Спорт
Бундес лига: Баерн против ХСВ
Шест натпревари денеска ќе се одиграат во рамките на третото коло во германската Бундес лига. Особено внимание привлекуваат дуелите помеѓу Штутгарт и Баер Леверкузен, и Баерн Минхен-Хамбургер.
Шест натпревари денеска ќе се одиграат во рамките на третото коло во германската Бундес лига. Особено внимание привлекуваат дуелите помеѓу Штутгарт и Баер Леверкузен, и Баерн Минхен-Хамбургер. Штутгарт има добар старт во новото првенство, во првите две кола „швабите“ освоија четири бода, Баер е со половичен учинок, исто како и минхенски Баерн, додека Хамбургер освои само еден бод во првите две кола.Актуелниот првак Борусија во Дортмунд ќе го пречека секогаш незгодниот Нинберг. По трите бода на домашен терен ќе атакуваат Аугсбург против Хофенхајм, односно Вердер на натпреварот со Фрајбург. Утре во Бундес лигата ќе се одиграат последните две средби, Мајнц, на македонскиот репрезентативец Николче Новевски ќе игра против Шалке, додека Хановер, кој заедно со Мајнц се единствените екипи со две победи на стартот, за противник ќе ја има Херта. крај/макфакс/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал Мадрид најде замена за Хезоња
Турскиот кошаркар Фуркан Коркмаз следното лето би можел да му се приклучи на Реал Мадрид.
Овој 26-годишен кошаркар треба да пристигне во редовите на европскиот шампион како замена за Марио Хезоња кој не го продолжи договорот.
Коркмаз е без клуб од февруари кога беше трејдуван од Филаделфија во Индијана, која веднаш му врачи отказ.
Тој беше член на Сиксерс од 2017 до 2024 година, во кариерата на 328 натпревари во НБА лигата има просек од од 6,8 поени и два скока.
Според турските медиуми, Коркмаз ги започнал преговорите со Реал. Од дуга страна Марио Хезоња ќе се пресели во Панатинаикос чиј член беше во 2021 година.
Спорт
Математиката на Челси, Лукаку+пари = Виктор Осимен
Ромелу Лукаку (30), по три сезони минати во Интер и една во Рома, во Серија А би можел да го облече дресот на Наполи.
Белгиецот изминатите две сезони настапува како позајмен, во Интер и Рома. Доколку се пресели во Наполи тој би бил дел од трансферот на Виктор Осимен.
Италијанските медиуми најавуваат дека 25-годишниот Нигериец следното лето би можел да го засили Челзи во трансфер вреден меѓу 80 и 90 милиони евра и дека Лукаку ќе послужи како своевидна „доплата“ во таа „зделка“.
За Осимен се заинтересирани и саудиските клубови, па Челзи ќе мора да му понуди голема плата доколку сака да го обезбеди потписот на нигерискиот репрезентативец.
Спорт
(Видео) Меси и Суарез го декласираа Њујорк Ред Бул
Аргентинскиот фудбалер Лионел Меси стана првиот играч во историјата на МЛС со пет асистенции на еден натпревар.
Меси го растури Њујорк Ред Бул со гол и пет асистенции. Интер славече победа 6:2.
Домашниот тим со пресврт дојде до седмата победа оваа сезона, откако Њујорк поведе во 30. минута преку Данте Ванзеир.
Матијас Рохас израмни во 48. минута, а Меси погоди две минути подоцна.
Рохас ја затресе мрежата на гостите во 62. минута, а Луис Суарез постигна хет трик во финишот.
Погоди во 69., 75. и 81. минута, а Њујорк Ред Бул постигна уште еден гол во седмата минута од судиското надополнување преку Емил Форсберг од белата точка.
Интер е прв во Источната конференција со 24 бодови, додека Њујорк Ред Булс е четврти со 17 бодови.