Свет
Убиена сестрата на бугарскиот тајкун Илија Павлов, ликвидиран во 2003-та
Бугарката Славка Најденова (41), сестра на бугарскиот тајкун Илија Павлов убиен во 2003 г., и нејзиниот осумгодишен син, Пол Вилсон, се убиени во нивниот дом во Дејл Сити во САД, соопштија локалните медиуми денеска
Илија Павлов беше основач и прв човек на компанијата Мултигруп, која макеоднските медиуми ја споменуваа како нарачател на атентатот врз македонскиот претседател Киро Глигоров, во 1995 г. Потoа Павлов на Глигоров во приватна посета во Охрид му презентираше документација и сознанија на холдингот во врска со обидот за неговата ликвидација.Павлов беше убиен од снајперист со еден куршум во срцето на 7-ми март 2003 г., пред влезот на централата на „Ем Џи корпорација“ во центарот на Софија. Кога беше ликвидиран, Павлов беше на 43-годишна возраст.Најденова и нејзиниот син се пронајдени мртви во нивниот дом околу 23 часот на 1 февруари, соопштува локалниот портал insidenova.com. Сопругот на Најденова, Лестер, и еден негов пријател ги нашле телата кога дошле дома.Полицијата не открива како се убиени мајката и синот, а како што пренесува порталот, сопругот не бил приведен како осомничен. Полицијата вели дека немало знаци на насилно влегување.Според insidenova.com, полицијата ја уапсила Наталија Вилсон (47) како осомничена за убиството. Полициски извори велат дека приведената најверојатно ги познавала жртвите, но не прецизира дали е во роднинска врска со осумгодишната жртва Пол Вилсон.„Случајот е се’ уште под истрага, но не се сомневаме дека убиствата се случиле случајно, без намера“, вели шефот на полицијата.Домот во кој се убиени мајката и синот е купен во 2000 година, и Славка Најденова е сопственик. Според порталот, таа била сопственичка на уште неколку живеалишта кои ги купила со пари од изнајмувањето на куќите на имигранти.Заменик-министерот за надворешни работи на Бугарија, Марин Рајков, потврди дека Најденова е сестра на Илија Павлов, бугарски тајкун кој беше убиен со снајпер пред неговата канцеларија во Софија во март 2003 година.Рајков за бугарската агенција Фокус вели дека Бугарската амбасада во САД била известена за убиствата од еден бугарски сограѓанин, кој бил повикан од надлежните во САД како сведок за расчистување на фактите и деталите за случајот.Рајков не можел да каже дали навистина има осомничен за злосторството и дали некој е приведен, „како што тврдат локалните медиуми дека најверојатно тоа го сторил човек поврзан со сестрата на Илија Павлов, за која се верува дека е поврзанa со криминални дејствија.“Таткото на Илија Павлов, Павел Најденов, за бугарската телевизија Нова вели дека слушнал на вести за убиството и се обидел да стапи во контакт со семејството на убиената во САД. Запрашан дали за убиството дознал од Дарина Павлова, вдовицата на неговиот убиен син, која исто така живее во САД, тој вели: „Не, не слушнав од неа. Јас сум сам во мојата тага“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Германска компанија лансираше ракета напојувана со цврсто парафинско гориво
Германската компанија HyImpulse денеска успешно лансираше ракета, напојувана со цврсто парафинско гориво, која ќе може да носи комерцијални сателити.
„Ја покажуваме силата на Германија како вселенска нација и го прошируваме пристапот на Европа до вселената“, рече шефот на компанијата Марио Кобалд.
We will be attempting to launch the SR75-1 ‘Light this Candle!’ mission from the Koonibba Test Range tomorrow Friday 3 May from 1430 (ACST)!
To view the launch travel to the Koonibba township.
The launch is subject to weather and may be delayed or scrubbed on the day. pic.twitter.com/xJiOopzK9n— Southern Launch (@SouthernLaunch) May 2, 2024
Дванаесет метри долга и 2,5 тони тешка ракета наречена SR75 беше лансирана околу 5 часот по европско време од Куниба, Австралија.
Може да носи помали сателити со тежина до 250 килограми до височина до 250 километри, а може да работи на цврсто парафинско гориво или течен кислород
At 2.40pm ACST @HyImpulseTech successfully launched their SR75 rocket from @SouthernLaunch‘s Koonibba Test Range. 🚀
The mission was the inaugural launch attempt of the SR75 rocket, & the first high power rocket permit to be issued under 🇦🇺 Australian law. pic.twitter.com/pmM6t3Uj0v
— Australian Space Agency (@AusSpaceAgency) May 3, 2024
Парафинското гориво се користи како поевтино и побезбедно алтернативно ракетно гориво. HyImpulse тврди дека заштеди до 50 проценти.
Германската компанија со околу 65 вработени објави дека веќе добила преднарачки за лансирање сателити во вредност од над 100 милиони евра.
HyImpulse сака да го прошири својот бизнис бидејќи расте побарувачката за транспорт на комерцијални сателити, па до 2032 година сака да оствари приходи од 700 милиони евра.
Свет
(Видео) Кина лансираше сонда на помалку истражената страна на Месечината
Кина денеска лансираше лунарна сонда на далечната страна на Месечината за да собере примероци кои би можеле да обезбедат увид во геолошките и другите разлики помеѓу далечната, помалку истражената и поблиската страна на Месечината.
Месечевата сонда Чанг’е го добила името по кинеската митска божица на Месечината. Ја носи ракета Long March-5 IB која беше лансирана од центарот Венчанг во јужната провинција Хаинан, соопшти кинеската Национална вселенска администрација.
Откако ќе орбитира околу Месечината за да ја намали брзината, лендерот ќе се одвои од леталото и ќе започне да собира примероци веднаш штом ќе се спушти на површината на Месечината пред да се врати на Земјата.
Мисијата ќе трае 53 дена.
Европа
Орбан: Унгарија ќе ги зголеми трошоците за одбрана доколку војната во Украина продолжи
Унгарија ќе мора да ги зголеми трошоците за одбрана и следната година доколку војната во Украина продолжи до 2025 година, со што ќе се намали износот на расположливите средства за други трошоци, изјави денеска унгарскиот премиер Виктор Орбан.
Орбан изјави за државното радио дека доколку војната во Украина се пролонгира до 2025 година, нивоата на средства за одбрана на Унгарија за 2023 и 2024 година нема да бидат доволни и ќе мора да се зголемат, пренесува агенцијата МТИ. Орбан изјави дека е загрижен за иднината на Европа и дека унгарската влада нема да дозволи Унгарија да биде принудена да влезе во војна по трет пат, откако учествуваше во Првата и Втората светска војна.
Премиерот на Унгарија смета дека е потребно европско безбедносно решение во кое ќе биде вклучена Русија и дека американската воена индустрија најмногу профитирала од војната во Украина, откако САД испратија најголема воена помош во Киев.
„Нашето историско искуство со војната е дека можете само да изгубите. Колку сте поблиску до воената зона, толку е поголема цената што ја плаќате“, рече Орбан.
Унгарија значително ги зголеми одбранбените распределби минатата година на 2,43 отсто од БДП, што е над два отсто на кои се обврзаа членките на НАТО, наведува МТИ.