Контакт

Спорт

Мундобаскет Турција 2010

Објавено пред

На претстојното 16-то по ред светско првенство кое започнува во сабота во Турција покрај Шпанија и Грција, на првото место ќе атакуваат Србија, Русија и Хрватска

dobivaj vesti na viber

Кошарката е родена во 1891 година во Спрингфилд, Масачусетс, како „дете из епрувете“ бидејки мајка нема, а за нејзин татко се смета Др. Џејмс Нејсмит. Тој ги воспостави основните правила на оваа игра по кои се одржа и првиот меч во локалното училиште со  фудбалска топка и со мрежички без дупка на дното, па топката мораше да се вади од неа по секој постигнат кош. Оттогаш па до денес оваа игра претрпе големи измени, и ако некој оспорува дека стана спорт број 1, сигурно не може да оспори дека стана најатрактивен спорт на планетата земја.Кошарката  ги направи првите чекори на американскиот континент, па можеби затоа и на воведните светски првенства доминираа екипи од овој дел на светот. На првото СП во 1950 година во Аргентина, победија домаќините пред САД и Чиле. Четири години подоцна во Бразил, САД дојдоа до првиот наслов, сребрени беа Бразилците, а бронзени кошаркарите на Филипини. Во Чиле во 1959 година Бразил во финалето се реваншира на САД за поразот на претходното првенство, а домаќинот го освои третото место. Во1963 година Бразил втор и последен пат се закити со круната на домашен терен, а оваа година за прв пат до медали дојдоа екипи од европскиот континент. Југославија го освои сребрениот а СССР бронзениот медал. Токму Југославија и Советскиот Сојуз ќе обележат една ера на доминација на две екипи од Европа менувајки се на тронот на сите светски првенства се до 1986 година. СССР за прв пат стана светски првак во 1967 година во Уругвај, победувајки ја Југославија во финалето, а вкупно има три наслови, исто како САД и Југославија. Последен пат прваци беа во 1982 година со генерацијата во која играа Ткаченко, Валтерс, Сабонис, Еремин, Јовајша, Хомичиус, Белостењи, а предводени на клупата од славниот полковник Александар Гомељски.Југославија првата од трите титули ги освои во Љубљана 1970 година со екипа во која играа Тврдиќ, Плеќаш, Сканси, Јеловац, Данеу, Чосиќ, Шолман, Симоновиќ, Капичиќ, Чермак, Жорга и Рајковиќ. По ова првенство во сите градови во тогашна Југославија на бандерите беа закачувани табли со кошеви, а децата наместо фудбал по сокаците, започнаа да играат кошарка. Оваа експанзија на кошарката придонесе да дојдат генерации кои обележаа доминација на југо-баскетот со играчи од калибар на Драган Кичановиќ, Зоран Славниќ Мока, Дражен Далипагиќ, Мирза Делибашиќ, Жељко Јерков, Жарко Вараиќ, Ратко Радовановиќ, вечниот Крешимир Чосиќ. Така беше се до последната круна пред распадот на Југославија кога за последен пат заедно играа Дражен Петровиќ, Владе Дивац, Тони Кукоч, Жарко Паспаљ, Аријан Комазец, Јуриј Здовц, Велимир Перасовиќ, Зоран Савиќ, Зоран Чутура и Зоран Јовановиќ, тим што во финалето во 1990 година им одржа лекција на САД кои ги потценија противниците и настапија само со три НБА играчи, Алонзо Морнинг, Кени Андерсон и Били Овенс. Гледачите имаа можност во финишот на финалниот натпревар да видат атракции и „шишање“ на американските кошаркари, понижени од легендарниот Дражен и компанијата.САД има три титули. Во 1986 година им досади 32-годишен пост и решија на светското првенство наместо колеџ кошаркари од НЦАА,  да пратат екипа на соништата од НБА ѕвезди. Дрим тимот кој неодамна влезе во куќата на славните беше составен од играчи чии имиња и ден денес се сон и недопирливи за новите генерации.  Мајкл Џордан, Меџик Џонсон, Лери Брд, Патрик Јуинг, Џон Стоктон, Карл Мелоун, Чарлс Баркли, Дејвид Робинсон, Скоти Пипен, Клајд Дрекслер и Кристијан Лајтнер ја донесоа втората титула за САД на шампионатот во Шпанија. Во финалето го совладаа СССР, тим што во полуфиналето во трилер меч, за само 49 секунди до крајот со три тројки успеа да надомести  негатива од девет поени против Југославија, на чија клупа Сканси прерано почна да прославува победа.СССР и Југославија се распаднаа како држави, а од овие две мега репрезентации никнаа како пипци од октопод нови силни тимови, Па СР Југославија, односно Србија и Црна Гора, освоија уште две првенства, а Русија два пати, и Хрватска еднаш, беа закитувани со сребрени медали.Последни победници од СП 2006 година во Јапонија, предводени од вонсерискиот По Гасол се Шпанците на кои ова им е единствен медал и тие ќе ја бранат титулата во Турција но без својата ведета. Грција беше втора на минатото првенство, а САД трет. Самиот пласман најавува дека од 2006 година можеби започнува ера во која поранешните великани на кошарката ќе мора полека приматот да го предаваат на  „новите клинци“. На претстојното 16-то по ред светско првенство кое започнува во сабота во Турција покрај Шпанија и Грција, на првото место ќе атакуваат Србија, Русија и Хрватска. Словенците посакуваат изненадување, а  тимови за респект имаат Германија, Литванија, Турција, па и Кина земји кои дале во НБА лигата играчи од екстра класа. Порторико се обидува да се врати на старите патеки од седумдесетите години, а не треба да се заборават Канада, па и Австралија. Сите овие несомнено ќе се обидат да станат дел од историјата и за прв пат да изборат статус на светски првак. На шампионатот на планетата, Кајсери, Истанбул, Анкара и Измир ќе бидат домаќини на вкупно 24 репрезентации, поделени во четири групи во првата фаза на првенството.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт

Пјастри на пол-позицијата во спринтот, Норис трет, Ферстапен шести

Објавено пред

Оскар Пјастри ќе го започне спринтот во Катар од првата позиција. Австралиецот, во последното излегување на патеката успеа да му го одземе првото место на Џорџ Расел од Мерцедес за 32 илјадити делови од секундата. Трет ќе стартува лидерот во генералниот палсман, Ландо Норис. Потфрли, со шесттот место, Макс Ферстапен.

dobivaj vesti na viber

Пјастри ја освои пол-позицијата со најбрзиот круг 1:20.055, за „влакно“ беше побрз од Џорџ Расел. Возачот на Мерцедес ги раздвои возачите на Мекларен. Ландо Норис ќе стартува од третото (+230), а ветеранот Фернадо Алонсо (Астон Мартин) од четвртото место.

Третиот ред го освоија возачите на Ред Бул. Изненадување е што Јуки Цунода е пред Макс Ферстапен. Следуваат Кими Антонели (Мерцедес), Карлос Саинц (Вилијамс), Шарл Леклер (ферари) и Алекс Албон (Вилијамс).

Пред спринт трката Норис има 24 поени повеќе од Пјастри и Ферстапен. Математиката е јасна, Норис викендов треба да освои два поени повеќе (спринт и главна трка) од конкурентите за да ја освои титулата.

Спринтот во Катар се вози во 15 часот по средноевропско време.

Foto/ EPA

Прикажи повеќе...

Спорт

Аморим ставил 11 фудбалери на трансфер листата, меѓу нив е капитенот

Објавено пред

Манчестер Јунајтед наводно е подготвен да продаде дури 11 фудбалери, што Рубен Аморим ги отпишал. Изненадување е што на листата, барем така тврдат англиските медиуми, се наоѓа и еден од недопирливите, капитенот Бруно Фернадеш/

dobivaj vesti na viber

Евертон ја прекина серијата од пет натпревари без пораз на Манчестер Јунајтед на „Олд Трафорд“ во понеделник вечерта.

Иако Идриса Геје беше исклучен поради старт врз соиграчот Мајкл Кин, по само 13 минути игра, голот на Дјусбери-Хол им ја донесе победата на „Карамелите“.

По натпреварот, фудбалерите на Манчестер Јунајтед беа исвиркани од навивачите за нивната ужасна игра и пораз.

Манчестер Јунајтед моментално е на 10-то место на табелата во Премиер лигата, а како што стојат работите, се подготвуваат големи промени во ростерот.

Според „Сан“, Манчестер Јунајтед сака да го освежи редот за врска, во летниот преоден рок. Тие трансфери клубот би ги финансирал од продажба на фудбалери.

Англискиот дуо Адам Вортон и Елиот Андерсон се на врвот на листата на желби на Рубен Аморим, заедно со Карлос Балеба од Брајтон. Исто така, Јунајтед сака да донесе уште еден голман и играч на крилната позиција.

Јунајтед ги разгледува сите опции поради неизвесноста околу иднината на капитенот Бруно Фернандеш и Коби Меину.

Се тврди дека Бруно Фернандес би можел да се приклучи на друг клуб следната сезона, а Манчестер Јунајтед би требало да заработи околу 65 милиони евра.

Тој претходно изјави дека нема да донесе одлука за својата иднина додека не заврши Светското првенство следното лето.

На трансфер листата на Манчестер Јунајтед се наоѓаат и Мануел Угарте, Маркус Рашфорд, Расмус Хојлунд, Касемиро, Џејдон Санчо, Хари Магваер, Алтај Бајиндир, Џошуа Зиркзе и Тајлер Маласија.

Манчестер Јунајтед, следниот викенд играат против Кристал Палас на „Селхерст Парк“ во Лондон.

Прикажи повеќе...

Спорт

Лапорта: Во Реал се заразени со „барселонитис“

Објавено пред

Претседателот на Барселона, Џоан Лапорта, остро го критикуваше Реал Мадрид и неговиот претседател Флорентино Перез за време на неговата посета на Андора. Лапорта одговори на неговите остри изјави на последното Генерално собрание на Реал Мадрид.

dobivaj vesti na viber

Флорентино Перез ја обвини Барселона дека во последните 17 години му исплатила 8.000.000 евра на потпретседателот на судиската комисија, Хозе Марија Енрике Негреира. На собранието, кое има 1.563 членови, Перез ги критикуваше Ла Лига, Барселона, УЕФА, судиите… Тој не поштеди никого.

По ова следеше одговорот на Жоан Лапора.

„Немав можност да ги коментирам изјавите од тоа Собрание, но сега кога сум во Андора, имам можност. Мислам дека тие го покажуваат „барселонитисот“ од кој страда Реал. Се чини дека мора да зборуваат за Барса за да оправдаат, не знам зошто. Барса никогаш не купила судии и воопшто судиите никогаш не ја фаворизирале Барса, тие секогаш го фаворизирале Реал“, се оправда Лапорта.

Тој го, како пример дека Реал ја има поддршката од судиите, го наведе последното коло од Ла Лига.

„Без да одам понатаму, минатото коло, Реал постигна два гола, за мене е јасно дека Белингам ја допира топката со рака, а потоа Винисиус му го крши носот на Игнасио и тие два гола не треба да бидат признати и сега Барса би била лидер на Лигата“, нагласи претседателот на Барселона.

Лапорта исто така истакна дека обвинувањата на Реал нема да го оцрнат „златното доба“ во историјата на клубот:

„Тие имаат комплекс и манија да ја бркаат најдобрата фаза во историјата на Барса, не им се допаѓаше што Барса беше водечки тим на планетата од 2004 до 2015 година. А сега бараат изговори што не водат никаде. Ние бевме тим кој играше најдобар фудбал, беше препознаен, луѓето го сакаа и му се восхитуваа на тој тим. Освоивме многу титули, а играта на Барселона беше обожувана насекаде низ светот, затоа немојте да барате изговори“, подвлече лидерот Блауграна.

Претседателот на Барселона е задоволен ако противникот се чувствува така.

„Ако се заразени со „барселонитис“, јас сум среќен, бидејќи ова се обично периодите кога Барса е успешна и победува. Телевизијата на Реал Мадрид се обидува да влијае на судиите секоја недела“.

Прикажи повеќе...

Најново

Европа10 часа

ЕУ ѝ постави ултиматум на Украина

Киев мора да преземе решителни мерки за гонење на корумпирани политичари и бизнисмени ако Украина сака да се приклучи на...

Европа12 часа

Главниот советник на Зеленски поднесе оставка

Андриј Јермак, моќниот шеф на кабинетот на украинскиот претседател Володимир Зеленски, поднесе оставка. Оставката дојде откако агенти од Националното биро...

Свет12 часа

Трамп му ги предава окупираните украински територии на Путин, пишува Телеграф

САД наводно се подготвени да ја признаат руската контрола врз Крим и другите окупирани украински територии со цел да се...

Македонија13 часа

Во мусаката од првата смена пронајдени бактерии, истите откриени и на чешмите во училиштето „Димо Хаџи Димов“

По стомачните тегоби кај десетици ученици во „Димо Хаџи Димов“, инспекциите утврдија нехигиена на чешмите во училниците и кујната. На...

Економија14 часа

Од 1 декември поскапува парното: сметките повисоки за околу 130 денари

Регулаторната комисија за енергетика, водни услуги и управување со комунален отпад (РКЕ) ја информира јавноста дека од 1 декември цената...

Македонија15 часа

Мицкоски: Имам информации дека судија известител ставил потпис на извештајот со кој се укинува линеарното покачување на пензиите

„Ќе кажам дека вчера за време на пратеничките прашања бев многу прецизен и кажав дека имам информации дека е отпочната...

Топ16 часа

Mаж најден починат утрово на тротоар на „Илинденска“

Утрово околу 07:00 часот, во полицијата било пријавено дека на тротоар на булеварот „Илинден“ во Скопје бил пронајден починат Т.К....

Македонија17 часа

(Видео) Мицкоски: Без ефикасна и чесна даночна администрација нема силна економија и одржливи јавни финансии

Без ефикасна и чесна даночна администрација нема ниту силна економија, ниту одржливи јавни финансии, ниту држава што може да планира...

Топ17 часа

Струмичанецот што со шприц сакаше насилно да ѝ вшприца на сопругата пестицид ќе одговара за обид за убиство

Струмичанец со шприц сакал насилно да ѝ вбризга на сопругата пестицид. Таа почнала да вика, а двете малолетни деца слушнале...

Македонија18 часа

Водата во ООУ „Димо Хаџи Димов“ е исправна и може непречено да се употребува, велат од „Водовод“ по труењето во училиштето

Од ЈП „Водовод и канализација“ – Скопје информираат дека по извршениот вонреден мониторинг, водата во ООУ „Димо Хаџи Димов“ во...

Македонија18 часа

(Фото) Отстранета дивоградба на улицата Орце Николов, Герасимовски најави расчистување на бесправните објекти

Во рамките на обемната акција за отстранување дивоградби, Општина Центар ја урна нелегалната доградба на деловен објект на улица „Орце...

Свет21 час

Норвешки ветеран: НАТО влегува во фаза на распаѓање

Во блиска иднина, НАТО не само што би можел да ослабне, туку и да престане да постои како релевантен воено-политички...

Македонија21 час

Жителите на Чучер-Сандево тргнаа во наплата на изборните ветувања: ја бараат ветената канализација од градоначалникот Зоран Бајовски

Со уредно платени комуналии за куќите жителите на четири улици, кои припаѓаат на Општина Чучер-Сандево, иако се многу поблиску до...

Свет22 часа

Путин постави клучен услов за завршување на војната, Зеленски го отфрла

Рускиот претседател, Владимир Путин, вчера изјави дека ќе ја запре офанзивата во Украина само ако Киев се повлече од териториите...

Свет22 часа

Трамп со драстична мерка: „Трајно ја забранувам миграцијата од третиот свет“

Претседателот на САД, Доналд Трамп, најави драстична мерка – трајно суспендирање на миграцијата од сите земји од третиот свет. Шокантната...

Свет1 ден

Зеленски: Украинските и американските делегации ќе изработат „формула за мир“ оваа недела

Украинскиот претседател, Володимир Зеленски, денес изјави дека украинските и американските делегации ќе се состанат оваа недела за да ја изработат...

Македонија1 ден

Мицкоски: Ако се жалат судиите со 3-4.000 евра месечни примања, тогаш како им е на дечињата во градинка кои немаат играчки за играње

Реновираме градинки, училишта, цениме дека е поголем приоритет отколку да ги зголемиме платите на судиите и обвинителите. Мислиме дека е...

Македонија2 дена

Поради превенција од свлечиште на Водно надлежните на итна координација

Поради превенција за активирање на свлечиштето на падините на Водно, во близина на улиците „Белградска“ и „Партенија Зографски“, и реалната...

Македонија2 дена

Филков до СДСМ: Груевски има политички азил, се занимавате со циркус, а не со реална работа

Министерот за правда Игор Филков одговарајќи на пратеничко прашање од Миле Талески од СДСМ, зошто не се бара екстрадиција на...

Македонија2 дена

Мицкоски: Главен фокус в година ќе бидат капиталните инвестиции, целта е да дојдеме до раст на БДП над 4 отсто проценти

Премиерот Христијан Мицкоски на денешната седница во Собранието за пратенички прашања истакна дека в година главен фокус на Владата ќе...