Македонија
МИМ и ЗНМ реагираат на предлог-измените во Законот за радиодифузна дејност
МИМ и ЗНМ остро реагираат на последните предлог-измени во Законот за радиодифузна дејност, со кои се предлага менување на составот и бројот на членовите на Советот за радиодифузија.
МИМ и ЗНМ остро реагираат на последните предлог-измени во Законот за радиодифузна дејност, со кои се предлага менување на составот и бројот на членовите на Советот за радиодифузија.
„Двете организации сметаат дека секоја измена во регулативата која се однесува на медиумите треба секогаш да се разгледува и донесува внимателно, во транспарентни и отворени процеси, каде што преку стручни и јавни расправи ќе бидат земени предвид и согледувањата на медиумските работници, медиумските експерти и професионалните медиумски организации“, се наведува во писмената реакција на организациите.
Менувањето, како што велат тие, на значајни закони каков што е овој, во забрзана постапка која не ги вклучува медиумите, експертите и други засегнати страни, дополнително ја усложнува ситуацијата во која се наоѓаат медиумите во земјава, а решенијата во чие изготвување и донесување не се вклучува медиумската заедница од неа се перцепираат како решенија кои се наметнати.
Тие бараат од предлагачите на измените на Законот итно одговор на што се должи брзањето во донесувањето на овие измени, кога се знае дека е во тек постапка за усогласување на Законот со новата АВМС Директива на ЕУ, зошто овој процес се одвива нетранспарентно, без каква било јавна консултација, зошто, со новите измени, други регулаторни тела ќе можат да предлагаат членови на СРД и кои се вистинските причини за брзото донесување на овие измени.
Потсетуваат дека Македонија допрва треба да ја усогласи медиумската регулатива и со новата Директива на ЕУ за аудиовизуелни медиумски сервиси (АВМС Директива).
„Токму во рамките на овој процес што претстои, можно е да се решаваат сите постоечки проблеми во радиодифузијата кај нас, но тоа треба да се направи во еден сериозен и транспарентен процес, кој треба да даде одговори на сериозните прашања и проблеми со кои се соочуваат медиумите во Македонија денес. За жал, констатираме дека секогаш кога се донесува регулатива која се однесува на медиумите, тоа се прави во последен момент, и на неинклузивен и нетранспарентен начин. Нагласуваме дека независноста на регулаторното тело Совет за радиодифузија на Република Македонија е клучно за независноста на електронските медиуми“, се додава во реакцијата.
Измените и дополнувањата на Законот за радиофузната дејност, поднесени од пратеници на ВМРО-ДПМНЕ, предвидуваат зголемување на бројот на членовите на Советот од девет на 15. Од новите шест членови, по двајца ќе предлагаат претседателот на државата и ЗЕЛС, и по еден Комисијата за заштита на конкуренцијата и Државната комисија за спречување корупција./крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Извршена ларвицидна дезинсекција во општина Илинден
Во согласност со програмата за спроведување општи мерки за заштита на населението од заразни болести за 2024 година, Општина Илинден во координација со екипите на ДТУ ТОКСИ ВЕТ – Скопје, реализира прскање против ларви од комарци на целата територија на општината.
Во согласност со елаборатот за спроведување на превентивна дезинсекција за спречување и искоренување вектор преносливи заболувања, во овој период се врши ларвицидна дезинсекција на водни површини за уништување ларви од комарци.
Со третирањето се опфатени сите водни површини на отворените одводни канали (главни, секундарни и терцијални), речното корито на Сува Река и вештачката акумулација во Бучинци, на вкупна површина од 50 хектари.
Дезинсекција се врши со еколошко средство, кое е безопасно за здравјето на луѓето, одобрено и пуштено во промет од Бирото за лекови.
Македонија
Јовановски за пријавата од Кичеец: Ова е почеток на една битка со цела криминална банда
Зоран Милевски-Кичеец го пријавил Бојан Јоавновски-Боки 13 во полицијата.
Ова се однесува на статусот што Јовановски го објави вчера, а каде што посочи дека лица блиски до Кичеец му се закнуваат.
Јовановски вели дека Кичеец е човек што згрешил пред законот, а не одговарал за тоа и неговата реакција е очекувана.
„Ова е почеток на една битка и разрешница со цела криминална банда, а во оваа криминална банда еден од предводниците е Зоран Милевски-Кичеец“, рече Јовановски.
Неговиот адвокат Владимир Туфегџиќ ги оцени наводите на Кичеец како неосновани и укажа дека за лажното пријавување очекува одговорност.
Како што појасни Туфегџиќ, пријавата се однесува на три кривични дела – загрозување на сигурноста, демнење и кривично дело лажно пријавување. Ги отфрламе сите наводи, рече Туферџиќ, бидејќи сметаме дека не постојат законски основи за понатамошно процесирање.
Јовановски претходно на „Фејсбук“ објави дека лица блиски и под команда на Зоран Милевски-Кичеец веќе неколку дена кон него дејствуваат преку разни форми на закани и притисоци со цел да го откаже второто гостување во поткастот кај Лазаров. Воедно, како што објави Јовановски, заканите и уцените кулминирале кога пред влезот на неговиот стан го пречекале две лица да му пренесат порака од Кичеец.
Скопје
Оваа сабота во „Јавна соба“: базар на втора рака облека, накит, книги и детски играчки
Трендот во големите градови и културата е рециклирање и рекреирање веќе на постојното. Колку понапредни општествата, толку повеќе се рециклира, се води сметка за животната околина и сè погласна и популарна е second hand модата.
Скопје полека ја прегрнува оваа нова филозофија, но колку е поголема и подобра понудата – толку повеќе ќе има интерес од страна на потрошувачите и ќе има поголем успех.
Оваа сабота (11 мај) во „Јавна соба“, под слоганот „Second hand е подобро од ново“, почнува базарот, каде што посетителите може да си набават добро сочувано парче гардероба, чевли, накит, книга или можеби некоја играчка. Ќе има многубројни штандови со разноразни парчиња, кои дефинитивно заслужуваат втора шанса.
И сето тоа во еден забавен, опуштен и пријателски амбиент, еве неколку причини зошто е подобро да купувате работи од втора рака:
– заштеда на пари;
– помагање на животната средина и зачувување на природните ресурси;
– поддржувате локален и мал бизнис;
– развивате уникатен стил;
– имате чувство како да сте во потрага по богатство.