Регион
За ЕУ предлозите на Атина се `недоволни` за успешни преговори

Новите предлози за реформи кои Грција им ги предаде на доверителите се „недоволни“ за успешното спроведување на преговори, соопштиле претставници на ЕУ за Reuters.
„Она што ни беше дадено е недоволно за напредок во преговарачкиот процес“, рекол еден од изворите. Друг извор, пак, посочил дека предлозите се неприфатливи за земјите-членки на ЕУ.
Во средата беше објавено дека Грција пред доверителите од ЕУ и ММФ претставила нов план за реформи. Еден од клучните предлози е идејата претставена од грчкиот министер за финансии Јанис Варуфакис, а се однесува на тоа долговите на Атина да се префрлат од Европската централна банка на Европскиот механизам за стабилност./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Министерство за внатрешни работи на Србија: Дачиќ примил плик со три куршуми во него

Српското Министерство за внатрешни работи соопшти дека вчера во зградата на Владата на Република Србија е пронајден плик адресиран до вицепремиерот и министер за внатрешни работи Ивица Дачиќ, во кој имало три куршуми.
Сомнителната пратка е откриена вчера за време на безбедносна проверка на рендгенски уред при сортирање на пошта. Истрагата утврдила дека пликот бил предаден два дена претходно во филијалата на Поштата на Србија во Пожаревац.
Полицијата го идентификувала и го пронашла лицето кое го доставило пакетот, а истрагата за сите околности на настанот е во тек.
Министерството соопшти дека ги презема сите законски пропишани мерки и дејствија со цел да се заштити безбедноста на граѓаните и институциите.
Фото: принтскрин
Регион
Четиригодишно дете од Србија за малку ќе се удавело на Халкидик: уапсен таткото

Четиригодишно момче од Србија за малку ќе се удавело вчера на плажа на Халкидик, а полицијата го уапси таткото по инцидентот, пренесуваат медиумите во регионот.
Вистинската драма се одвиваше вчера попладне на плажата Калитеа, во општина Касандра, кога четиригодишно момче од Србија речиси ќе се удавело додека беше на одмор со своето семејство во Грција.
Според крајбрежната стража, откога на четиригодишното момче му беше укажана прва помош од спасувач на плажата, тоа беше пренесено со брзата помош првин во Здравствениот центар – Касандра, а потоа во Општата болница на Халкидик за понатамошен медицински третман.
Потоа полицијата го уапси таткото на момчето за прекршување на член 306 од Кривичниот законик. Не е познато дали детето било само во водата во времето на инцидентот.
Фото: принтскрин
Регион
Бебе старо 7 дена пронајдено покрај контејнер во Белград

Во раните утрински часови во Земун, на улицата Дунавска, покрај контејнер, пронајдено е новороденче. Како што дознава српски „Телеграф“, станува збор за бебе старо само седум дена.
Детето било завиткано во пешкир, а по пристигнувањето на брзата помош, покажувало знаци на живот. Веднаш било пренесено во Клиничката болница Земун, каде што му била укажана медицинска помош.
Повеќе информации засега не се познати.
фото: принтскрин