Свет
Хаити го зголеми бројот загинати во земјотресот на 316.000
Бројката загинати во разорниот земјотрес што на почетокот од 2010 г. го погоди Хаити, е поголем од 316 илјади луѓе, соопшти денеска премиерот Жан-Мари Белерив
Ова го соопштил Белерив во средата во главниот град на Хаити, Порт-о-пренс, на конференцијата за медиуми на Привременото министерство за обнова на Хаити со кое копретседава заедно со поранешниот американски претседател Бил Клинтон.Претходно процените на властите на Хаити зборуваа дека во катастрофалниот земјотрес смртно настрадале околу 250 илјади луѓе. Инаку во средата се наврши една година откако на 12-ти јануари 2010 г. разорниот земјотрес го погоди Хаити, и според бројките на загинатите и повредените, ова се смета за една од најголемите трагедии во модерната историја.Епицентарот на земјотресот беше на 15 километри југозападно од престолнината Порт-о-пренс, а според проценките на локалните власти за само 10 до 20 секунди колку што траеше потресот, загинале 316 илјади луѓе, а околу 300 илјади се повредени.Земјотресот речиси целосно ја уништи инфраструктурата на карипската земја, а милион луѓе остана без своите домови, во земја во којашто живеат десет милиони луѓе. Уништени во земјотресот беа и Претседателската зграда, Националното собрание, главната катедрала, зградата во која е сместена мисијата на ОН. Две седмици по земјотресот во Хаити беа регистрирани повеќе од 50 потреси со магнитуда од 4,5 степени според Рихтер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Британските разузнавачи: Русите се’ побрзо напредуваат во Украина
По заземањето на источноукраинскиот град Авдијевка, руските трупи напредуваат побрзо во областа, објави денеска британското Министерство за одбрана во своето секојдневно известување.
„Руските копнени сили навлегоа и создадоа тесен коридор на украинска територија со цел да влезат во градот Очеретин, приближно 15 километри северно од центарот на Авдијивка“, пишува на профилот на Министерството за одбрана.
Оцеретин во областа Доњецк имал околу 3.500 жители пред почетокот на војната.
И по заземањето на Авдијивка во средината на февруари, Русите се уште сметаат дека освојувањето на таа област е една од клучните операции, оценува британското Министерство за одбрана.
„Иако претрпуваат големи загуби, многу е веројатно дека руските копнени сили се во позиција континуирано да ги гаѓаат украинските позиции во областа и дека презеле контрола врз неколку помали населби“, додаваат тие.
Украина се брани од руската инвазија повеќе од две години. Британското Министерство за одбрана редовно објавува информации за напредокот на војната. Москва го обвинува Лондон за ширење дезинформации.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.