Свет
ЦИА киднапира во Европа – пример Македонија
Американската Централна разузнавачка агенција ЦИА, има дозвола од Џорџ Буш да киднапира лица во Европа за кои смета дека се поврзани со тероризам – тврди денеска лондонскиот весник Тајмс.
Американската Централна разузнавачка агенција ЦИА, има дозвола од Џорџ Буш да киднапира лица во Европа за кои смета дека се поврзани со тероризам – тврди денеска лондонскиот весник Тајмс. „Киднаперските одреди на ЦИА“ сред бел ден од улиците на европските градови киднапирала луѓе, кои претходно биле издрогирани или успиени со помош на разни спрејови и потоа, со авиони ги префрлала на сослушување во Саудиска Арабија, Јордан, Мароко и Авганистан, прецизира Тајмс. Како пример, Тајмс ја наведува судбината на германскиот државјанин Калед Ел Масри, уапсен на македонска територија на 31 декември 2003. „Припадниците на македонските служби за безбедност го тепале во затвор 3 недели, терајќи го да признае дека е член на Ал Каеда. Потоа, во пранги, со американски Боинг 737, Масри е префрлен од скопскиот аеродром во Багдад, а потоа во Кабул. По пет месеци проведени во самица, Калед Масри со авион е вратен во Македонија и оставен на едно брдо, каде што македонските граничари му го вратиле пасошот и парите“, наведува Тајмс. Макфакс потсетува дека случајот со Масри го открија македонските медиуми, а човекот во моментот е во Германија, чиј државјанин е, и води спор против Македонија и САД за незаконско апсење./крај/фонет/б
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Кулеба: Повеќе од половина од енергетскиот систем на Украина е оштетен во нападите на руските сили
Повеќе од половина од енергетскиот систем на Украина е оштетен во нападите на руските сили, изјави министерот за надворешни работи на Украина Дмитро Кулеба.
Во интервју за Форин Полиси, тој рече дека Украинците најмногу страдаат од руските ракетни напади и дека руските балистички ракети се „вистинско зло“.
Наведувајќи дека руските сили користат балистички ракети главно за напади врз енергетскиот систем на Украина, Кулеба оцени дека која било друга земја, доколку претрпи таква штета на енергетските капацитети, ќе изгледа многу полошо од Украина.
Свет
Полицијата во САД уби ученик пред училиште во Висконсин по пријава за пукање
Американската полиција убила ученик пред средно училиште во Висконсин, откако добила дојава дека таму има вооружено лице, изјави Џош Кол, обвинител на таа американска држава.
Полицијата на Фејсбук соопшти дека нема повеќе осомничени и дека нема повредени „освен наводниот напаѓач“, пренесува Асошиејтед прес.
Кол одбил да одговори на прашањата на новинарите дали ученикот пукал и се обидел да влезе во училиштето.
Свет
При уривање на автопат во јужна Кина загинаа 36 лица
Бројот на загинати во уривањето на дел од автопатот во јужната кинеска провинција Гуангдонг се искачи на 36, соопштија локалните власти.
Несреќата се случи вчера наутро, а по уривањето на делницата долга 17,9 метри, 23 возила паднале во провалија, јавува агенцијата Синхуа.
Претходно беше соопштено дека загинале 24 лица, а 30 се повредени.