Македонија
Владата воведува теократски систем на владеење?
![](https://makfax.com.mk/wp-content/uploads/2016/11/8cb8f1e2-0137-4476-8789-584bd8fe8a8f.jpeg)
Со отворениот и груб притисок врз Уставниот суд, Владата врши агресивна идеологизација на македонскиот општествен систем и нарушување на уставно загарантираната позиција на секуларност на државата, реагира Транспарентност Македонија
Со непочитување на одлуките на Уставниот суд, особено со последната одлука за укинување на веронауката од основните училишта, Владата воведува теократски систем, смата Транспарентност Македонија.“Ваквите закани доаѓаат како продолжение на обидите во Република Македонија да се воведе теократски систем на владеење, преку трошење на пари од буџетот на државата за православни верски манифестации и објекти, со ширењето на верска пропаганда преку јавниот информативен сервис, со толерирање на сомнителните зделки на високи црковни функционери, со нагласената симбиоза меѓу активностите на водечките православни и државни функционери, и со организирањето насилни групи за гушење на граѓанските слободи и права“, се вели во соопштението од Транспарентност Македонија. Постапката на Владата е е во спротивност со уставното демократско уредување на државата, нејзиниот мултиетнички и мултикултурен карактер и потребата од транспарентно и отчетно владеење, смета организацијата.“Транспарентност Македонија потсетува дека верата и нејзиното практикување спаѓа во сферата на приватноста на граѓаните, што е загарантирано со закон, и дека обидите за грубо политичко инструментализирање на Македонската православнацрква и манипулацијата со верските чувства на граѓаните од страна на ВМРО-ДПМНЕ создава услови за длабоки последици врз севкупното функционирање на Републиката. Уставниот суд на РМ, чиишто одлуки се неприкосновени и извршни, не може да се смета за виновен што сегашната власт во Македонија донесе десетици произволни и правно неодржливи закони, некои од нив во директна спротивност со уставното уредување на државата“, се вели во соопштението.Изборните политички победи, не и даваат за право на ВМРО-ДПМНЕ да се постави во улога на судска, политичка, полициска, етичка и верска инквизиција во македонската демократија, сметаат од организацијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Сообраќајна несреќа кај Групчин, автопатот Скопје-Тетово е затворен за сообраќај
![](https://makfax.com.mk/wp-content/uploads/2023/04/soobrakajka-noke-policija-202622.jpg)
АМСМ информира дека од 19:45 часот Автопат Скопје – Тетово, кај Групчин, е затворен.
Според информациите, затворањето е поради сообраќајна незгода.
Сообраќајот се пренасочува по стариот пат.
Македонија
„Наместо 15 години работен стаж, да се добива пензија со пет години работно искуство“: пензионерите предложија нов закон
![](https://makfax.com.mk/wp-content/uploads/2021/10/stari-lufe-penzioneri.png)
Пензионерите на протест побараа линеарно зголемување на пензиите по 5.000 денари и на средбата во Свети Николе го презентираа нивниот предлог Закон со кој бараат минималната пензија да се поврзе со минималната плата.
Авторот на законското решение Миле Тасевски појаснува дека тие бараат минималната пензија да биде 70 отсто од минималната плата, а истото да биде и за просечната плата, односно пензија. Дополнително во новиот Закон се предвидува наместо 15 години работен стаж, пензионерите да добиваат пензија со пет години работно искуство. Во однос на старосната граница промени нема.
-Основата на нашиот Закон, прво се врзуваме со минималната плата. Ние сакаме 70 отсто од минималната плата да добива пензионерот, вели Тасевски.
Пензионерите благодарност упатија и до премиерот Христијан Мицкоски за најавата дека пензионерите ќе добијат покачување од пет илјади денари, половина во месец септември и половина во месец март, наредната година.
Македонија
Средба на заменик претседателот на Владата и министер за транспорт Александар Николоски и Амбасадорот на Унгарија, Андраш Клајн
![](https://makfax.com.mk/wp-content/uploads/2024/07/IMG-1a720f5f17a630e51d946fa70a0e08c2-V.jpg)
Заменик претседателот на Владата и министер за транспорт Александар Николоски, денеска оствари работна средба со Амбасадорот на Унгарија, Андраш Клајн.
На средбата министерот Николоски упати честитки за преземањето на претседателството со Советот на ЕУ од страна на Унгарија, со порака дека Владата останува силно фокусирана на европската агенда.
Исто така министерот Николоски ги потенцираше реформските процеси, истакнувајќи ги плановите на Владата за регионална интеграција и зајакнување на односите со земјите од Западен Балкан.
На средбата се разменија информации околу искуствата за модернизација на регионалната инфраструктура, со посебен фокус на патната и железничката инфраструктура.
Во Унгарија гледаме како долгогодишен партнер и пријател и огромна е поддршката што ја овозможува Унгарија за евроинтегративниот процес како врвен приоритет, потенцираше на средбата министерот Николоски.
И двајцата се согласија за натамошно зајакнување на билатералните односи и интензивирање на соработката во области од заеднички интерес за двете земји.