Свет
Идентификувани 76 загинати од уривањето на полскиот авион

Истражниот комитет при обвинителството на Русија денеска идентификуваше 76 загинати во авионската несреќа на авионот „тупољев 157“ во сабота, кога животот го загуби и полскиот лидер Лех Качински.
Истражниот комитет при обвинителството на Русија денеска идентификуваше 76 загинати во авионската несреќа на авионот „тупољев 157“ во сабота, кога животот го загуби и полскиот лидер Лех Качински.
Според наводите на руските агенции, останаа неидентификувани 20 жртви. Се очекува денеска руските и полските истражни органи да ја завршат работата на местото на несреќата во областа кај Смоленск.
На местото на падот на авионот за сега работат повеќе од 40 истражители и криминолози на Комитетот, претставници на полското воено обвинителство, полицијата и агенцијата за внатрешна безбедност на Полска, потсетува Итар – Тасс, додавајќи дека истражните органи по завршувањето на прегледот на местото на несреќата ќе продолжат со работа во Смоленск и Москва.
Началничката на Меѓународниот воздухопловен комитет, Татјана Анодина вчера соопшти дека специјалистите утврдиле дека авионот првиот пат ја допрел крошната на дрвјата на оддалеченост од 1.050 метри од пистата, а авионот со левото крило удрил во дрво по 200 метри.
При падот на полскиот авион загинаа сите 96 патници, меѓу кои и претседателот на Полска , неговата сопруга и скоро целиот воен врв на земјата и членови на полската делегација кои тргнаа на комеморацијата по повод 70-годишнината од погубувањето на полскиот офицер во Катинската шума. /крај/блиц/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Заводот за трансфузија во Белград: Има доволно крв за повредените во пожарот во Кочани

Како што истакнуваат од српскиот Завод за трансфузија на крв во Белград, резервите на крв во моментот се стабилни и доколку има потреба од трансфузија кај пациентите што беа повредени во пожарот во дискотеката во Кочани, а кои беа пренесени во Белград и моменно се на Ургентниот центар на КЦС, ќе бидат згрижени.
„Кога станува збор за повредените во пожарот во Кочани, што се однесува до крвта, тие се згрижени. Би сакала да забележам дека за такви повреди крвта не е од суштинско значење за лекување. Се разбира, никогаш не се знае како ќе се одвива текот на лекувањето и важно е да се напомене дека резервите на крв во овој момент се стабилни“, изјави Мирјана Кнежевиќ од Институтот за трансфузија на крв.
Како што наведе таа, Заводот за трансфузија на крв во моментот има резерви од четири дена, што е добра состојба, но дарувањето крв не треба да престане бидејќи секојдневно се потребни крводарителите.
„Вчера, во просторијата на Заводот за трансфузија на крв имаше уште неколку доброволни крводарители, но бидејќи тоа не е пресудно за повредените пациенти од Кочани, нема потреба од паника затоа што, доколку има потреба, ќе бидат згрижени во однос на трансфузијата и воопшто не смееме да се опуштиме бидејќи мора да бидеме свесно и одговорно општество и секогаш да имаме стабилни резерви“, нагласи Кнежевиќ.
Регион
„Во такви моменти нема граници – само човечка болка, жалиме со нашите браќа Македонци“, бугарските партии изразија сочувство

Бугарските политички партии изразија сочувство до браќата Македонци на денот на националната жалост, прогласен од министерскиот совет во Бугарија во знак на солидарност со трагедијата во градот Кочани, Република Северна Македонија, во која загинаа 59 лица, а над 155 беа повредени во пожар во дискотеката „Пулс“ на 16 март, пренесе „Бгнес“.
„Бугарија ја споделува тагата на Северна Македонија по трагичната смрт на 59 лица во Кочани. Во овој тежок момент за нашите најблиски соседи остануваме солидарни во целосна поддршка на македонскиот народ“, соопштија од коалицијата Демократска Бугарија на социјалните мрежи.
Партијата Вазраждане напиша: „Денеска е ден на жалост и солидарност со нашите браќа во Македонија. Господ да ги прости невините млади души!“
И од Има таков народ изразија најискрено сочувство за трагедијата во Кочани. „Ние тагуваме заедно со нашите браќа Македонци“, велат од партијата на Слави Трифонов.
„Денеска, Бугарија е во жалост! Жалиме заедно со нашите браќа и сестри од Кочани и изразуваме длабоко сочувство за семејствата на загинатите во трагичниот пожар. Во такви моменти нема граници – само човечка болка и поддршка што можеме да ја дадеме. Почит кон споменот на жртвите“, стои во ставот на партијата Величие.
Премиерот на Бугарија, Росен Жељазков, го прогласи 18 март за ден на национална жалост како израз на солидарност со „нашиот најблизок сосед на Балканот – Република Северна Македонија, а во врска со трагичниот инцидент во градот Кочани, во кој загинаа 59 лица, над 150 беа повредени во пожар во дискотека“.
14 од повредените се пренесени во медицинските установи во Бугарија – во Софија, Пловдив и во Варна.
„Во такви моменти најважно е да се покажат навремена емпатија и солидарност. Бугарија е подготвена да прифати уште жртви“, изјави вчера премиерот Жељазков.
Претходно денеска, шефот на бугарската држава, кој се потпиша во книгата на жалост во Амбасадата на Република Северна Македонија во Софија, најави дека Бугарија може да прифати повеќе жртви доколку на Скопје му треба поголема медицинска помош уверувајќи дека медицинските тимови се подготвени.
Свет
Зеленски се огласи неколку часа пред разговорот меѓу Путин и Трамп

Во пресрет на денешниот телефонски разговор меѓу Путин и Трамп украинскиот претседател Володимир Зеленски рече дека „Путин продолжува да ја одложува оваа војна“.
„Веќе една недела Путин не може да каже ‘да’ на предлогот за прекин на огнот“, рече Зеленски. Зеленски додаде дека американскиот предлог за 30-дневен прекин на огнот се залага за спасување животи дозволувајќи им на дипломатите да работат на обезбедување безбедност и траен мир – предлог што Русија го игнорира“.
„Секој ден од војната е прашање на човечки животи“, напиша Зеленски на социјалната мрежа Х повикувајќи на притисок врз Москва да ја прекине војната.