Свет
Ланската најтопла во последните 130 години
Минатата 2010-та и 2005 г. се двете најтопли години откако од 1880 г. почнале систематски да се собираат податоците за времето, со што е завршена деценијата со рекордно високи температури.Како што денеска соопшти американската агенција за климата, измерените температури во првата деценија од 21-от век, покажуваат дека емисијата на гасовите што го предизвикуваат ефектот на стаклената градина коишто ги произведуваат луѓето, ја загреваат планетата Земја.Глобалните температури на површината во 2010 г. изнесувала 0,62 степени Целзиусови над просекот од 20-от век и се изедначиле со досега рекордната 2005 г., соопшти во средата американскиот Национален центар за податоци за климата (NCDC) во составот на Националната управа за океаните и атмосферата.„Овие резултати покажуваат дека климата продолжува да покажува влијание на стакленичките гасови и покажува загревање“, рекол Дејвид Истерлинг, раководител на одделот на NCDC за научни услуги, за новинарите преку теле-конференција.Многу места на планетата, како што беа ланската година Русија и Пакистан, минаа низ големи бранови високи температури кога животите ги загубија илјaдници луѓе, посевите буквално беа спржени и поплавени стотици илјадници хектари земјоделско земјиште. Овие појави настанати делумно поради промените на атмосферските струења со големи брзини, од друга страна влијаеја врз достигнувањето рекордни цени на храната, какви што владееја на светските берзи во 2008 г.Според Истерлинг, не е можно директно да се поврзе глобалното затоплување како причина на еден метеоролошки случај, но трендот на зголемување на температурите од 2000 г. ја зголемува можноста за екстремни атмосферски појави како што се споменатите бранови жега, суши и поплави. Од 2000-та наваму, секоја година е меѓу 15-те најтопли досега забележани во 130-те години бележење на ваквите податоци, нагласил Истерлинг. Извештајот не може да ги предвиди временските услови во иднината, меѓутоа организацијата на Обединетите нации за климата соопшти дека е веројатно оти времето во овој век ќе биде поекстремно поради насобраните гасови создадени од согорувањето на фосилните горива и уништувањето на шумите./крај/ро/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Се урна автопат во Кина: возила паднаа во провалија, десетици мртви
Се урна автопат во провинцијата Гуангдонг во јужна Кина.
Дел од автопатот се урна рано наутро во јужна Кина, при што загинаа најмалку 19 лица, соопштија локалните власти.
Осумнаесет автомобили паднаа по падина откако се урна дел од автопатот, соопштија властите во градот Меиџоу во провинцијата Гуангдонг. Инцидентот се случил околу 02:00 часот. Очевидци за локалните медиуми изјавиле дека слушнале силна бучава и виделе дупка отворена неколку метри зад нив, откако оделе дел од патот непосредно пред да се урне.
May 1: a section of the Meilong Expressway (梅龙高速公路) in Guangdong province collapsed at around 2:10am, and 18 vehicles fell into the sinkhole.
31 people were rescued and sent to the hospital. One of them died afterwards…https://t.co/X6QY2zwKdshttps://t.co/cKcJF8YwLB pic.twitter.com/8cUgXonCGR
— Byron Wan (@Byron_Wan) May 1, 2024
Видеото и фотографиите во локалните медиуми покажуваат чад и оган на местото на настанот. Спасувачите превезоа 30 лица во болница, објави државната телевизија CCTV.
Европа
Во Киев се урива споменик кој ја слави блискоста меѓу Русија и Украина
Властите на Киев во вторникот почнаа да го отстрануваат споменикот од советската ера што ја означува врската меѓу Русија и Украина, повеќе од две години откако Москва започна инвазија врз Украина.
Неколку дена ќе бидат потребни за целосно уривање на споменикот од црвен гранит, кој се состои од дваесетина поединечни елементи, соопшти градската управа.
Тоа е всушност група статуи кои прикажуваат украински Козаци кои го опкружуваат лидерот Богдан Хмелницки и московскиот амбасадор.
Статуите ќе бидат префрлени во воздухопловниот музеј.
Споменикот е изграден во 1982 година за да го одбележи „обединувањето на украинскиот народ со братскиот руски народ“ во 1654 година, кога Хмелницки склучил сојуз со рускиот император во борбата против полско-литванскиот сојуз.
Советските историски книги го романтизираа како почеток на нераскинливо пријателство меѓу Украина и Русија.
Свет
Трамп казнет со 9.000 долари
Помалку од седум месеци пред претседателските избори во ноември, на републиканскиот кандидат Доналд Трамп му се суди затоа што се обидел да го купи молкот на поранешната порно ѕвезда Сторми Даниелс неколку дена по изборите во 2016 година на кои ја победи демократската кандидатка Хилари Клинтон.
Судијата Хуан Мерчан рече дека Трамп е казнет со 9.000 долари поради кршење на забраната за коментирање на сведоци. Обвинителите го обвинија поранешниот претседател дека повеќе пати ја прекршил забраната за коментирање и побараа од судијата да го казни со 1.000 долари по прекршок, пишува Гардијан.
Според забраната, Трамп не смее да дава, или да наложува други да даваат јавни изјави за сведоците на судењето, обвинителите и членовите на судскиот персонал. Пред судењето, судијата Мерчан ја прошири оваа забрана за коментирање на членовите на семејството откако Трамп напиша објава за ќерката на Мерчан.
Трамп мора да отстрани седум навредливи објави од социјалната мрежа „Truth Social“ и две објави од неговата веб-страница на кампањата до 14:15 часот. „Го предупредуваме обвинетиот дека судот нема да толерира натамошно кршење на правните наредби и дека доколку е потребно и соодветно со оглед на околностите ќе биде осуден на затворска казна“, се вели во судската пресуда.