Македонија
Селмани: Пописот да не биде меѓуетничка бомба
Спроведување на успешен, доверлив, објективен и транспарентен попис на населението во 2011 г. е заклучокот од денешната дебата на Комитетот за односи меѓу заедниците
На дебатата и овојпат не изостанаа забелешките околу овој Предлог-закон. Помалите политички партии побараа прецизно да бидат претставени сите фази на пописот, да се обезбеди транспарентност и професионалност. „Се согласувам дека пописот треба да биде успешен, доверлив, објективен, транспарентен, и тоа е причината зошто ние побаравме да има дебата. По сите направени анализи, по сите консултации и со стручњаци и со граѓани, овој закон не гарантира успешен резултат, ако остане вака неизменет ќе биде само темпирана меѓуетничка бомба којашто ќе се фрли меѓу населението, а последиците ќе ги имаме утре, задутре па и по десет години“, рече претседателот на Нова Демократија, Имер Селмани. Според него пописот ќе биде успешен само ако законот биде донесен со консензус. Тој побара пописот да се одржува во јули, наместо во април и процесот да трае еден месец, а не 15 дена. „Денес посебно со визната либерализација, секој којшто работи надвор од земјата ги земал со себе и децата и родителите и ја затворил вратата. Во април доколку остане за спроведување на пописот, попишувачите на терен ќе се соочат со заклучени врати“, рече Селмани. Според вицепремиерот за спроведување на Рамковниот договор, Абдулаким Адеми овој Предлог-закон е сериозно изработен од страна на Владата и дека на ист начин се пристапува кон тој процес. „Сите институции треба да го помогнат овој процес, исто така сакам да апелирам да не се даваат квалификации и оценки од други аспекти, да не се создаде заблуда за тоа кој ќе се потпишува на формуларот, дали периодот за попис е адекватен или не. Нашите настапи треба да се во правец на правилното информирање на граѓаните околу процесот “, рече Адеми. Кенан Хасипи од Демократската партија на Турците смета дека предложената верзија на законот за попис не гарантира правична застапеност. „Законот предвидува 44 пописни реони во споредба со законот од 2002 г., бројот на пописни реони е зголемен за пет и тука се вклучени општините, а не целиот град Скопје, туку само скопските општини. Реонските комисии е предвидено да бројат од седум до 13 члена, логично се поставува прашањето во колку пописни реонски комисии Турците ќе имаат свој член, применувајќи го принципот на правична и соодветна застапеност“, рече Хасипи. Според предложениот закон пописот ќе го спроведе Државната пописна комисија во соработка со Државниот завод за статистика. Државната пописна комисија ќе биде составена од 25 члена именувани од Владата. За спроведување на пописот се определени 44 пописни реони, а за секој од нив ќе биде составена одделна комисија. Попишувањето ќе се спроведува на македонски јазик, а во деловите од земјата каде над 20 проценти од населението се припадници на немнозинската етничка заедница, изјаснувањето ќе биде по сопствен избор, на македонски јазик или на јазикот на етничката заедница.Првичните резултати ДЗС треба да ги објави 60 дена по завршувањето на пописот, а конечните најдоцна до јули 2011 г. Се очекува во процесот на попишување да учествуваат 18.500 лица, а проценката е дека истиот ќе чини околу 14 милиони евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мециновиќ: На носителите на ЗНАМ, на личните профили им стојат слики со Заев и Пендаровски
– На носителите на ЗНАМ, уште на личните профили им стојат слики за поддршка на Заев и Пендаровски. Тоа се поддршки што јавно им ги дадоа, така што сегашното нивно делување е малку повеќе лицемерно од нивна страна – истакна Носителот на ИЕ2 и портпарол на Левица, Амар Мециновиќ, во дебатата на ,,24 Вести”.
Според Мециновиќ, СДСМ ако ја примеа пораката, немаше Оливер Спасовски да биде носител во ИЕ2, после скандалите со пасошите за белосветски криминалци, за голготата за македонските граѓани со пасошите и за бегството на Груевски:
– Од друга страна, за СДС имам конкретна порака, но СДС не ја прима пораката! Пораката не е примена, затоа што нивниот носител во Двојка имаше страшни резултати. Имаше: од бегството на Груевски до оваа голгота што им се случи со пасошите на граѓаните и во меѓувреме – издавањето на пасоши за белосветски криминалци.
Говорејќи за Францускиот предлог и за ненаситноста кон бизнис – интересите од страна на СДСМ, Мециновиќ рече:
– Исто така, не ја примија ни пораката кога народот го отфрли Францускиот предлог. Не ја примија ни пораката кога Заев го изгуби легитимитетот, така што на сила се одржаа на власт до 2024 год. Практично, за да ги задржат нивните бизнис – интереси.
Мециновиќ постојано става акцент и на неоспорниот факт дека челниците од ЗНАМ го избришаа АСНОМ од Уставот:
,,ЗНАМ го избришаа АСНОМ од Уставот кога го носеа Преспанскиот, со оглед на фактот дека тогаш беа дел од раководството на тогашното СДС. Затоа, целата нивна сегашна реторика е лицемерна”.
Левица е единствена искрена, чесна, неподмитлива опција, која се бори за нулта – корупција, радикални промени во системот и нуди решенија за сите целни групи граѓани во Македонија:
,,На 8 мај, заокружете го број 5! Искористете го своето право на глас и гласајте за Левица! Со повеќе пратеници во Парламентот, борбата ќе биде посилна!”
Македонија
Аваја: Треба да се искористи потенцијалот на ромската заедница
Ромската заедница има најмлада популација во државата и тој потенцијал треба да се искористи, порача Ќемал Сулејманов, носител на листа во Изборна единица 3 на средба со жителите на Криволак.
„Нашата заедница е најмладата популација во државата. И нашите млади бегаат надвор од државата, барајќи решенија, а ние увезуваме работници од азиските држави. Мора да најдеме решение како нашите млади да останат во државата. Заеднички да ги направиме промените иво нашите инситтуции да имаме наши луѓе. Ветуваме дека промените почнуваат со Аваја. Вашиот глас го давате за подобра иднина и соединети да покажеме дека сме тука“ порача Сулејманов.
Според него, доволно е ромската заедница да биде третирана само како чистачи и амалџии „Драги браќа и сестри, ги знам вашите проблеми со кои се соочувате, тие се мои проблеми и мора да засукаме ракави по избори и заедно да ги решаваме. Мора да се сооединиме и да почнеме со промени. Мора да имаме наши луѓе во сите институции и тоа на раководни позиции. Доста не гледаа само како чистачи и нивни амалџии“, рече Сулејманов.
Претседателот на Аваја, Акиф Кариман, рече дека одлучил да ја жртвува индивидуалната кариера за да придонесе кон напредокот на народот. Тој говореше за тоа како другите политичари ги гледаат и вреднуваат Ромите.
„Зошто? Затоа што секогаш не потценуваат. Велат ние знаеме лесно да се справиме со вас. Малку ќе ве преплашиме и вие ќе се повлечете. Ќе ви дадеме под рака и вие ќе бидете на наша страна. Или ако тоа не функционира, ќе почнат со притисоци. И тоа досега функционираше. Но, сега ја имаме Аваја, формирана да биде рамо до рамо со сите нас. Ние сме тука да направиме голема промена и да го предизвикаме статус квото“, порача Кариман.
Македонија
Џафери за Велигден: Обединети да продолжиме и да осигураме благосостојба денес и за идните поколенија
Претседателот на Владата на Република Северна Македонија, Талат Џафери, во име на Владата на Република Северна Македонија и во свое име, испрати телеграма со честитки за најголемиот христијански празник, Воскресение Христово – Велигден, до поглаварот на Македонската православна црква – Охридска архиепископија, архиепископ охридски и македонски, г.г. Стефан, до Светиот архиерејски Синод, свештенството и монаштвото на МПЦ-ОА, до православните верници и до сите граѓани кои денеска го чествуваат празникот.
„Задоволство ми е во име на Владата на Република Северна Македонија и во мое име, да Ви го честитам најголемиот христијански празник, Воскресение Христово – Велигден, Вам, на Светиот архиерејски Синод, на свештенството и монаштвото на Македонската православна црква – Охридска архиепископија, на православните верници и на сите граѓани кои денеска го чествуваат празникот.
Велигденската порака за победата на животот над смртта е порака која влева надеж дека за животот, вреди да се преземе секој чекор на храброст и пожртвуваност, чекор кој води кон светла цел. Заедничкото добро, е благословена човекова определба, и тоа може да се постигне само ако се почитуваат основните постулати на кои упатуваат бројните примери низ историјата. Особено во денешен контекст, кога човештвото и светот секојдневно се соочуваат со најразлични предизвици кои се закана по животот, мирот, здравјето и менталната благосостојба, потребни се повеќе од кога било пораките на надеж, единство и верба во тоа заедничко добро, засновано врз практикувањето на универзалните вредности како што се хуманоста, солидарноста, одговорноста и взаемната почит.
Вашата улога има голема одговорност и јас Ви посакувам мудрост во исполнувањето на благородната мисија. Ви пожелувам празникот да го поминете во добро здравје, спокој во душата и среќа меѓу саканите, а со разбирање, меѓусебна почит и обединети, да продолжиме да ја унапредуваме Република Северна Македонија и да обезбедиме благосостојба денес и за идните поколенија“, стои во честитката од премиерот Џафери до поглаварот на МПЦ – ОА, г.г. Стефан.