Свет
Србинот Златко Глушица управувал со урнатиот авион во Индија
Златко Глушица е пилотот на индискиот авион кој рано изутрина се сруши при слетување во градот Мангалор и воедно е вработен во српскиот авиопревозник Јат ервејз.
Златко Глушица е пилотот на индискиот авион кој рано изутрина се сруши при слетување во градот Мангалор и воедно е вработен во српскиот авиопревозник Јат ервејз.
Ова го соопшти претставничката на Јат Жељка Стојановиќ, додавајќи дека Златко Глушица е британски државјанин со српско потекло.
Стојановиќ информира дека пилотот Глушица бил искусен пилот и последните три години работел во Индија, со уште дваесетмина пилоти на кои работниот стаж им е во мирување во матичната компанија.
Откако Јат ервејз е во финансиска криза и има намален број на летови голем број на пилоти се „изнајмуваат “ на други авиокомпании без да добијат отказ во матичната куќа со тоа што им се плаќаат придонеси, но не примаат плата и други бенефиции.
Во авионската несреќа, утринава загинаа 159 лица, од кои 137 возрасни , девет деца и четири бебиња, а седуммина се повредени.
Досега спасувачките екипи успеаа да извадат 35 тела под деловите на преполовениот авион.
Огромниот чад им отежнува на пожарникарите да му се доближат на авионот за да ги извлечат жртвите.
Експертите велат дека аеродромот во Мангалор е еден од најтешките за слетување.
Последната тешка авионска несреќа во Индија се случи во 2000. година. крај/сх/ми
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Во поплавите во Бразил загинаа осум лица, а 21 се исчезнати
Осум лица загинаа, а 21 се водат како исчезнати во поплавите предизвикани од обилните дождови во државата Рио Гранде до Сул во јужен Бразил.
Над 1.400 жители се раселени поради невремето што доведе до пораст на нивото на водата и поплави во 104 општини, пренесува Ројтерс.
Гувернерот Едуардо Леите изјави дека државата работи на пронаоѓање на исчезнати лица и за обезбедување на безбедноста на оние во загрозените области.
Свет
Лидерот на ИСИС убиен во операција во пограничниот регион на Мали
Водачот на една од групите поврзани со Исламската држава, Абу Худајфа, е убиен во операција во пограничниот регион кој опфаќа делови од Мали, Буркина Фасо и Нигер.
Неутрализацијата на терористичкиот функционер беше извршена за време на голема операција во Липтак, триграничен регион кој опфаќа делови од Мали, Буркина Фасо и Нигер, соопштија властите на Мали.
Во соопштението се потсетува дека лидер на ИСИС учествувал во нападот на Нигер во 2017 година, што резултираше со убиство на четири американски Зелени беретки и четворица нигериски војници, вклучително и еден преведувач.
Свет
Евакуирани туристи во Кенија поради поплави, 170 загинати од март
Туристи беа евакуирани од десетици хотели, апартмани и кампови откако пукнаа браните во Националниот резерват Масаи Мара поради поплавите во кои загинаа повеќе од 170 луѓе низ Кенија од почетокот на сезоната на дождови во средината на март.
Црвениот крст на Кенија соопшти дека спасил 61 лице од резерватот, кој е популарна туристичка дестинација за годишната миграција на диви пчели од Серенгети во Танзанија, пренесува Асошиетед прес.
Метеоролошкиот оддел на Кенија предупреди дека ќе очекуваат нови дождови оваа недела, откако во понеделникот пукна брана во градот Маи Махи во округот Накуру, при што загинаа 48 луѓе, а над 80 се водат како исчезнати.