Свет
Абас: ПНА ќе формира преодна влада од независни кандидати
Иднината преодна влада на Палестинската национална администрација (ПНА или ткн палестинска автономија) ќе биде составена од независни кандидати и нема да ги вклучи оние на палестинските фракции, изјави во понеделникот шефот на Фатах и претседател на ПНА Махмуд Абас.
Иднината преодна влада на Палестинската национална администрација (ПНА или ткн палестинска автономија) ќе биде составена од независни кандидати и нема да ги вклучи оние на палестинските фракции, изјави во понеделникот шефот на Фатах и претседател на ПНА Махмуд Абас.
Махмуд Абас изјави дека постои „заблуда“ околу природата на идната преодна влада, наводно, тоа ќе биде влада на Хамас, се вели во информацијата на официјалната палестинска новинска агенција Вафа. „Тоа нема да биде влада на Фатах или на Хамас, тоа е мојата влада, која ќе ги следи моите стратегии и мојата политика, таа ќе биде составена од независни кандидати а не од организациите“, изјави Абас на прес-конференцијата во јорданскиот главен град Аман, по средбата со кралот Абдула Втори.Палестинскиот национален орган (ПНА) настојува да воспостави самостојна држава во границите од 1967 година и се надева дека во текот на меѓународните преговори, Израел ќе ги повлече своите трупи од окупираните палестинските територии по војната во 1967 година – Западниот Брег, Појасот Газа и Источен Ерусалим. На оваа територија ПНА сака да се формира палестинска држава со главен град во Источен Ерусалим. Меѓутоа, Израел одбива да се врати на граничните линии од1967 година и не сака да го покрене прашањето за Ерусалим, прогласувајќи го за своја „вечна и неделива престолнина“ На крајот на март 2011 година лидерот на Палестинската национална управа Махмуд Абас рече дека очекува прогласување на независност на Палестина и признавањето на нејзината државност уште во септември 2011 година. Аспирациите на раководството на ПНА се базираат на претходни изјави на американскиот претседател Барак Обама дека тој би сакал да го види во септември создавањето на државата Палестина, а исто така и изјавите од членките на блискоисточниот „квартет“ (ОН, ЕУ, САД и Русија) дека очекуваат до септември завршување на преговорите.Претходно во Москва претставниците на палестинските движења Фатах и Хамас ја повикаа меѓународната заедница сериозно да го земе предвид меѓу-палестинското помирување и да му помогне на палестинскиот народ за создавање на независна суверена држава во рамките на границите од 1967 г. со главен град во Источен Ерусалим, како што наведе во соопштението Институтот за ориентални студии – РАН. Двете главни палестински политички движења, Хамас и Фатах, на 4-ти мај во Каиро потпишаа договор за меѓу – палестинско помирување, на коешто присуствуваа претседателот на Палестинската национална администрација и Махмуд Абас лидер на Фатах и челникот на Хамас, Калед Машаал. Документот е потпишан по речиси четири години откако движењето Хамас ја презеде власта во појасот Газа и од таму ги протера сите високи функционери на Фатах.Претставниците на Фатах, Хамас, како и на Народниот и демократски фронт за ослободување на Палестина и на Палестинската народна партија „Ал-Шабаба) (поранешната комунистичка партија) пристигна во Москва на 20 ти ма (,минатиот петок) на покана на Институтот за ориентални студии РАН. Во понеделникот, претставници на палестинските движења се состана со рускиот министер за надворешни работи Сергеј Лавров, при што беше истакната потребата од јакнење на меѓу-палестинскиот мировен дијалог:/крај/рн/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Германските угостители не можат да најдат доволно работници за Европското првенство
Германските ресторани и хотелиери очекуваат рекорден број посетители за време на Европското фудбалско првенство, но истовремено стравуваат од недостаток на кадар, пишуваат германските медиуми.
„Речиси е невозможно да се најде персонал на пазарот, ќе мораме да управуваме и да привлекуваме персонал од други гранки преку приватни агенции за посредување за одреден временски период“, вели Сами Нофал, менаџер на паркхотелот Хајнер во Гелзенкирхен во Западна Германија, каде, меѓу другото, се одржуваат натпревари.
Во склоп на хотелот има и голема тераса на која ќе биде организирано јавно гледање на натпреварите на ЕП, кои ќе се одржат во Германија од 14 јуни до 14 јули.
Персоналот „позајмен“ за време на натпреварите ќе чини значително повеќе, но немаме излез“, вели Нофал.
На рестораните низ Германија им е тешко да најдат нов персонал во нивната земја пред Европското првенство, кој делумно ја напушти индустријата за време на пандемијата на коронавирус.
Синдикатот на вработени во хотелиерството и угостителството НГГ смета дека работниците го свртеле грбот на угостителството и хотелиерството и дека во голема мера не се вратиле по пандемијата поради традиционално ниските саатници.
„Ова, како што покажа анкетата меѓу нашите членови, е главната причина поради која персоналот му врти грб на угостителството“, велат од НГГ.
По правило, рестораните им плаќаат на своите вработени околу 13 евра на час за келнери.
Здруженијата на угостители причината за кадровските проблеми ја гледаат пред се во „академизацијата“ на општеството и демографските промени.
Критичарите на социјалната политика на актуелната власт посочуваат дека на овие работни места тешко се придобиваат милионите бегалци кои од 2015 година пристигнаа во Германија бидејќи по правило социјалните бенефиции се повеќе од заработувачката во угостителството. Покрај тоа, бегалците и барателите на азил генерално не зборуваат доволно добро германски за да работат директно со клиентите.
И покрај проблемите со персоналот, рестораните и хотелиерите очекуваат позитивен биланс на претстојното ЕП во Германија и слични поволни ефекти како за време на одржувањето на СП 2006 во Германија.
Свет
Израел го осуди словенечкото признавање на Палестина
Израелското Министерство за надворешни работи ја осуди денешната одлука на Словенија за признавање на независна палестинска држава.
Министерот за надворешни работи Израел Кац рече дека одлуката, која ќе оди на одобрување во словенечкиот парламент, е награда за Хамас за убиства и силувања. Во изјавата Кац вели дека овој потег го зајакнува и Иран, непријателот на Израел и му штети на „блиското пријателство на словенечкиот и израелскиот народ“.
„Се надевам дека словенечкиот парламент ќе ја отфрли оваа препорака“, додаде тој.
Словенечката влада претходно денеска објави дека им се придружува на европските земји кои ја признаваат палестинската државност.
Премиерот Роберт Голоб рече дека неговата влада се согласила со одлуката за признавање на Палестина и најверојатно ќе ја достави мерката до парламентот на конечно одобрување следната недела, објави новинската агенција СТА.
Словенија го следи патот на Ирска, Норвешка и Шпанија. Тие земји официјално ја признаа независна Палестина претходно оваа недела. Шведска го направи тоа пред десет години.
Повеќе од 140 од 193 земји-членки на Обединетите нации ја признаваат Палестина како суверена држава. Западноевропските земји и САД долго време беа исклучок.
Европа
Столтенберг: Украина се уште може да победи, но само со поддршка на НАТО
Генералниот секретар на НАТО Јенс Столтенберг денеска изјави дека „дојде време“ членките на алијансата да преиспитаат некои од ограничувањата за употребата на оружјето што и се доставува на Украина за борба против Русија.
„Сојузниците ја снабдуваат Украина со различни видови оружје и некои воведоа ограничувања за употребата на ова оружје, тоа се национални одлуки. Но, мислам дека, со оглед на начинот на кој се одвива војната, дојде време да се разгледаат тие ограничувања и да се дозволи Украина вистински да се одбрани“, рече Столтенберг во Прага на состанокот на министрите за надворешни работи на НАТО.
Украина го повика Западот да ги ублажи тие ограничувања, но државите се повеќе се поделени околу тоа дали да и дозволат на Украина да гаѓа цели на руска територија.
Според Столтенберг, Украина сепак може да ја победи Русија, „но само со постојана силна поддршка од сојузниците во НАТО“.
Британија, балтичките земји и Данска тврдат дека тоа е дел од легитимната самоодбрана од инвазија, додека други велат дека оружјето може да се користи само во Украина, изразувајќи стравувања дека нападите врз Русија ќе го вовлечат Западот во конфликтот.
Белгија оваа недела соопшти дека авионите Ф-16 што има намера да ги испорача на Украина може да се користат само во нејзините граници.
Германија издаде слични предупредувања за своите испораки на тешко оружје, вклучително и тенкови Леопард.