Економија
Прометот мал, идексот непроменет

Тргувањето на македонската берза во петокот беше обележано со мал обем на тргување од 10.860.876,00 денари на промет, а индексто МБИ10 остана непроменет.
Тргувањето на македонската берза во петокот беше обележано со мал обем на тргување од 10.860.876,00 денари на промет, а индексто МБИ10 остана непроменет.
Притоа 8.546899.38 денари беа реализирани на Официјалниот Пазар додека останатите 2.313.977,00 денари на редовниот Пазар за хартии од вредност.МБИ10 немаше процентуална промена и застана на бројката од 2.793,86 индекси поени, додека МБИД индексот забележа благ пад на својата вредност од 0,22 проценти и застана на 3.027,9 индекси промени, додека индексот на обврзниците порасна за 0,19 прпоценти во однос од четвртокот и неговата вредност достигна 109.95 поени.
Комерцијална Банка Скопје веке втор работен ден е најјтргувана акција од официјалниот пазар која оствари промет од 2.272.426,00 денари. Просечната цена од 2.822,89 денари значеше намалување од 0.62% на дневно ниво. Истргувани беа 805 акции преку 20 трансакции.Втора според ликвидност од официјалниот пазар беа обврзниците од осмата емисија од денационализација на кој се тргуваа по цена од 85,00 проценти од својата номинална вредност и при тоа се истргуваа 32.680 количина и реализираа 1.699.291,15 денари промет.Трета по својата ликвидност беше акцијата на Алкалоид АД Скопје кој се тргуваше по просечна цена од 4.736,34 денари од акција или тоа беше за 1,20 проценти пониска во однос од претходното тргување со овие акции. Со неа се истргуваа 264 акции и при тоа вредноста на тргување беше 1.250.395,00 денари од 18 реализирани трансакции.Од редовниот пазар најтргувана беше акциите на Тутунска банка АД Скопје кој се тргуваа по цена од 4.767.93 денари и остварија вредност на тргување од 915.443,00 денари промет и при тоа нејзината цена преставувае скок за 0,40 проценти во одност од четвртокотВтори по вредноста на Редовниот Пазар беше акцијата на Македонски Телеком Скопје која оствари промет од 582.880,00 денари. Просечната цена од 419,64 денари преставуваше благ пад на својата вредност од 0,009 проценти. Пет најтргувани хартии од вредност 1. Комерцијална Банка Скопје2. Р. Македонија обврзници од денационализација 8 емисија3. Алкалои АД Скопје4. Тутунска банка АД Скопје5. Гранит АД Скопје Хартии од вредност со најголем пораст 1. Статер банка АД куманово 25%2. Стопанска банка АД Битола 7,27%3. РЖ Услуги 4,11%4. Ф-ка за цевки 11 Октомври Куманово 2,44%5. Гранит АД Скопје 1,68% Хартии од вредност со најголем пад1. Тиквеш АД Скопје 12,5%2. Технометал Вардар Скопје 9,07%3. Бетон Скопје 8,3%4. Фершпед Скопје 7,73%5. РЖ Арцелормитал ХРМ 2,99%
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
„Соработка за економски напредок“: средба меѓу гувернерот на Народната банка и претседателот на Стопанската комора

Во духот на заедничката определба за поттикнување на економскиот развој и за зајакнување на институционалната соработка, во Народната банка денес се одржа средба меѓу гувернерот Трајко Славески и претседателот на Стопанската комора на Северна Македонија, Бранко Азески.
На средбата беше нагласена важноста на постојаниот дијалог помеѓу носителите на економската политика и бизнис-заедницата, особено во контекст на актуелните светски и регионални економски предизвици. Претседателот Азески истакна дека Комората е подготвена за понатамошна активна соработка со Народната банка, изразувајќи поддршка за професионалноста и кредибилитетот што гувернерот Славески ги носи на оваа позиција, известува Народната банка.
Во разговорот беа отворени теми поврзани со монетарната политика, финансиската стабилност, пристапот до финансии за стопанството, како и улогата на Народната банка во создавањето поволно деловно опкружување. Двете страни се согласија дека со заемна отвореност и координација може да се придонесе за поефикасно исполнување на стратегиските економски цели на земјата.
Гувернерот Славески ја истакна заложбата на Народната банка за транспарентност, предвидливост и поддршка на стабилноста, како предуслов за одржлив раст. Тој упати благодарност за поддршката и изрази задоволство од иницијативите на Комората за продлабочување на комуникацијата со институциите од финансискиот сектор.
Средбата заврши во конструктивен дух, со договор за засилување на соработката преку редовни консултации и размена на анализи и мислења од заеднички интерес, се наведува во соопштението од Народната банка.
Економија
Се зголемува цената на дизелот

Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука со која се врши зголемување на малопродажните цени на нафтените деривати во просек за 0,93 % во однос на одлуката од 2.06.2025 година.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 1,833%, кај дизелот за 3,057%, кај екстра лесното масло за 3,388% и кај мазутот зголемувањето е за 3,088%.
Курсот на денарот во однос на доларот во изминатиот период по кој беа формирани цените со претходната пресметка е понизок за 0,5243%.
Малопродажните цени на бензините ЕУРОСУПЕР БС-95 и ЕУРОСУПЕР БС-98 не се менуваат.
Малопродажните цени на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) се зголемуваат за 1,00 ден/лит.
Малопродажната цена на Мазутот М-1 НС се зголемува за 0,624 ден/кг и сега ќе изнесува 38,486 ден/кг.
„Напоменуваме дека ова се максималните цени на нафтените деривати од 00:01 часот на 10.6.2025 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени“, велат од РКЕ.
Економија
Објавени повици за самовработување, за млади до 29 години грант до 10.000 евра, а за невработени над 29 години грант до 7.000 евра

Министерот за економија и труд, Бесар Дурмиши, заедно со директорот на Агенцијата за вработување на Република Северна Македонија, Селајдин Белули, денеска официјално го објавија отворањето на јавниот повик за Мерка 1.1 и Мерката 1.2 во рамки на Оперативниот план за вработување за 2025 година, кои имаат за цел поддршка на самовработувањето на невработените граѓани регистрирани во Агенцијата за вработување.
Мерката 1.1 е наменета за лица над 29 години и обезбедува финансиска поддршка од 430.500 денари односно 7.000 евра за основање на нов бизнис, а Мерката 1.2 се однесува за млади до 29 години, кои имаат можност да добијат поддршка до 615.000 денари или 10.000 евра за основање сопствен бизнис.
Двете мерки, исто така, вклучуваат обука за претприемништво, подготовка на бизнис план и менторство за 6-месечен период за целните групи, вклучувајќи ги и лицата со попреченост, припадниците на ромската заедница и жените од руралните средини.
„Овие мерки не се само финансиска помош, туку се директна инвестиција во потенцијалот на граѓаните и во развојот на локалната економија“, истакна министерот Дурмиши на прес-конференцијата.