Свет
„Бритиш петрол“ го вади неуспешното ѕвоно од Мексиканскиот залив
Екипите на „Бритиш петрол“ полека почнаа да го дигаат кон површината бетонското ѕвоно кое не успеа да го сопре истекувањето на нафтата во Мексиканскиот залив, јавува Асошиејтед прес.
Екипите на „Бритиш петрол“ полека почнаа да го дигаат кон површината бетонското ѕвоно кое не успеа да го сопре истекувањето на нафтата во Мексиканскиот залив, јавува Асошиејтед прес. Кога ѕвоното ќе стигне до површината по изминати 1,5 километри, државните истражители на САД ќе го запленат и ќе започнат серија испитувања преку кои се надеваат да дојдат до одговор на прашањето зошто направата не успеа да го сопре истекувањето.Портпаролот на „БП“ за Асошиејтед прес изјави дека ѕвоното било успешно откачено од изворот во петокот доцна попладне, но не прецизирал кога ќе стигне до површината. На местото на ова ѕвоно веднаш е поставено друго. Подигнувањето на ѕвоното следеше веднаш откако беше отстранет привремениот капак кој спречи нафтата уште повеќе да истече во заливот кон средината на јули. Владата на САД го отстрани неуспешното ѕвоно и како мерка на претпазливост поради големиот притисок кој се очекува кога ќе заврши копањето на испустниот бунар и тој ќе се спои со спорниот од кој истекува нафтата. Штом тоа биде постигнато, „БП“ планира да го затне несреќниот бунар за секогаш со мешавина од кал и цемент. /крај/ап/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Полицијата во САД уби ученик пред училиште во Висконсин по пријава за пукање
Американската полиција убила ученик пред средно училиште во Висконсин, откако добила дојава дека таму има вооружено лице, изјави Џош Кол, обвинител на таа американска држава.
Полицијата на Фејсбук соопшти дека нема повеќе осомничени и дека нема повредени „освен наводниот напаѓач“, пренесува Асошиејтед прес.
Кол одбил да одговори на прашањата на новинарите дали ученикот пукал и се обидел да влезе во училиштето.
Свет
При уривање на автопат во јужна Кина загинаа 36 лица
Бројот на загинати во уривањето на дел од автопатот во јужната кинеска провинција Гуангдонг се искачи на 36, соопштија локалните власти.
Несреќата се случи вчера наутро, а по уривањето на делницата долга 17,9 метри, 23 возила паднале во провалија, јавува агенцијата Синхуа.
Претходно беше соопштено дека загинале 24 лица, а 30 се повредени.
Свет
Трамп: Апсењето на студенти во Њујорк „беше убаво за гледање“
Поранешниот американски претседател Доналд Трамп изјави дека е „убаво да се гледа“ како полицијата во Њујорк упадна во зградата на Универзитетот Колумбија, окупирана од пропалестински демонстранти, нарекувајќи ги „бесни лудаци и симпатизери на Хамас“.
На митинг за претседателската кампања во Висконсин, Трамп рече дека „Њујорк е под опсада“ и го поздрави апсењето на околу 300 демонстранти, пренесува Ројтерс.
Некои членови на Републиканската партија ги обвинија универзитетските лидери за игнорирање на антисемитската реторика и малтретирање на пропалестинските протести низ САД.