Македонија
Нарушен основниот принцип при заштитата од дискриминација
Со тоа што не докажува невиност оној кој е обвинет за дискриминација, туку оној што пријавува дискриминација доставува докази е нарушен основниот принцип при заштитата од дискриминација
Вака реагира на Кочо Андоновски во иемто на Хелсиншкиот комитет (ХК) во однос на составот и структурата на Комисијата за заштита од дискриминација
„Каков што беше процесот на донесување на законот за дискриминација таков е и резултатот особено во однос на Комисијата за заштита од дискриминација. Најлошо од се е тоа што за да поднесе некој граѓанин претставка пред Комисијата треба да има факти и докази и сам да ја спроведе истрагата“, додаде Андоновски.Министерот за труд и социјала Џелал Бајрами информираше дека ќе бидат спроведени семинари во девет општини во Македонија за дообјаснување на законот како и дека Собранието на РМ ќе објави јавен оглас на кој ќе можат да конкурира секој граѓанин кој има најмалку пет години искуство во областа на човековите права.Душко Миновски од министерството за труд и социјала не даде прецизен одговор за принципот по кој ќе функционира Комисијата додавајќи дека покрај активното учество на дискриминираниот во процесот на докажување ќе изведува докази и Комисијата.Во април годинава македонското Собрание го усвои Законот за спречување и заштита од дискриминација, кој ќе се применува од први јануари 2011 г.Согласно со овој Закон, Комисијата за заштита од дискриминација ќе биде формирана и членовите на Комисијата ќе се избираат на јавен оглас и ќе бидат со петгодишен мандат без право на повторен избор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Лашкоска: Обновувањето на шумскиот фонд е дел од приоритетите на локално и национално ниво
Заменик министерката за животна средина и просторно планирање, Ане Лашкоска, денес ја посети Гевгелија каде заедно со градоначалникот, Андон Сарамандов, се приклучија на акцијата за масовно пошумување и подигање на јавната свест „Да пуштиме корени во нашата Гевгелија“ во рамките на која на месноста Топлик, Гевгелија се засадуваа 6000 дрвни насади.
„Министерството за животна средина ги поддржува активностите за пошумување во државата бидејќи тие се значаен ресурс од повеќе аспекти – заштита на биодивезитетот, подобрување на квалитетот на воздухот, климатските промени, заштита од ерозија и свлечишта и се важен економски ресурс“ изјави Лашкоска на настанот потенцирајќи дека обновувањето на шумскиот фонд е дел од приоритетите на локално и национално ниво особено во услови кога сме соочени со многу високи летни температури и со сериозно опожарување на шумите на територијата на целата држава.
Таа упати честитки и благодарност до градоначалникот на Гевгелија, Андон Сарамандов и општина Гевгелија за одлично реализираната акција.
Во рамките на посетата на општина Гевгелија, заменик министерката Лашкоска и градоначлникот Сарамадов направија увид во реализацијата на проектот за намалување на загуби на вода со замена и инсталација на водомери заедно со инсталација и конфигурација на опрема со далечинско отчитување. Проектот го имплементира ЈКПД Комуналец Гевгелија, а е финансиски поддржан од страна на МЖСПП со средства во висина од 5 милиони денари.
Македонија
СДСМ утре на Конгрес ќе избира ново раководство
Социјалдемократскиот сојуз на Македонија утре ќе го одржи 30. партиски Конгрес, на којшто ќе биде избрано новото партиско раководство.
Од опозициската партија известија дека Конгресот ќе има отворен и работен дел, ќе се разговара за идните, нови политики на партијата и ќе биде избрано новото раководство, однсно членовите на највисиките тела во СДСМ – Централниот и Надзорниот одбор.
На почетокот, ќе има обраќање на Венко Филипче, кој пред пет месеци ја презема претседателската функција од неговиот претходник, Димитар Ковачевски по големиот пораз што го претрпе партијата на парламентарните и претседателските избори.
Македонија
ВМРО-ДПМНЕ контра Кузеска: Оваа Влада вложува во модернизација, претходната потроши 5 милиони евра на службени возила
За разлика од ВМРО-ДПМНЕ која што вложува во модернизација, професионализација и осовременување на условите за работа во македонските институции, СДС и ДУИ во своето владеење за службени возила потрошиле повеќе од пет милиони евра, реагира ВМРО-ДПМНЕ на прес-конференцијата на портпаролката од СДСМ, Богданка Кузеска.
„Очигледно на функционерите од СДС изминатите седум години на власт, најважна им била сопствената комоција, а не и реалните проблеми на обичните луѓе“, велат од ВМРО-ДПМНЕ.
Додаваат дека во буџетот за 2025 година предвидено е зголемување на средствата за модернизација на МВР, одбраната, здравството, земјоделието, односно предвидени се зголемени средства за набавка на опрема во сите институции.
Кузеска претходно денес на прес-конференција обвини дека власта ги одби амандманите за поголеми плати, а ќе троши на мебел и скапи автомобили за функционерите.