Македонија
Премиерот патува по најлошиот пат во државата
Штип, Иван Бојаџиски
Жителите на Пробиштип и повеќе села долж патот кој од рударскиот град према кон Штип, а оттаму и према Скопје, се сведоци дека премиерот Емил Димитриев секое утро, од родното место патува на работа во главниот град на државата. Некогаш тоа патување е порано, некогаш околу пладне, се во зависност од тоа какви му се дневните обврските на Димитриев.
„Се навикнавме на глетката секој ден, претпладне кога патува на работа и приквечер кога се враќа од Скопје да гледам полицајци на мотори и неколку возила од неговата придружба. Ако на почетокот тоа ни беше посебно доживување сега сето тоа е една нормалност која ја живееме. Само се плашиме поради брзото возење на возилата од придружбата на премиерот да не се случи некој да настрада бидејќи овој пат е во исклучително лоша состојба“, ни рече Стојан Тодевски од селото Пишица кое е лоцирано веднаш до патот.
Во зборовите на Стојан има многу вистина. Факт е дека делницата од Пробиштип до селото Крупиште е во многу лоша состојба и таа делница е веројатно најлошиот пат во државата. Во најголем дел патот е нерамен, со многу дупки и невешто направени крпеници, адекватно необележан, на многу делови едната страна на патот е пониска од другата….Кај селото Неокази подолго од две години се уредува едно свлечиште кое се случи после период на обилни врнежи…
Кога завчера ја возевме оваа делница видовме екипа на геодети кои снимаа на оваа патна насока. Човекот кој раководеше со работата ни рече дека реконструкцијата на делницата Пробиштип-Крупиште, кај кое село делницата се врзува за магистралата Кочани-Штип била во агендата на Владата за наредната година. Оваа делница е во должина од 15 километри.
Како што е познато техничкиот премиер за спроведување на изборите Емил Димитриев одлучи и во времето додека извршува една од трите највисоки функции во државата наместо во Скопје да остане да живее во Пробиштип. Во рударскиот град велат дека најнезадоволни од таквата одлука на Димитриев биле дрвокрадците зашто патот до пробиштипските шуми водел покрај неговата семејна куќа, а таму сега имало стражарска куќа со 24 часовно дежурство на полицаец во него.
„Во секоја нормално уредена држава вршителите на највисоки функции не можат самостојно да одлучуваат каде ќе живеат. За тоа постојат правила и прописи. Оттука, и не е сосема јасно како Македонија може да си дозволи премиер, кој е тоа и макар и само на определено време, сам да одлучува каде ќе живее“, смета дипломираниот политиколог Драган Ивановски. /крај/мф/иб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.