Силен земјотрес со магнитуда од 6,3 по Рихтеровата скала се случил во вторникот вечерта по локално време во источна Индонезија, објави Националниот директорат за климатологија и геофизиката (НУМКГ).

Силен земјотрес со магнитуда од 6,3 по Рихтеровата скала се случил во вторникот вечерта по локално време во источна Индонезија, објави Националниот директорат за климатологија и геофизиката (НУМКГ) Според индонезиските власти во моментов се обработуваат податоците, и се уште не е јасно дали ќе биде објавено предупредување во врска со можноста од појава на цунами по земјотресот, чиј епицентар бил лоциран 131 километри југоисточно од Кајманските острови во провинцијата Западна Папуа на островот Нова Гвинеја, а длабочината на потресот била на околу десет километри под површината на Арфурското Море, соопштил официјален претставник на NUMKG. Истата област на 30-ти септември минатата беше погодена од земјотрес со магнитуда од 7,4 степени по Рихтер, а веднаш по него следуваа уште три потреса со магнитуда од 5,0 до 5,3 степени според Рихтеровата скала. Како што соопштил официјалниот претставник на претседателот на Индонезија за помош при катастрофи Анди Ариф, тие довеле само до незначителни материјални штети.. „Густината на населението таму е многу мала и луѓето се доволно далеку од епицентарот, кој се наоѓал во морето“, додал Ариф. Индонезија и нејзиниот дел Папуа Нова Гвинеа се наоѓаат во ткн. Огнен прстен во Тихиот Океан, подрачје во кое на спојувањето на континенталните плочи се случува силна сеизмичка активност. Земјотрес со магнитуда од 7,9 степени на 30-ти септември минатата година го погоди индонезискиот остров Суматра, во кој загинаа повеќе од илјада лица. Во декември 2004 г., северо-западниот брег на индонезискиот остров Суматра беше погоден од еден од најсилните земјотреси во светот изминатите 40 години, при што беше предизвикано разорно цунами од кое настрадаа стотици илјади луѓе во 12 земји во Индискиот Океан. Серија земјотреси ја тресеа Папуа и во средината на јуни кога загинаа три лица, а Индонезија на 12-ти февруари годинава беше погодена од силен земјотрес во кој 60 лица беа повредени а илјадници и луѓе останаа без домови./крај/numkg/сн