Свет
Берлускони ги намалува платите на фудбалерите
Сопственикот на фудбалскиот клуб Милан, италијанскиот премиер Силвио Берлускони, реши следната сезона да ги намали платите во клубот на сите
Сопственикот на фудбалскиот клуб Милан, италијанскиот премиер Силвио Берлускони, реши следната сезона да ги намали платите во клубот на сите, вклучително и на фудбалерите за 30 отсто.
Според италијанските медиуми, Берлускони следната сезона нема да биде во можност да го обезбеди сегашниот буџет на клубот и веќе му наредил на заменик претседателот на „Росониерите“ Адријано Галијано да ги подготви новите калкулации.
Оваа сезона Милан и Интер имаат најголеми буџети во италијанското првенство, а на плати трошат 120 милиони евра, што е пет милиони евра повеќе од Јувентус.
Доколку фондот за плати во следната сезона се смали за 90 милиони евра, прашање е како на тоа ќе реагираат најголемите ѕвезди. За оние што најмногу заработуваат, како Бразилецот Кака, тоа значи дека следната сезона ќе биде покус за три милиони евра.
Приходите на Милан се намалени поради финансиската криза што го тресе светот, но и поради слабите резултати. /крај/хн/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Со возило удрил во куќа, па почнал да напаѓа луѓе со меч во Лондон, има повредени
Неколку лица, меѓу кои и двајца полицајци, се повредени во нападот што се случи во североисточен Лондон во близина на фреквентна станица на метрото.
Како што објави SkyNews, маж кој носел меч најпрво удрил со своето возило во куќа, а потоа со мечот ги повредил минувачите и полицајците кои се обиделе да го задржат.
Се се случило околу 7 часот утринава, а на терен се голем број полицајци.
Метро станицата Хаинолт веднаш била затворена, пренесува Телеграф.
Регион
„Мислев дека регалот ќе падне врз мене“ – жена од Србија сведочи за силниот земјотрес
Земјотресот беше многу силен. Кратко, но силно, вели вознемирената Мила Петровиќ од Кладово – место кое утрово го погоди силен земјотрес.
Како што опишува преплашената жена, земјотресот ја исплашил и неа, но и останатите жители на Кладово.
„Мислев дека регалот ќе падне врз мене. Немаше време за бегство никаде. Сè се тресеше многу. За среќа, тоа беше кратко. Кога се смири, сите излегоа на улица“, раскажува таа за Телеграф.рс.
Земјотресот бил со јачина од 4,3 степени според Рихтеровата скала, на длабочина од 11 километри.
Колку бил силен, сведочи и фактот што бил почувствуван во Заечар, Неготин, Доњи Милановац, Бор и други градови на истокот на Србија, а некои граѓани го почувствувале и во Ниш.
„Почувствував земјотрес, се тресеше мебелот во куќата“, „Бев во кревет кога почна тресењето“, напишаа граѓаните.
Свет
Русија загуби стратешки важен остров
Украина во неделата објави дека ја вратила контролата врз тактички важниот остров Нестрих. Капетанот Дмитро Плетенчук, портпарол на Јужната оперативна команда на украинските вооружени сили, изјави за украинската радио станица Хромадске Радио дека контролата на островот во реката Днепар во регионот Херсон значително ќе ги зголеми контрадиверзантските мерки на Киев.
Откако рускиот претседател Владимир Путин започна инвазија на Украина во февруари 2022 година, неговите сили брзо зазедоа големи делови од Херсон. Сепак, Украина започна контраофанзива во регионот подоцна истата година во која нејзината армија го ослободи северен Херсон на десниот брег на Днепар. Оттогаш, украинските сили започнаа редовни напади преку реката, вклучително и воспоставување на повеќе мостови на источниот брег во есента 2023 година.
Плетенчук изјави за радио Хромадске дека островот Нестриха, кој се наоѓа на околу 20 километри југозападно од градот Херсон, има „тактичко значење“. Тој додаде дека „битни се сите локации кои го спречуваат непријателот да се приближи до позициите“.
„Со оглед на тоа што непријателот вообичаено користи слични локации (всушност има многу такви острови на реката Днепар) за да се доближи и да постави минофрлачи, тогаш ова е првенствено важно за квалитетот на антидиверзантските мерки“, рече Плетенчук. „Значи, да, ова место е исчистено од непријателско присуство.