Свет
Расте бројот на загинати во Италија, Наполитано ја посети Аквила
Билансот на жртвите во катастрофалниот земјотрес што вo понеделникот ја погоди централна Италија се приближува до 300 луѓе, од кои најмалку 16
Билансот на жртвите во катастрофалниот земјотрес што вo понеделникот ја погоди централна Италија се приближува до 300 луѓе, од кои најмалку 16 се деца.
Италијанските медиуми јавуваат дека избледува надежта за пронаоѓање на уште преживеани под урнатините.
Италијанскиот претседател Џорџо Наполитано утрината ја посети Аквила, главниот град на областа Абруцо, која што е најтешко погодена од земјотресот.
Според најавите, за утрешниот ден, Велики петок за католичките верници, се подготвува групен државен погреб на жртвите од земјотресот. Прогласен е национален ден на жалост.
Според карабинерите, четири дена по катастрофалниот земјотрес, бројот на жртвите пораснал на 278 лица.
Од 20 до 30 луѓе се уште се водат за исчезнати, а 1.170 се повредени. Од нив 179 се во тешка состојба. Проценките говорат дека околу 28 илјади луѓе останале без своите домови.
Нови земјотреси се уште се чувствуваат во областа, а најсилниот бил регистриран рано утрината со јачина од 5,2 степени по Рихтеровата скала./крај/бе/амп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Вo Шпанија уапсен еден од најбараните наркобосови во Србија
Шпанската полиција разби српска организирана криминална група осомничена дека го нападнала домот на ривалскиот клан од Србија минатиот јануари. Во акцијата беа уапсени 11 лица, меѓу кои и лидерот, по кого Србија распиша потерница уште во 2021 година.
Во провинциите Малага, Мадрид и Барселона се извршени апсења поради вмешаност во криминални дејствија – киднапирање, грабеж со насилство, недозволено поседување оружје, телесни повреди, фалсификување документи, трговија со дрога и членство во криминална организација.
Во акцијата на шпанската полиција одземени се три парчиња огнено оружјо. На некои им беа избришани сериските броеви. Запленети се и сто парчиња муниција, седум лажни лични документи, дрон и 16.000 евра во кеш.
Извршени се и седум претреси, од кои пет во Естепона.
Меѓу уапсените е и водачот на криминална група по која Србија распишала потерница во 2021 година. Тој е еден од најбараните луѓе во Србија.
Свет
Четворица тинејџери под истрага за нападот на германскиот пратеник во Европскиот парламент Матијас Еке
Четворица германски тинејџери се под истрага за нападот врз германскиот пратеник во Европскиот парламент (ЕП) Матијас Еке, кога беше тешко повреден и му беше потребна операција, соопшти полицијата.
Полицијата соопшти дека 17-годишникот дошол во полициската станица во саботата и рекол дека бил вклучен во нападот врз Еке, а полицијата идентификувала уште тројца напаѓачи во неделата, откако ги пребарала нивните домови и собрала докази, објави Ројтерс.
Сите четворица се германски државјани на возраст од 17 до 18 години.
Регион
300 милиони луѓе го гледале интервјуто на Вучиќ за кинеската телевизија
300 милиони луѓе го гледале интервјуто на српскиот претседател Александар Вучиќ за кинески CCTV.
Вучиќ во интервјуто посочи дека Србија може и треба да научи, како што наведе, „илјада работи од своите кинески пријатели“.
– Правиме големи подготовки за ЕКСПО. Кога управувате со земја имате високи цели. Секогаш мора да ги ставате новите цели на прво место. Ако сакаме да го постигнеме тоа, најдобар можен партнер за тоа отсекогаш била, и секогаш ќе биде, Народна Република Кина. Тука е и претседателот Кси, бидејќи тој секогаш го држи зборот. Го гледам како обичен, скромен човек, кога ќе вети нешто, го исполнува. Не можам да ви кажам дали имаме големи работи во железничкиот сектор, целокупната инфраструктура или индустрискиот сектор, економијата, туризмот, културата, но секако има илјадници работи што можеме и мораме да ги научиме од нашите кинески пријатели – рече Вучиќ во интервјуто за кинеската телевизија.