Спорт
Алонсо ја посакува третата победа во низа
Пилотот на Ферари, Фернандо Алонсо, вели дека сите во тимот мора да вложат максимални напори за тој да забележи победа на трката за Големата награда на Јапонија, која викендов ќе се вози на патеката во Сузука.
Пилотот на Ферари, Фернандо Алонсо, вели дека сите во тимот мора да вложат максимални напори за тој да забележи победа на трката за Големата награда на Јапонија, која викендов ќе се вози на патеката во Сузука.
Алонсо во Јапонија ќе ја брка третата последователна победа во првенството на Формула 1. Шпанецот победи на последните две трки во Италија и Сингапур и во вкупниот поредок ја намали предноста на возачот на Ред Бул, Марк Вебер на само 11 поени.
„Со овие две победи драстично ја намаливме предноста на Вебер, но тој се уште е лидер во првенството. Борбата за титулата станува многу сериозна и сега е вистинско време целиот тим да започне со напорна работа. Петмина возачи останаа во трка за шампионската титула. Оваа сезона бевме сведоци на тоа дека работите околу пласманот можат многу брзо да се сменат“, вели двократниот светски првак Алонсо за веб страницата на Ферари.
Покрај Алонсо и Вебер во трка за титулата се и двајцата возачи на Мекларен, Луис Хамилтон и Џенсон Батон, како и клупскиот партнер на Вебер, Себастијан Фетел.
„Ферари покажа голем прогрес во последните четири трки, тие ќе бидат многу силни и на оваа трка, но никако не смееме да го отпишеме ниту тимот на Мекларен“, смета минатогодишниот победник во Јапонија, Фетел.
Тимскиот партнер на Фетел, Марк Вебер е убеден дека до крајот на шампионатот ќе се води голема борба за освојување на титулата.
Трката за Големата награда на Јапонија, на патеката во Сузука ќе се вози на 10 октомври.крај/ап/н.ц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Алкараз го откажа настапот на Мастерсот во Рим
Шпанскиот тенисер Карлос Алкараз поради повреда нема да настапи на Мастерсот во Рим.
Третиот тенисер во светот има прблем со десната подлактица, но и покрај тоа реши да игра на Мастерсот во Мадрид каде не успеа да ја одбрани титулата, во четвртфиналето дожиева пораз од Андреј Рубљов.
„Почувствував болка на турнирот во Мадрид, непријатност во раката. Денеска направив прегледи и имам оток на мускулот на подлактицата, што е резултат на претходна повреда. За жал, не можам да играм во Рим, морам да почнам со рехабилитација за да играме 100 отсто без болка“, напиша Алкарас на социјалната мрежа „Икс“.
Алкарас во краток период се откажа од три турнири. За еден месец се откажа од Монте Карло, Барселона и сега од Рим.
Спорт
Фоден играч на сезоната во Премиер лигата
Фудбалерот на Манчестер сити, Фил Фоден, е избран за најдобар фудбалер во Англија за сезоната 2023/24 според гласовите на спортските новинари.
Фудбалерот на „Граѓаните“ во досегашниот дел од сезоната одигра 31 натпревар во Премиер лигата, постигна 16 гола и запиша седум асистенции.
Во ФА купот одигра четири натпревари на кои постигна два гола, додека во Лигата на шампионите одигра осум натпревари, забележа пет гола и три асистенции.
Манчестер сити го заврши учеството во Лигата на шампионите, откако беше елиминиран од Реал Мадрид, но се уште има шанса да се бори за титулата во Премиер лигата.
Арсенал моментално е прв на табелата во англиското фудбалско првенство со 80 бодови, додека Сити има бод, но и натпревар помалку, па финишот на сезоната ќе биде неизвесен.
Избраниците на Пеп Гвардиола на 25 мај ќе се борат за трофејот во ФА Купот против Манчестер Јунајтед во финалето.
Спорт
(Видео) Брансон ја испрати Филаделфија на летен одмор, Милвоки без Јанис немоќни против Индијана
Кошаркарите на Њујорк Никс и Индијана Пејсер се изборија за меѓусебна пресметка во полуфиналето на Источна конференција, во НБА лигата. Изминатата ноќ Никс и Пејсер ги забележаа победите број 4 против Филаделфија односно Милвоки.
Пред една деценија, Филаделфија го избра Џоел Ембид како прв пик на драфтот. Со него Сиксерси се уште немаат финале на Истокот.
Брилијантниот Џејлен Брансон го предводеше Њујорк до победата 118:115 во шестиот натпревар.
Брансон забележа 41 поен и 12 асистенции (трет последователен натпревар со најмалку 40 поени), Донте ДиВинченцо постигна 23 поени со седум асистенции, а О Џи Ануноби имаше 19 поени и девет скока.
Џош Харт додаде 16 поени, 14 скока и седум асистенции и ја постигна клучната тројка за победа на 24,4 секунди до крајот.
Во тимот од Филаделфија најефикасен беше Џоел Ембиид со 39 поени и 13 скока. Бади Хилд додаде 20 поени, Тајрис Макси имаше 17 поени, пет скока и пет асистенции, Кели Оубре имаше 17 поени и пет скока, а Николас Батум заврши со 16 поени и седум скока.
Индијана Пејсерс славеше против Милвоки 120:98 за вкупни 4:2 во серијата. Без Јанис Адетокумбо и со повредениот Демијан Лилард, Милвоки немаа шанса против Индијана. Шестиот меч го решија играчите од клупата. Резервите на Индијана постигнаа 40 поени.
Оби Торпин со 21, Ти-Џеј Меконел со 20 поени и девет асистенции, односно Паскал Сијакам со 19 ја предводеа Индијана.
На спротивната страна Лилард, кој го припушти претходниот меч постигна 28 поени, Боби Портис додаде 20 поени и 15 скока, а Брук Лопез 20 поени.