Македонија
ТМ: Неспособност на политичките елити за суштински реформски зафати
Носењето стотици закони во отсуство на опозцијата, необјавувањето на извештаиоте од страна на Државниот завод за ревизија
Носењето стотици закони во отсуство на опозцијата, необјавувањето на извештаиоте од страна на Државниот завод за ревизија, трошењето средства за промоција на Владата, состојбите во судството и борбата со криминалот и корупцијата се дел од случаите за кои Транспарентност Македонија предупредува во месечниот извештај за април.
Според ТМ, носењето стотици закони и именувањето јавни функционери во отсуство на опозицијата пред распуштањето на парламентот, покажува дека се работи за отустство на елементарен демократски капацитет на клучните партиски играчи во земјата.
„Фактот дека негативните оценки само се перпетуираат секоја година одново, не ја покажуваат само неспособноста на нашите политички елити за суштински рефромски зафати, туку и неподготвеноста на Европската Комисија да го редизајнира пристапот кон главните политички фактори во земјата во насока на продуцирање на поинакви политички продукти со кои би се направил пресврт во македонските рефромски процеси“, вели Ана Јаневска Делева, извршен директор на ТМ.
Од ТМ посочуваат на необјавувањето на конечните извештаи од Државниот завод за ревизија и прашуваат дали тоа се должи на политички притисоци врз овој орган.
Во однос на рекламирањето на Владата во медиумите, од ТМ го повикуваат премиерот Никола Груевски да престане со, како што велат, сите активности кои подразбираат негово лично рекламирање и промовирање, како и рекламирање и промовирање на ВМРО-ДПМНЕ на државна сметка. Бараат владејачката партија да објасни колку средства се потрошени за печатење и дистрибуција на Отчетот за сработеното во изминатиот период.
Во однос на судството и борбата против криминалот и корупцијата, од ТМ велат дека овој процес е тешка задача чиј успех бара повеќе од спектакуларни апсења и масовно притворање и прислушување на граѓаните. Велат дека власта треба да обезбеди услови за независно функционирање на суството.
Во извештајот за месец април на ТМ се посочени и Случајот „Телеком“ и размената на административни објексти, за кој сметаат дека е извршено на нетранспарентен начин, како и случајот „750.000 евра во шише“, за кој бараат постапување од страна на надлежните органи. /крај/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сообраќајка на патот Радовиш – Штип, сообраќајот во прекин
Од 18:05 ч. сообраќајот на магистралниот пат Радовиш – Штип, во близина на „Алкопласт“, е во прекин поради сообраќајна незгода, соопшти АМСМ.
Сообраќајот на државните патишта се одвива непречено, по претежно суви коловози.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Владата ќе ја одбележи 121 годишнината од смртта на Гоце Делчев
Владата на Република Северна Македонија, на 04.05.2024 година (сабота), ќе ја одбележи 121 годишнината од смртта на Гоце Делчев со положување свежо цвеќе на неговото вечно почивалиште, во црквата „Св.Спас“,Скопје.
По тој повод, во 10:30 часот, свежо цвеќе ќе положи претседателот на Република Северна Македонија, Стево Пендаровски, владина делегација предводена од Славјанка Петровска, министерка за одбрана во Владата на Република Северна Македонија, Каја Шукова, министерка за животна средина и просторно планирање во Владата на Република Северна Македонија.
Македонија
Димитриевски во Тетово: Ја бараме поддршката на граѓаните на претстојните избори за работите во Македонија да не бидат како досега
Претседателот на Движењето ЗНАМ – За наша Македонија, Максим Димитриевски денеска беше во Тетово, каде што со носителот на листата на кандидати за пратеници во ИЕ 6, Небојша Захариески и останатите кандидати, ја промовираа програмата на Движењето за претстојните парламентарни избори „Проглас за достоинствена Македонија“.
Димитриевски во изјавата за медиумите рече дека Движењето ЗНАМ – За наша Македонија се етаблираше како нова политичка сила на македонскиот политички простор токму со поддршката на граѓаните.
„Ја претставуваме програмата и ја бараме поддршката за нашите кандидати за пратеници предводени од господин Небојша Захариески во ИЕ 6. Јас знам дека никогаш повеќе ЗНАМ нема да дозволи нештата во државата да бидат исти. Ќе бидеме коректив на идната власт, но и на идната опозиција. Нашиот број секојдневно се зголемува, а и поддршката од граѓаните е се поголема и верувам дека заедно ќе успееме да ја вратиме државата таму каде што припаѓа, во рацете на граѓаните“.
Тој ги повика граѓаните масовно да ја дадат својата поддршка на Движењето ЗНАМ – За наша Македонија, на носителот на листата во ИЕ 6, Захариески, како и на сите кандидати за пратеници.
Со тоа, рече Димитриевски, граѓаните го даваат својот глас од граѓанин за граѓанин. Ние сме политички субјект кој расте токму со граѓанската поддршка. Продолжуваме понатаму со позитивни промени во државата, со позитивни промени во Македонија.
Носителот на листата во ИЕ 6, Небојша Захариески, рече дека со она што го нудат во програмата „Проглас за достоинствена Македонија“ сакаат да ги вратат илинденските и асномските темели на државата.
„Сакаме да ја направиме државата самоодржлива, со што ќе биде и самостојна. Сакаме да градиме стабилни меѓуетнички односи, а Тетово е симбол за добар соживот“, рече Захариески.
Тој додаде дека нивна цел е добро владеење, правна држава, како и запирање на клиентелизмот, непотизмот и корупцијата, со што, како што рече, ќе го дадат својот максимум за Македонија.