Свет
За газдите на „Фи-ком“ по 10 години затвор
Весна Николиќ плачеше и се тресеше кога
слушна дека е осудена на 10 години затвор, а нејзиниот сопруг Никола Николиќ
мирно ја прифати пресудата
АФЕРАТА СО ПРОДАЖБАТА НА СТАНОВИ ДОБИ
СУДСКА РАЗВРСКА
Весна Николиќ плачеше и се тресеше кога
слушна дека е осудена на 10 години затвор, а нејзиниот сопруг Никола Николиќ
мирно ја прифати пресудата
Со солзи в очи и со грч во телото вчера Весна Николиќ (38) ја дочека
пресудата со која таа и нејзиниот сопруг Никола Николиќ (35) беа осудени на по
10 години затвор за мегааферата „Фи-ком“. Никола Николиќ мирно ја ислуша
пресудата и не коментираше, а за тоа време на неговата сопруга и’ се тресеа
нозете кога слушна дека е осудена на максимална казна за измама.
Таа претходно побара, ако биде прогласена за виновна, да биде пуштена од
притвор. Поради висината на затворската казна таа и нејзиниот сопруг ќе останат
во истражниот затвор се’ додека пресудата не стане правосилна. Според
вчерашната судска одлука, агентите за продажба Музафера Каевиќ (39) и Снежана
Зорбовска (43) добија по три години затвор за помагање.
Само тројца измамени граѓани вчера чекаа пред судницата во Основниот суд Скопје
2 за да ја чујат пресудата. Тие беа задоволни што сопружниците беа осудени на
затворски казни, но останаа разочарани што никој не им кажа дали ќе им бидат
вратени парите или, пак, ќе ги добијат становите. Судијката изјави дека
Судскиот совет дополнително ќе се произнесе за висината на отштетното
побарување на десетици измамени граѓани и отштетата ќе биде наведена во
образложението на пресудата.
Адвокатите на обвинетите не беа задоволни од судската одлука.
– Однапред се знаеше каква ќе биде одлуката. Пресудата не беше донесена во име
на граѓаните, туку за граѓаните. Ќе се жалиме на ваквата одлука и се надеваме
дека Апелацискиот суд ќе ја укине пресудата – изјави адвокатот Мирослав Вуиќ.
Пред да биде изречена пресудата, вчера адвокатите и Обвинителството дадоа
завршни зборови. Обвинителот изврши прецизирање на обвинението и го намали
бројот на измамените граѓани. Според него, во текот на судската постапка било
утврдено дека дел од купувачите се единствени сопственици на становите и не
биле жртви на повеќекратната продажба. Обвинителот побара четворицата обвинети
да бидат прогласени за виновни и да бидат осудени. Адвокатот Арбен Голја,
бранител на Николиќ, побара ослободителна пресуда за газдата на „Фи-ком“.
– Со ништо не се утврди вината на мојот клиент, а во текот на судењето не се
утврди ниту мотивот за наводната измама – рече Голја.
Тој изјави дека во текот на постапката дури и обвинителот во една пригода
неформално изјавил: „Во овој хаос ниту Господ не може да се снајде.“ Голја со
ова сакаше да докаже дека не станува збор за измама, туку за погрешна
нумерација на становите и лоша организација во градежната фирма.
Ослободителна пресуда побара и бранителот на Весна Николиќ, адвокат Ристо
Петров. Тој кажа дека од случувањата во „Фи-ком“ како жртви излегле и мајката и
братот на обвинетата.
– Кој би ги измамил сопствената мајка и брат. Поради случувањата во градежната
фирма, никој не ја посетува Весна Николиќ во притвор. Дека тоа е така покажува
и фактот што ниту една дозвола за посета во истражниот затвор не е издадена на
име на нејзината мајка и брат – рече адвокатот Петров.
На ова Никола Николиќ иронично прокоментира: „Немој Ристо, ќе не’ расплачеш
сите во судницата“.
За лошата здравствена состојба на Весна Николиќ потврди и нејзиниот адвокат,
кој во текот на судењето изјави дека таа неколкупати посегнала по својот живот,
поради што била врзувана за креветот во затворската ќелија. Во текот на
судењето сопружниците си ја префрлаа вината еден на друг, а агентите тврдеа
дека ги следеле наредбите на претпоставените.
Каде се парите?
По завршување на првостепената судска постапка за случајот „Фи-ком“, се
отвори прашањето кој ќе им ги исплати парите на граѓаните што биле измамени од
продажбата на становите.
Проблем е што никој не знае каде завршиле парите. Се шпекулираше дека биле
префрлени во странска банка, но тоа не беше докажано. И обвинителот вчера им се
обрати на обвинетите и им порача да кажат каде се парите и да си олеснат.
Никола и Весна Николиќ во завршни зборови кратко изјавија дека се согласни да
им се исплатат парите на оние граѓани за кои ќе биде докажано дека се измамени.
Адвокатите укажаа дека ако обвинетите одат во затвор тогаш се мали шансите
некој да ги обесштети граѓаните. Тие вчера рекоа дека на судењето требало да
биде извршено финансиско и градежно вештачење за да се утврди висината на
штетата.
Александар Манасиев
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Руте не сакаше да ги коментира тензиите меѓу САД и европските сојузници околу Гренланд
Генералниот секретар на НАТО, Марк Руте, денеска изјави дека нема јавно да ги коментира тензиите меѓу САД и нивните европски сојузници поради барањето на американскиот претседател Доналд Трамп — САД да го преземат Гренланд.
„Можете да бидете сигурни дека работам на ова прашање зад сцената, но не можам тоа да го направам јавно“, рече Руте за време на панел-дискусија на Светскиот економски форум во Давос, Швајцарија, пренесе „Ројтерс“.
Тој додаде дека претседателот Трамп и другите лидери се во право кога велат дека Арктикот мора да биде заштитен од руско и кинеско влијание.
„Мораме да сториме повеќе таму. Мораме да го заштитиме Арктикот од руско и кинеско влијание. Работиме на тоа — да обезбедиме колективна одбрана на арктичкиот регион“, изјави Руте.
Регион
Црна Гора ќе затвори уште едно поглавје во преговорите за пристапување кон ЕУ следната недела
Црна Гора би можела да затвори уште едно поглавје во преговорите за пристапување со Европската Унија (ЕУ) следната недела, а тоа е Поглавје 32, финансиски надзор, изјави црногорската министерка за европски прашања, Маида Горчевиќ.
Таа истакна дека поглавјето 32, кое е под надлежност на Министерството за финансии на Црна Гора, било технички подготвено претходната година, но неговото затворање било одложено поради внатрешните процедури на Европската комисија и земјите-членки.
„Од наша страна, беше испратена јасна порака дека ќе ги исполниме сите обврски што се очекуваат на европскиот пат. Од друга страна, Европската комисија очекува посилна борба против организираниот криминал и корупцијата, зајакнување на граничните премини и дополнително зајакнување на судството“, изјави Горчевиќ во изјава за Радио и телевизија на Црна Гора.
Според неа, брзото затворање на Поглавјето 32 би претставувало важен чекор во амбициозниот план на Владата да ги затвори сите преостанати поглавја до крајот на 2026 година, што би го отворило патот кон полноправно членство на Црна Гора во Европската Унија до 2028 година.
Црна Гора ја поднесе својата апликација за членство во ЕУ во декември 2008 година, а преговорите за пристапување започнаа во јуни 2012 година, и досега затвори 12 од 35 поглавја.
Во декември, Црна Гора затвори пет поглавја, од кои клучни се оние за јавни набавки, слободно движење на капитал и рурален развој, што беше оценето како пресвртница пред влегувањето во нова фаза од преговорите и трансформирањето на земјата од кандидат во сериозен кандидат за членство. Во последните две години, темпото на преговорите на Црна Гора за членство во ЕУ се забрза, но 2026 година е клучна година во која земјата се соочува со предизвици, особено во поглавјата 23 и 24, кои се однесуваат на владеењето на правото, независноста на судството и борбата против корупцијата.
Постои поглавје 31, кое ги опфаќа надворешната, безбедносната и одбранбената политика, чие затворање беше блокирано од Хрватска.
Иако Загреб во тоа време изјави дека не ја блокира Црна Гора, веќе постојат „отворени прашања“ што треба да се решат, меѓу кои бродот Јадран, демаркацијата, исчезнатите лица и гонењето на воените злосторства.
Свет
Италијански медиуми: Мелони бара начин да се извлече од мировната иницијатива на Трамп за Газа
Премиерката на Италија, Џорџа Мелони, се двоуми дали да го прифати повикот од американскиот претседател Доналд Трамп за учество во новоформираниот „Одбор за мир“, објави италијанскиот весник „Кориере дела Сера“.
Весникот наведува дека Мелони на почетокот го поздравила повикот, но сега се обидува „да се извлече од таа ситуација“. Причината е Членот 11 од италијанскиот Устав, според кој Италија може да биде дел од меѓународни организации што работат за мир, но само врз основа на рамноправност со другите држави — нешто што не се однесува на одборот на Трамп.
Уредникот Симоне Канечиери објаснува дека Одборот што го замислил Трамп наликува на приватна верзија на Обединетите нации, во кој САД имаат водечка улога и каде учеството подразбира „влезна такса“ од една милијарда долари.
Според Канечиери, Трамп сака лично да го реши конфликтот во Газа, но неговата иницијатива сè повеќе наликува на „приватна влада на светот“, каде што членовите и правилата би ги одредувал тој самиот, дури и по напуштањето на Белата куќа.
Повеќе западни сојузници реагирале воздржано на планот, а дипломати предупредуваат дека таков одбор би можел да ја поткопа работата на Обединетите нации.
Според „Ројтерс“, Трамп треба да ја предводи церемонијата за основање на одборот во четврток, за време на Светскиот економски форум во Давос.
Фото: ЕПА
МВР предупредува: Не наседнувајте на лажни пораки во име на директорот на БЈБ и од Единицата за сајбер безбедност
Во МВР пристигнуваат пријави од граѓани за добиенa електронска порака наводно во име на директорот на Бирото за јавна безбедност...
Објавено колку Македонци живеат во Германија
Повеќе од 14 милиони странци живеат во Германија, а Украинците станаа втора најголема група странски државјани и наскоро би можеле...
Понудил за 100 евра да избрише судска казна од 200 евра: уапсен вработен во Основен суд во Гостивар
Вчера во 20:10 часот, полициски службеници од Полициското одделение Ростуше го лишија од слобода А.Ј.(49) од село Присојница, општина Маврово...
(Фото) Ѓорѓиевски: Од раните утрински часови, екипите на Град Скопје се постојано на терен
Соочени со зимските услови и снежните врнежи, Град Скопје навремено и одговорно ги презема сите неопходни мерки за обезбедување безбедно...
Обвинителството да ги истражи наводите за мафијашките притисоци, уцени и злоупотребата на системот од Филипче и Заев за остварување на клановските цели, бара ВМРО-ДПМНЕ
„Нема пора во општеството каде што СДС под менторство на Зоран Заев и Венко Филипче со мафијашки методи не владееле....
Граѓаните поблиску до ЕУ роаминг без дополнителни трошоци, велат од Министерството за дигитална трансформација
Министерството за дигитална трансформација известува дека измените и дополнувањата на Законот за електронски комуникации (ЗЕК) се влезени во владина процедура...
СДСМ: Дефокус на ВМРО преку Алфа и Жан додека се носат 10.000 „сезонски работници“
„Додека јавноста е бомбардирана со лажни и измислени афери со координирани напади преку Алфа ТВ, лажните изјави на Жан и...
(Видео) Американски специјалци упаднаа во уште еден танкер, објавена е снимка
Американските сили ја презедоа контролата врз танкер за нафта во Карипското Море, соопшти војската. Моторниот брод „Сагита“ ја прекрши блокадата...
(Видео) Трамп го прашаа колку далеку е спремен да оди за Гренланд: „Ќе дознаете“
Американскиот претседател Доналд Трамп вчера одби да прецизира колку далеку е спремен да оди во својот обид САД да го...
(Видео) Нова железничка несреќа во Шпанија: машиновозачот загина, 37 повредени
Машиновозачот загина, а најмалку 37 лица се повредени во железничка несреќа во близина на Барселона. Според локалните власти, возот Родалиес...
Забрани за камиони на планинските превои Ѓавато, Пресека, Маврово – Дебар и Струга – ГП Ќафасан
Забрани за тешки товарни возила на планинските превои Ѓавато, Пресека, Маврово – Дебар и Струга – ГП Ќафасан, извести АМСМ....
Полицијата ја тргнала плочката, а зад неа – 350.000 евра скриени во ѕидот: детали за падот на судијата
Единицата за корупција при Одделот за сузбивање на организиран и сериозен криминал поднела кривична пријава против судијата Ѓоко Ристов (53)...
МВР алармира: Граѓаните да не отвораат лажни пораки, наводно испратени од „Безбеден град“, и да не споделуваат лични податоци
Министерството за внатрешни работи ја информира јавноста дека изминатиов период е забележана појава на фишинг напади кои се изведуваат преку...
Јаневска: Колку повеќе децата се во училиште, толку е поголем нивниот резултат
Македонските ученици до 15-годишна возраст поминуваат дури 900 часови помалку во училишните клупи во споредба со нивните врсници од Европската...
Обвинителството побара куќен притвор за судијата Ѓоко Ристов осомничен за корупција
Обвинителството побара куќен притвор за судијата Ѓоко Ристов осомничен за корупција, кај кого беа пронајдени 350.000 евра соѕидани во ѕид...
Се зголемуваат цените на бензините и дизелот
Цените на бензините и на дизелот од ноќеска на полноќ ќе се зголемат за 1,5 и за 2 денари, соопшти...
Анел Фидоски нов шеф на скопското јавно обвинителство
На денешната седница на Советот на јавни обвинители, Анел Фидоски е избран за нов шеф на Основното јавно обвинителство Скопје....
(Видео) СДСМ обвини дека „Алфа“ не е само медиум туку политички проект: „Како и во времето на Груевски, повторно функционира како центар за црни кампањи“
Денеска, членот на Извршниот одбор на СДСМ, Јон Фрчкоски, на прес-конференција објави ново разоткривање на Антикорупцискиот тим – АКТ. Тој...
Лавров: Гренланд не е природен дел од Данска
Рускиот министер за надворешни работи, Сергеј Лавров, го коментираше конфликтот меѓу САД и Европа околу иднината на Гренланд, доведувајќи го...
Сакале насилно да влезат во затворена гостилница па го истепале сопственикот: 30-дневен притвор за двајца осомничени
Основното јавно обвинителство Куманово донесе Наредба за спроведување истражна постапка против две лица за кои постои основано сомнение дека заеднички...
