија на меѓународните олимпијади по информатика. На...
Стабилизирана состојбата со пожарот во Преспа, но природата претрпе голема штета
Пожарот што го зафати Езерани во Преспа е ставен под контрола, информира Македонското еколошко друштво. Според нив, ноќта била релативно...
Шест пожари сè уште активни, 38 интервенции на отворено во изминатoто деноноќие
Во изминатите 24 часа, Центарот за управување со кризи (ЦУК) евидентирал вкупно 38 пожари на отворен простор низ земјата. Од...
Утре почнуваат нови преговори меѓу Украина и Русија
Нова рунда мировни преговори меѓу Украина и Русија е планирана за среда во Турција, изјави украинскиот претседател Володимир Зеленски цитирајќи...
„Влен“: Бујар Османи одржал 11 состаноци во Белград, 0 во Косово
„За само четири години како министер, Бујар Османи трчаше 11 пати на средби во Белград, а ниту еднаш во Приштина....
(Видео) Расте бројот на жртви во падот на воен авион во Бангладеш: причина за несреќата механички дефект
Најмалку 27 лица загинаа откако авион за обука на воздухопловните сили на Бангладеш се урна вчера во универзитетски и училишен...
(Видео) Синот на Бајден: Апчињата за спиење се виновни за дебаклот на дебатата со Трамп
Хантер Бајден во ново интервју изјави дека татко му, поранешниот американски претседател Џо Бајден, зел апче за спиење пред неговата...
(Видео) Автобус со рудари излета во 25-метарска бездна во Русија: 13 мртви, 20 повредени
13 лица загинаа, а 20 се повредени откако автобус што превезувал рудари паднал во провалија во далечната источна руска република...
Зголемена фреквенција на возила на ГП Табановце за влез и излез од државата
Сообраќајот на државните патишта се одвива по суви коловози. АМСМ известува дека денеска во време од 08:00–16:00 часот ќе биде...
Претежно сончево и многу топло, максималната температура до 42 степена
Времето денеска ќе биде претежно сончево и многу топло. Ќе дува слаб до умерен, а во западните делови повремено засилен...
ДУИ ги соопшти имињата за градоначалници и во Тетово и Желино, за Гостивар ќе чека предлог од Таравари, а за Струга од Села
Претседателот на Демократската унија за интеграција (ДУИ), Али Ахмети, свика редовна седница на Централното претседателство на партијата, на која беа...
Бујар Османи ја објави кандидатурата за градоначалник на Чаир: „Не се работи за функција“
Бујар Османи од Демократската унија за интеграција (ДУИ) денес официјално ја објави својата кандидатура за градоначалник на општина Чаир. Одлуката,...
Стабилизирана ситуацијата со пожарот кај Преспа, продолжува гаснењето во прилепско
Пожарот што избувна во близина на Преспанското Езеро е ставен под целосна контрола, информира директорот на Дирекцијата за заштита и...
Мицкоски предлага пет различни потрошувачки кошнички: Не се исти потребите на еден пар пензионери и на еден млад брачен пар
На првата седница Економско-социјалниот совет во кој ќе членуваат претставници на сите синдикати, ќе се разгледува нов начин на пресметување...
(Видео) „Во мандатот на Шукова во МЖСПП бевме труени со отровен мазут, СДС и Каја губат во првиот круг“, вели Манасиевски
„СДС И Каја Шукова губат во прв круг, во мандатот на Шукова во МЖСПП бевме труени со отровен мазут. Кој...
Зајкова: Ако некој пратеник мисли дека банките му се поважни од народот, нека излезе и нека каже – „гласав за банките, а не за народот”
Претседателката на Либерално-демократската партија (ЛДП) и пратеничка во македонското Собрание, Моника Зајкова, повторно, по трет пат ќе ги поднесе измените...
Две скопјанки се истепаа во автокамп на Охридското Езеро, подоцна се вклучило уште едно лице
Вчера во 20:54 часот, во авто-камп лоциран на Охридското езеро, 31-годишната К.Д. физички ја нападнала 45-годишната Е.Р.А., двете од Скопје...
Маж од Србија пронајден мртов на охридското крајбрежје
Вчера во 19.41 часот, во СВР Охрид е пријавено дека, во близина на хотелски комплекс на охридското крајбрежје, има починато...
