Свет
Разбиен меѓународен канал за трговија со украдени возила
Шпанската полиција фати 34-члена криминална група која била дел од меѓународен ланец за трговија со украдени луксузни автомобили, јавија в петок шпанските медиуми.
Шпанската полиција фати 34-члена криминална група која била дел од меѓународен ланец за трговија со украдени луксузни автомобили, јавија в петок шпанските медиуми.
Во рамките на операцијата биле запленети неколку стотици автомобили, од кои поголемиот дел по потекло од Романија.
Според полициски извори од Шпанија акцијата била во координација со романските безбедносни служби. При акцијата биле одземени и запленети уште 8 килограми хашиш, оружје и муниција.
Акцијата започнала во шпанскиот град Толедо по што се проширила и во Мадрид, Малага, Валенсија, Сута, Бургос, Касерес, Ваљадолид и монденското одморалиште Тенерифе.
Акции се спроведени и во неколку други европски држави, а особено во Романија од каде автомобилите биле транспортирани во Шпанија./крај/фо/вм
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Седум бебиња загинаа во голем пожар во болница во источниот дел на Њу Делхи
Седум бебиња загинаа во голем пожар во болница во источниот дел на Њу Делхи, а пет се спасени и префрлени во друга болница, соопштија денеска локалните власти.
Сопственикот на болницата за бебиња во која избувна пожарот во саботата е во бегство, соопшти полицијата.
Како што пренесе Тајмс оф Индија, пожарот е ставен под контрола, а истрагата за причините за несреќата е во тек.
Свет
Вирусот на птичји грип е пронајден во говедско месо во САД
Вирусот на птичји грип е пронајден во говедско месо во САД, но официјални лица изјавија дека месото потекнува од една болна млечна крава и дека не било дозволено да се најде во продавниците во земјата, соопшти американското Министерство за земјоделство.
Надлежните прецизираат дека говедското месо останува погодно за консумирање.
Министерството соопшти дека вирусот бил откриен за време на тестирањето на 96 млечни крави кои биле извадени од производната линија бидејќи федералните инспектори забележале знаци на болеста при рутински прегледи на трупови во погоните за преработка на месо. Птичји грип е пронајден само кај една од овие крави.
Птичјиот грип е пронајден во стадата млечни говеда во девет држави, откриен е во млеко и предизвика уништување на милиони кокошки и мисирки. Сепак, неговото откритие во говедско месо е новост за епидемијата што започна во 2022 година.
Регион
Состојбата на словачкиот премиер Фицо се подобрува
Лекарскиот тим, што се грижи за словачкиот премиер Роберт Фицо, по минатонеделниот атентат денеска потврди дека неговата состојба е субјективно подобрена, соопшти прес-службата на словачката Влада.
Фицо се лекува во болницата „Рузвелт“ во Банска Бистрица.
Тој беше застрелан минатата среда од 71-годишниот писател Јурај Цинтула, кој веднаш беше приведен од полицијата.