Македонија
Нема информации кој ги убил македонските државјани во Италија

Сè уште нема никакви информации за тоа кој ги убил македонските државјани во Италија. Македонската полиција е во постојана комуникација со италијанскиот Интерпол за откривање на сторителите и мотивите на убиството.
Сè уште нема никакви информации за тоа кој ги убил македонските државјани во Италија. Македонската полиција е во постојана комуникација со италијанскиот Интерпол за откривање на сторителите и мотивите на убиството.
„Од Интерпол Рим нè известија дека надлежните служби на италијанските власти, судска медицина, сè уште работат на целосно завршување на сите процедури и излегување со конечни резултати околу идентификацијата на двата леша зашто им е потребен дополнителен рок“ изјави портпаролот на МВР, Иво Котевски.
Италијанските медиуми пишуваат дека во хотелот во Бреша, каде што престојувале македонските државјани бил пронајден македонски пасош, но и хрватска лична карта и хрватска возачка дозвола.
Со помош на сим картичката која била најдена во нивните лични работи, италијанската полиција успеала да ги идентификува загинатите. На неа имало броеви од цела Источна Европа, а во еден од компјутерите кои биле пронајдени, имало проект за изградба на трговски центар во Македонија.
Италијанските медиуми шпекулираат дека убиството е поврзано со долгови, односно со пари.
Македонските државјани кои беа пронајдени мртви во планината Магдалена во близина на Бреша, Христо Узунов и Екрем Салија, ја напуштиле Македонија на 23 јуни.
Престојувале во хотел со три ѕвездички во Бреша. Таму биле пронајдени два куфери и две патни торби. Црната горна тренерка која била најдена во хотелот се совпаѓала со долниот дел од тренерката која ја носела една од жртвите.
Телата на Македонците биле пронајдени уште на 15 октомври, но дури завчера биле идентификувани.
Кога полицијата дошла на местото на инцидентот, телата веќе биле во распаѓање, што значи дека двајцата македонски државјани биле мртви подолго време. Семејствата на македонските државјани од Тетово ги пријавиле двајцата пријатели за исчезнати. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Викендов дожд со температури под просекот за овој период од годината

Времето утре ќе биде сончево со мала до умерена облачност. Ќе дува слаб до умерен ветер претежно од северен правец. Минималната температура ќе биде во интервал од 2 до 9, а максималната ќе достигне од 16 до 24 степени, информира УХРМ.
Во Скопје, сончево со мала до умерена облачност и со слаб до умерен ветер од северен правец. Минималната температура ќе се спушти до 7, а максималната ќе достигне до 24 степени.
Во четврток кон крајот на денот, во текот на ноќта и во петок под влијание на влажен бран ќе има врнежи од дожд, кои локално ќе бидат пообилни. Во деновите од викендот ќе се задржи променливо облачно време со повремен локален дожд. Температурите ќе бидат под просекот за овој период од годината.
Македонија
Универзитетот „Св. Климент Охридски“ – Битола ќе добие Факултет за медицина

Владата ја разгледа и усвои информацијата за потреба за основање на Факултет за медицински науки и здравство при Универзитетот „Св. Климент Охридски“ – Битола.
„Формирањето на Факултетот за медицински науки и здравство како единица во состав на Универзитетот „Св. Климент Охридски“ – Битола претставува стратешка неопходност за унапредување на здравственото образование особено во Пелагонискиот и Југозападниот регион на Република Северна Македонија“, велат од Владата.
Новоформираниот факултет ќе има задача да биде правен наследник на Високата медицинска школа, каде освен тригодишни студии ќе може да се акредитираат четиригодишни студиски програми по медицински сестри и акушерки.
Од Владата велат дека имајќи го предвид фактот дека е потребно време да се испочитуваат мислењата од сите надлежни институции, како на пример да се разгледа проектот за основање на Факултетот за медицински науки и здравство како единица во состав на Универзитетот „Св. Климент Охридски“ – Битола од страна на Одборот за акредитација на високото образование, да се донесе закон за основање, и да се испочитува членот 149 од Законот, каде е наведено дека запишувањето на студии се врши врз основа на јавен конкурс кој го објавува универзитетот, односно самостојната висока стручна школа кој ги реализира студиите најмалку пет месеци пред започнувањето на наставата, Министерството за образование и наука предложи Факултетот за медицински науки и здравство да отпочне со работа од студиската 2026/2027 година, а во меѓувреме да се завршат сите постапки согласно Законот за високо образование.
Македонија
Ќе се градат и реконструираат 30 спортски сали во училиштата, најави Владата

Владата најави дека ќе се градат и реконструираат 30 спортски сали во основните и средни училишта.
Владата ја разгледа и усвои информација за обезбедување на буџетско учество за реализација на заемот за изградба и опремување на 30 училишни спортски сали во основните училишта и реконструкција на училишта.
Во рамките на Министерството за образование и наука се реализира проектот – Изградба и опремување на 145 училишни спортски сали и рехабилитација на основни и средни училишта. Истиот има за цел да обезбеди подобри услови за реализација на наставата, како и да го унапреди училишниот спорт, здравјето и здравите навики на учениците.
„Изградбата на училишни спортски сали е дел од програмата на Владата и е уште еден од проектите кои започнуваат постапка за нивна реализација. За таа цел, Владата ја разгледа и усвои информацијата за обезбедување на буџетско учество за реализација на заемот за изградба и опремување на 30 училишни спортски сали во основните училишта и реконструкција на училишта и даде согласност за преземање обврски за чие плаќање е потребно користење на буџетски средства во 2026, 2027, 2028 и 2029 година за заемот за изградба и опремување на 30 училишни спортски сали во основните училишта и реконструкција на училишта“, се наведува во соопштението.