Со цел навремено дејствување и преземање превентивно- оперативни работи поврзани со зимското одржување на локалните патишта градоначалникот на општината, Сокол Митровски, во четвртокот свика состанок на кризниот штаб во зимски услови на територија на Општина Ѓорче Петров.

Ова скопска општина е подготвена со сол и механизација да интервенираат во расчистување на улиците и јавните површини во случај на врнежи од снег, а склучени се и договори со приватни фирми кои располагаат со механизација за справување со снегот, информираше градоначалникот Митровски.

По локалните патишта ќе интервенираат соларки за чистење на снег, грејдер, камион-кипер, булдужер , а веќе се формирани и екипи кои ќе дежураат 24 часа во случај на потреба од интервенции , беше потенцирано на состанокот.

Приоритет при одржувањето ќе имаат сообраќајниците кои поврзуваат здравствени установи , училишта , градинки, населени места и сообраќајници по кој се одвива Јавниот градски превоз.

При оспособувањето на коловозните површини за сообраќај и тоа првенствено на сообраќајниците по кој се одвива Јавен градски превоз, критични точки и витални објекти во општината во прва состојба на готовност ќе го врши Јавното претпријатие „Улици и патишта“.

Во месните и урбани заедници на територијата на општината дополнително ќе се одржат состаноци за активностите на граѓаните во претстојната зимска сезона. Општината периодов ќе ја зголеми соработката со полицијата, дирекцијата за Заштита и спасување и Центарот за управување со кризи./крај/мф/сн

Извор: Макфакс