Македонија
Јанакиески вети транспарентност околу Законот за медиуми
![](https://makfax.com.mk/wp-content/uploads/2016/11/154d50cc-54dd-4e32-aea9-95aeb18f7f7a.jpeg)
Новиот Закон за радиодифузија ќе биде донесен на многу транспарентен начин, при што ќе има најмалку еден месец јавна дебата и минимум во два наврати ќе биде консултирана Европската комисија.Ова денеска во Скопје го изјави министерот за транспорт и врски Миле Јанакиевски, по забелешките дека владата во изработката на новиот закон не ги вклучила медиумите.„Најнапред сакам да го искажам моето жалење што непотребно беше создадена слика и беше крената фама дека новиот закон за радиодифузна дејност, без притоа да се причека барем првична верзија од законот, ќе создаде некакви ограничувања на медиумите“, рече Јанакиевски.Тој демантираше дека со новиот закон ќе бидат сменете членовите на Советот за радиодифузија, дека законот нема да биде уставен и дека нема притоа да се почитува постоечкиот закон за јазици.„Сакам да истакнам дека основната цел зошто го менуваме овој закон е имплементација на европската директива. Ниту ќе се менува нешто во советот за радиодифузија, ниту ќе се ограничуваат медиумите“, рече Јанакиевски. Тој упати апел за воздржување од коментари додека не се изготви првичната верзија од законот. „Би замолил за трпение до крајот на овој месец до кога ќе имаме некаков нацрт текст на законот, по тоа ќе имаме минимум месец дена јавна расправа а текстот ќе биде испратен во Брисел, нема потреба да се брза“, рече Јанакиевски.Според него, законот за радиодифузија би требало да биде усвоен од страна на собранието пред да биде заклучен годинешниот извештај на Европската комисија за Македонија. /крај/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Приведени 19 лица на фестивал во Дојран
![](https://makfax.com.mk/wp-content/uploads/2023/07/dojran-festival.jpg)
Полицијата приведе 19 лица за време на фестивалот што викендов се одржуваше во Дојран.
Според информацијата од МВР, кај нив била најдена дрога.
„На 29.06., 30.06. и 01.07.2024, за време на одржување на фестивал во Стар Дојран, полициски службеници ги лишиле од слобода А.С.(29) од Струмица, Д.Ш.(24) од Гевгелија, Ј.Р.(23) од Скопје, К.В.(24) од Куманово, А.А.(32) од Струмица, Д.А.(34) од Скопје, Г.И.(46) од Скопје, Ј.Б.(32) од Гостивар, В.Г.(18) од село Црничани, гевгелиско, Т.П.(18) и К.Ц.(18), и двајцата од село Миравци, гевгелиско, Г.М.(47) од Скопје, Ф.И.(19) од село Удово, валандовско, Б.С.(23) од село Батинци, скопско, Д.З.(23) од Скопје, А.А.(30) од Валандово, Н.А.(18) од Скопје, С.П.(20) од Башино Село, велешко, и еден 17-годишен турски државјанин. При преглед кај нив, како и при контрола во возила во кои се превезувале биле пронајдени марихуана, прашкаста материја и таблети“, велат од МВР.
За настаните бил запознаен јавен обвинител, а по нивно документирање против лицата ќе бидат поднесени соодветни поднесоци.
Македонија
Бобан Николовски ја презеде функцијата директор на Царинска управа
![](https://makfax.com.mk/wp-content/uploads/2024/07/boban-nikolovski-carina-3.jpg)
Бобан Николовски денеска ја презеде функцијата директор на Царинска управа од својот претходник Стефан Богоев, кој на оваа позиција беше од јуни минатата година.
„Спроведување реформски мерки и политики за постигнување висок и одржлив економски раст, борба со криминалот и сузбивање на корупцијата и сивата економија, предвидливо даночно и регулаторно опкружување и намалување на парафискалните давачки за компаниите како и целосна дигитализација и СМАРТ Царина како дел од владините приоритети за смарт Македонија, се само дел од нашите цели“, порачува Николовски.
Николовски е вработен во Царинската управа веќе 15 години, а на функцијата директор доаѓа од позицијата пратеник во македонското Собрание.
Македонија
Филипче: Силно ќе се спротивставам на оние кои сакаат да ја ослабнат СДСМ и да ја видат на колена
![](https://makfax.com.mk/wp-content/uploads/2024/07/venko-filipche.jpg)
Новоизбраниот претседател на СДСМ, Венко Филипче, во обраќањето до сопартијците се заблагодари за дадената поддршка.
„Во СДСМ победи професионализмот, емпатијата, грижата за луѓето како мои основни вредности по кои ќе работи и функционира Социјалдемократскиот Сојуз на Македонија. Ветувам дека нема да делам туку ќе обединувам. Ветувам дека ќе водам со пример и тоа ќе го барам од секој во партијата. Ветувам дека силно ќе се спротиставам на оние кои сакаат да ја ослабнат партијата на сметка на личниот интерес. Ветувам дека ќе го заштитам и слушнам секој член и на секому ќе му дадам глас. Ветувам дека СДСМ ќе биде приземна, отворена и модерна партија подготвена за предизивиците кои следат“, рече Филипче.
Додаде дека многумина сакаат да ја видат СДСМ клекната и поразена и се надеваат дека партијата нема да опстане и се ситат на изборниот пораз.
„Ветувам дека ќе го вратиме достоинството на партијата, а они кои се надеваат на лоша иднина на партијата, длабоко ќе се разочараат“, потенцираше Филипче.
Како што додаде, принципите на заедништво, другарство, взаемна почит и отворена комуникација се оние кои ќе ја одликуваат СДСМ под неговото раководство.
Во своето обраќање, Филипче истакна дека СДСМ ќе дејствува како силна опозиција којашто ќе се бори против лошите политики на власта и секогаш ќе биде гласот на разумот и на граѓанската волја која ќе биде заштитена доколку е погазена.