Спорт
По втор пат на Тери му е одземена капитенската лента
Фудбалската асоцијација на Англија (ФА), реши на Џон Тери да му ја одземе капитенската лента која тој ја носи во репрезентацијата на Англија.
Фудбалската асоцијација на Англија (ФА), реши на Џон Тери да му ја одземе капитенската лента која тој ја носи во репрезентацијата на Англија. Одлуката на фудбалерот на Челзи му ја соопштил претседателот на ФА, Дејвид Бернштајн. Англискиот селектор Фабио Капело не ја поддржа одлуката, на која од ФА се решија поради големиот притисок на јавноста и медиумите, кои се огорчени од расистичките навреди кои Тери ги упати кон фудбалерот на КПР, Антон Фердинанд. Поради ова Тери заврши и на суд, на првото рочиште, кое се одржа во вторникот, а на кое Тери не беше присутен, преку адвокатот тој се изјасни дека не е виновен. Процесот против Тери ќе продолжи по завршувањето на Европското првенство, а доколку тој би де прогласен за виновен се соочува со максимална парична казна во износ од 2.500 фунти. Инаку, ова е втор пат на Тери да му биде одземена капитенската лента во репрезентацијата, прв пат тоа се случи во 2010 година, кога на виделина излезе љубовната афера на Тери со девојката на неговиот тогашен соиграч Вејн Бриџ. Тери со Челзи, во недела ќе го одигра дербито со Манчестер Јунајтед, чиј дрес го носи постариот од браќата Фердинад, Рио. Постариот Фердинанд поради повреда на коленото е неизвесен за неделниот натпревар, а оваа тема се огласи менаџерот на Јунајтед Алекс Фергусон, кој на својот фудбалер му наложил да се ракува со Тери доколку биде во стартниот состав. „Рио долги години се бори против расизмот и сега мора да се издигне над тоа. Тој не сторил ништо од што треба да се срами“, рече Фергусон. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Кристал Палс го згази Манчестер јунајтед
Фудбалерите на Кристал Палас го декласираа Манчестер јунајтед со 4:0, во последниот натпревар од 36. коло на Премиер лигата. удбалерите на Кристал Палас ја забележаа четвртата победа на последните пет натпревари во Премиер лигата.
Од првата минута забележливо беше дека играчите на Манчестер јунајтед не се „во натпреварот“. Како изгледаа на теренот можат да бида задоволни со поразот од 4:0.
Дебаклот го најави Мајкл Олисе во 12.минута. .
Истиот играч десет минути подоцна имаше уште две убави шанси, а во 40. Жан Филип Матета ја удвои предноста на домашните.
На почетокот на вториот му беше поништен гол на Јунајтед, а потоа започнаа да се редат шансите пред голот на Андре Онана.
Еберечи Езе, Тајрик Мичел и Вил Хјуз, не успеаја да реализираат, но во 58. минута споменатиот Мичел зголеми на 3:0.
Точка поразот на Јунајтед стави играчот кој ја започна серијата, Мајкл Олисе во 66. минута. До крајот на мечот Одсон Едуард ја погоди стативата.
Палас е 14. на табелата со 43 бодови, додека Јунајтед е осми со 54 бодови, исто колку и седмопласираниот Челзи.
Јунајтед во следното коло ќе го пречека Арсенал, додека Палас ќе гостува кај Вулверхемптон.
Спорт
Бјелица доби отказ
Фудбалскиот клуб Унион Берлин соопшти дека му ја врачил оставката на хрватскиот тренер Ненад Бјелица по серијата лоши резултати во Бундес лигата.
Челниците на Унион решија да го заменат Бјелица по поразот од Бохум (3:4) во 32. коло од Бундес лигата.
Хрватскиот тренер го презеде тимот од Берлин во ноември минатата година, откако беше отпуштен oд Урс Фишер.
Унион Берлин моментално е на 15. место на табелата во германскиот шампионат со 30 бодови.
Во соопштението на клубот се наведува дека тимот до крајот на сезоната ќе го води Марко Гроте.
„Со нетрпение го очекувам предизвикот и убеден сум дека ќе успееме да избегнеме испаѓање од Бундеслигата. Добро го познавам нашиот тим и знам дека сме способни за опстанок“, изјави Гроте, а пренесува официјалниот сајт на клубот.
До крајот на сезоната во Бундеслигата, Унион следната сабота му гостува на Келн, а потоа на 18 мај на домашен терен го пречекува Фрајбург.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.