Спорт
Леванте останува на врвот, Реал го декласираше Виљареал
И по 9-то коло од шпанското фудбалско првенство изненадувањето Леванте останува на врвот со бод предност пред Реал и два пред шампионот Барселона, откако во возбудливиот меч против Реал Сосиадад Рубен Суарез во третата минута од судиското продолжување постигна гол од 30-ина метри.
И по 9-то коло од шпанското фудбалско првенство изненадувањето Леванте останува на врвот со бод предност пред Реал и два пред шампионот Барселона, откако во возбудливиот меч против Реал Сосиадад Рубен Суарез во третата минута од судиското продолжување постигна гол од 30-ина метри.Моментално водечкиот клуб во шпанската Примера на својот стадион „Сиутат де Валенсија“, пред само 12 илјади гледачи, под водство на творецот на ова чудо Хуан Игнасио Мартинез со 3:2 го совладаа Реал Сосиедад , докажувајќи дека иако многу сиромашни не случајно се на врвот на една од најсилните а секако најскапи фудбалски лиги во светот. Уште повеќе, овој резултат е значаен за Леванте, затоа што до него дојде по водството на гостите од Баскија. Фудбалерите на Сосиедад поведоа во 4 минута преку Естрада, по што домашните дури во 54 минута изедначија со погодокот на Нано а во 61 минута дојдоа во водство со голот на Валдо. Кога гостите го изедначија резултатот во 86 минута преку Мартинез Бериди, никој не помислуваше дека фудбалерите на Леванте можат да направат уште еден исчекор. Но Рубен Суарез со фантастично изведен слободен удар од голема далечина му ја донесе на помалиот клуб од Валенсија 7-та годинешна победа и без ниеден пораз. Реал Мадрид на својот „Сантјаго Бернабеу“ не дозволи никакво изненадување против годинава очајниот Виљареал и за пол час игра со 3:0, едноставно одржа полесен тренинг. Стрелци за „кралевите“ беа Карим Бензема во 4, Кака во 11 и Анхел Димариа во 29 минута, откако претходно им асистираше при постигнувањето на погодоците на двајцата свои соиграчи од нападот. Реал заостанува еден од за Леванте, а има бод предност пред Барселона. Виљареал, пак, со само една победа е на опасното 18-то место од лигата со 7 бодови. Валенсија ја задржа 4-та позиција на табелата со 18 бодови, откако на гости ја совлада Сарагоса, која по ова коло остана на 14-то место со 9 бодови, со голот на новопечениот репрезентативец на Шпанија, 22-годишниот лев бек Жорди Алба во 82 минута. Спортинг Хихон оствари исто така победа на гостувањето кај Мајорка, со 2:1. Иако домашните поведоа со голот на Гонзало Кастро, гостите преку Хрватот Мате Билиќ во 49 и Жоао Виктор во 65 минута направија пресврт, однесувајќи ги бодовите во Хихон. Мајорка остана на 9-то место со 9 бодови, а Спортинг оствари важна победа кој може да значи почеток на бегството од опасната зона, бидејќи сега е 17-ти со 7 бодови.Рајо Валекано ја совлада пред своите навивачи Малага со 2:0, со погодоците на Ботелхо во 7 и Тамудо во 70 минута, доаѓајќи до 12 бодови и до 7-та позиција на табелата, веднаш за д Малага која е едно место погоре сега со само бод повеќе од синоќешниот ривал. Хетафе и Осасуна одгираа возбудлив меч кој заврши без победник со резултата 2:2. Гостете поведоа уште во 7 минута преку Балде, а потоа кон средината на второто полувреме следеше вистински двобој меѓу него и домашниот фудбалер Гуиза кој изедначи во 62 минута, за Балде повторно да ги доведе гостите во водство во 66 минута а десет минути подоцна возврати уште една Гуиза. Хетафе остана на 16-то место со 7 бодови, а Осасуна, исто така, се вкотви на 10-то место со 11 бодови. Од деветтото коло во четврток ќе се одиграа мечевите меѓу Еспањол и Бетис, и дербито на колото Ателтик Билбао – Ателтиоко Мадрид. Во вторникот Барселона со 1:0 славеше на гостувањето кај Гранада, а Севиља и Сантандер одиграа без победник 2:2./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Барселона го одбрани трофејот во Суперкупот на Шпанија
Фудбалерите на Барселона го одбранија трофејот во Суперкупот на Шпанија. Во финалето, во Џеда, го победија најголемиот ривал Реал со 3:2.
Вечните ривали, одиграа добар меч и покрај тоа што во првите 30 минути, двата тима ги одработуваа тактичките замисли на своите тренери. Во тој период две солидни шанси имаше Реал, преку Винисиус и Гонзало Гарсија. Двајцата лошо шутираа, па на голманот на Барселона, Џоан Гарсија не му беше тешко да ги одбрани нивните удари.
Барселона првата шанса ја имаше во 35-та минута, Рафиња излезе сам пред Курота,но реализицијата на Бразилецот беше ужасна. Една минута подоцна, од многу потешка позиција Рафиња успеа да погоди.
Потоа лудница во петте минути од судиското надополнување на времето. Магичен потег на Винисиус за 1:1, брилијантна асистенција на Педри за Левандовски, чии прием и реализиција беа уште подобри и за крај гол на Гонзало Гарсија за 2.2.
Вториот дел не донесе возбудувања, имаше и еден лош период, кога играчите на двата тима со прекршоци ја сечее играта на противникот.
Моментот на одлука се случи во 730та минута, кога Рафиња со многу среќа втор пат го совлада Куртоа.
И потоа повотрно лудница во судиското надополнување на времето. Де Јонг поради груб старт врз Мбапе доби црвен картон. Рашфорд во 95-та минута имаше шанса да го реши мечот, биеше крај голот.
Во 96-та Карерас од 10 метри, не успеа да изедначи, ударот беше слаб и одеше директно во голманот на Барселона, а во 97-та минута, Раул Асенсио се обиде со глава, но и неговиот удар лесно го скроти Џоан Гарсија.
Foto/ EPA
Спорт
Крај на сезоната за Конор Бредли
Фудбалерот на Ливерпул, Конор Бредли, ја завеши сезоната, по повредата со која се здоби во четвртотокот, против Арсенал (0:0). Дефанзивецот ќе мора да го оперира повреденото колено на левата нога, објави денес шампионот на Англија.
„Бредли заработи повреда на коленото во последните минути од натпреварот од Премиер лигата на гостински терен против Арсенал во четвртокот навечер. Бредли ќе биде опериран во наредните денови, а потоа ќе започне период на рехабилитација. Во оваа фаза од процесот, не е одреден временски рок за негово враќање во игра“, се вели во соопштението на Ливерпул.
Англиските медиуми објавија дека сезоната е завршена за 22-годишниот десен бек.
Потврдата за сериозноста на повредата на Бредли дојде по инцидентот во судиското продолжение. Напаѓачот на Арсенал, Габриел Мартинели, го турна дефанзивецот додека тој лежеше повреден на теренот, непосредно пред да биде изнесен на носилки.
На Мартинели му беше покажан жолт картон од судијата Ентони Тејлор, а потегот на бразилскиот крилен напаѓач беше жестоко критикуван од јавноста и предизвика гнев кај играчите на Ливерпул.
Подоцна кога дозна за сериозноста на повредата на ривалот, Мартинели јавно се извини за непримерниот гест.
Спорт
(Видео) Баерн против Волфсбург броеше до осум
Како што се очекуваше, фудбалерите на Баерн го победија тимот на Волфсбург во последниот натпревар од 16-то коло на Бундеслигата. Баварците го декласираа ривалот со 8:1.
Баварците воспоставија контрола од првата минута, имаа многу поголем посед на топката, но гостите од Долна Саксонија беа подеднакво опасни во првото полувреме пред голот на Мануел Нојер.
Баерн поведе многу рано со автогол на Килијан Фишер, но Волците брзо возвратија преку Џенан Пејчиновиќ, талентиран 20-годишен германски фудбалер по потекло од Црна Гора.
По половина час игра, Луис Дијаз, на асистенција на Олисе, повторно го доведе домашниот тим во водство, а во второто полувреме, баварската машина едноставно ги здроби гостите, Мајкл Олисе (двапати), уште еден автогол (Мориц Јенц), Рафаел Гереро, Хари Кејн и Леон Горецка донесоа повеќе од убедлив триумф.
Со оваа победа, Баерн ја зголеми својата предност на табелата, откако второпласираната Борусија Дортмунд освои само бод во Франкфурт против Ајнтрахт во петокот (3:3), додека Баер Леверкузен беше неочекувано убедливо поразен пред своите навивачи против Штутгарт (1:4).
Баварците сега имаат 44 бода, 11 повеќе од тимот од Дортмунд на второто место на табелата.
Foto/ EPA
(Видео) Иран во пламен – објавени нови снимки од протестите, додека бројот на загинати надмина 500
Бројот на загинати во протестите во Иран се искачи на 538 лица, објави Ројтерс. Меѓу нив се 490 демонстранти и...
Трамп размислува за можна воена интервенција во Иран, вели Си-Ен-Ен
Претседателот на САД, Доналд Трамп, разгледува низа можни воени опции за Иран по смртоносните протести во земјата, изјавија двајца американски...
Стармер преговара со европските сојузници за испраќање на воени сили на Гренланд
Британскиот премиер Кир Стармер е во преговори со европските сојузници за распоредување на воени сили на Гренланд, со цел да...
Францускиот министер за надворешни ги повика САД да престанат со „уцената“ за Гренланд
Францускиот министер за надворешни работи Жан-Ноел Баро ги повика САД да „престанат да ја уценуваат“ Данска за да добијат директна...
Иран ги предупреди американската војска и Израел дека ќе бидат „легитимни цели“ ако САД нападне поради протестите
Иранскиот парламент денеска се состана за да разговара за смртоносните антивладини протести кои беснеат повеќе од две недели. За време...
Болниците во Иран преплавени со повредени од протестите, доктори опишуваат „ужасни сцени“
Протестите во Иран продолжуваат, а улиците на градовите, особено Техеран, се исполнети со илјадници демонстранти, и покрај блокадата на интернет...
Вашингтон одржа „прелиминарни“ разговори за потенцијален удар врз Иран, објави Волстрит журнал
Американски официјални лица разговарале за планови за можни напади врз Иран, вклучувајќи потенцијални цели, објави Волстрит журнал, повикувајќи се на...
Детален список: каде целосно ќе се забранат сите видови цигари со новиот закон за заштита од пушење
Државата подготвува целосно нов и значително построг Закон за заштита од пушење, со кој драстично се заоструваат правилата за употреба,...
Состојба по обилните дождови во Македонија: пресек на ЦУК до 18:30 часот
Центарот за управување со криви направи пресек на состојбата по обилните врнежи до 18:30 часот. Источен регион – Штип Во...
УХМР: Водостоите остануваат високи, вечерва се очекува заладување и снег
Според податоците од хидролошките станици се уште е висок водостојот на река Сатеска, како и на река Коселска кој почнува...
ЈСП Скопје: Ниските температури и снегот може да предизвикаат изменето сообраќање на автобусите
Јавното сообраќајно претпријатие Скопје ги информира корисниците на јавниот превоз во Градот Скопје дека, поради ниските минусни температури и најавените...
18-годишникот кој со автомобил усмрти жена во Капиштец немал возачка, од Македонија избегал преку Табановце
Јавен обвинител од Основното јавно обвинителство Скопје донесе Наредба за спроведување истражна постапка против едно лице за – Тешки дела...
Николоски на терен: Сите патишта се проодни, снегот редовно се чисти од Македонија пат
Сите патишта во државата се проодни благодарение на макотрпната работа на луѓето од Македонија пат, кои даваат се’ од себе...
Хамнеи ѝ нареди на Револуционерната гарда да ја преземе контролата: Иран во најголема готовност досега
Иранскиот врховен лидер, ајатолахот Али Хамнеи, ѝ нареди на Револуционерната гарда да ја преземе главната улога во справувањето со протестите...
Сè што треба да знаете за протестите во Иран
Ако штотуку дознавте за растечките протести во Иран, имаме брз преглед на тоа што стои зад оваа тековна ситуација. Протестите...
18-годишниот возач кој вчера прегази жена во Капиштец избегал од државата, МВР распиша потерница
СВР Скопје поднесе кривична пријава против четири лица во врска со вчерашната сообраќајна несреќа на ул. „Народен фронт“ во Скопје...
Денеска гласаат болните и затворениците пред повторните избори за градоначалници во четири општини
Денес се спроведува гласањето на болните или немоќни лица и лицата кои се на издржување на казна затвор за повторните...
(Видео) „Се враќам во земјата за да бидам со луѓето“ – синот на поранешниот шах на Иран повика на протести
Реза Пахлави, син на покојниот поранешен ирански шах, кој живее во Вашингтон, ги повика демонстрантите во Иран да продолжат со...
Растат цените на становите во ЕУ – Унгарија рекордер со зголемување од 275%
Во периодот од 2015 до крајот на 2025 година, цените на становите во ЕУ во просек пораснале за 63,6%, додека...
(Фото+видео) Катастрофа во Викторија: беснеат стотици пожари, уништени куќи, илјадници без струја
Во австралиската сојузна држава Викторија во последните 24 часа избиле повеќе од 250 пожари, од кои 11 се класифицирани како...
