Свет
Експлозија во детска градинка во Русија
Во експлозија во детска градинка во Комсомолск-на-Амур која одекнала утрово во 7.30 часот по локално време, настрада петгодишно девојче кое се здобило со изгореници од 1 и 2 степен, и се наоѓа во тешка состојба.
Во експлозија во детска градинка во Комсомолск-на-Амур која одекнала утрово во 7.30 часот по локално време, настрада петгодишно девојче кое се здобило со изгореници од 1 и 2 степен, и се наоѓа во тешка состојба.Како што пренесува РИА Новости повикувајќи се на локалната полиција, по експлозијата во детската градинка подигната е истражна постапка по дело од областа на тероризмот, за кое може да се добие 20-годишна затворска казна. Во врска со експлозијата како осомничен е уапсен 26-годишен локален жител. Претходно во мај годинава безбедносните органи на Хабаровската област каде се случи денешната експлозија, за истата детска градинка наредиле поставување видео надзор кој сега функционирал со 40 отсто од капацитетот.Веднаш по експлозијата Министерството за внатрешни работи на Руската Федерација, издаде препорака за безбедносна проверка на сите претшколски и училишни институции.Покрај тоа, Министерството за вонредни ситуации на Русија за Далекуисточниот федерален округ (ДФО) презема засилени безбедносни мерки на сите места на масовни собирања и постојано престојување на луѓе, особено во образовните и здравствените установи./крај/рн/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Премиерката на Бангладеш: Сопствениците на фабрики да се откажат од луксузот заради вработените
Премиерката на Бангладеш Шеиха Хасина за време на своето обраќање по повод празникот Први мај ги повика сопствениците на текстилните фабрики и другите фабрики од Бангладеш да ги подобрат условите за работа на своите вработени со тоа што ќе се откажат од дел од својот луксуз.
„Сакам сопствениците (фабриките) да посветат посебно внимание на работниците, намалувајќи го малку нивниот луксуз, бидејќи работниците ви дадоа простор да водите луксузен живот со зголемување на производството со нивната напорна работа“, рече Хасина.
Таа, исто така, ги предупреди работниците да ги игнорираат повиците за штрајк бидејќи „на тој начин работниците понекогаш всушност си нанесуваат штета себеси, на своите семејства, на земјата и на сопствениците на фабриките“, пренесува агенцијата БСС.
Свет
Уривање на дел од автопат во Кина: Најмалку 24 лица загинаа, 30 се повредени
Најмалку 24 лица загинаа, а 30 се повредени при уривање на дел од автопат на југот на Кина, во провинцијата Гуангдонг, јавија кинеските медиуми.
„Осумнаесет автомобили паднаа по падината откако се урна дел од автопатот долг 17,9 метри околу 2 часот по полноќ“, се вели во соопштението на властите во градот Мејџоу во провинцијата Гуангдонг, пренесува АП.
Според американската агенција, околу 11:45 часот по локално време под урнатините биле пронајдени 18 автомобили.
Свет
Блинкен им порача на Израел и Хамас дека е време за прекин на огнот
Државниот секретар на Соединетите Држави (САД) Ентони Блинкен се состана со израелските лидери на 1 мај, за време на посетата на Израел, а во таа прилика му порача на претседателот на земјата дека „е дојдено времето“ за договор за прекин на огнот во војната во Газа.
Ова е седма посета на Блинкен од почетокот на војната меѓу Израел и Хамас – палестинска група прогласена за терористичка организација од страна на САД и Европската Унија уште од октомври.
Блинкен се обидува да постигне договор кој би ги ослободил заложниците кои ги држат милитантите на Хамас во замена за прекин на борбите. Како дел од договорот се очекува да бидат ослободени и палестинските затвореници.