Секторот за внатрешни работи Охрид презема неопходни мерки со цел безбедно одвивање на планираните средби и програмските активности на Регионалната средба на претседателите на Македонија, Црна Гора, Албанија и Косово, што денес и утре ќе се одржи во Охрид.

Секторот за внатрешни работи Охрид презема неопходни мерки со цел безбедно одвивање на планираните средби и програмските активности на Регионалната средба на претседателите на Македонија, Црна Гора, Албанија и Косово, што денес и утре ќе се одржи во Охрид. СВР Охрид ги интензивира мерките за сообраќајно обезбедување кои се одвиваат со писмени предупредувања на сите паркирани патнички и други моторни возила по должината на Булеварот „Туристичка“ но и во стариот дел од градот, каде претседателите и членовите на делегациите ќе посетат дел од културно-историските знаменитости на град Охрид. На овој потег, но и на неколку други сообраќајници, нема да биде дозволено запирање или паркирање моторни возила. Предвидено е отстранување на неправилно паркирани патнички и друг вид моторни возила како и на оставени предмети од сообраќајните површини. Од страна на полициските службеници, ќе бидат спроведувани и другите законски овластувања како дел од севкупните безбедносни мерки на СВР Охрид. „Мерките на СВР Охрид, првенствено ќе бидат насочени кон физичко обезбедување на објектите и просторот за време на посетата на претседателите и нивните делегации и ќе бидат во функција на непречено одвивање на оваа значајна средба чиј домаќин е македонскиот претседател Ѓорге Иванов. Заради безбедно движење на делегациите и возилата под придружба, на одредени патни правци и сообраќајници, привремено ќе биде ограничено движењето на моторни и друг вид возила со физичко регулирање на сообраќајот“ -информираат од охридската полиција. СВР Охрид апелира до граѓаните на Охрид на исклучива нужност во користењето на сопствените возила за време на одржувањето на регионалната претседателска средба.  крај/охридњуз/к.с.