Свет
Француски ловци ја надлетуваат либиската територија
Ловците од типот „рафал“ на француското воено воздухопловство вршат прелети над територијата на Либија, јавува АФП повикувајќи се на воени извори.
Според изворите на агенцијата, ловците ја надлетувале целата територија на Либија. Во информацијата која француските медиуми ја третираат како итна се нагласува дека француските авиони особено го надлетуваат Бенгази каде силите лојални на либискиот водач Моамер ел-Гадафи од утринава влегоа во завршната операција за задушување на востанието против неговиoт режим.Инаку според последните информации на катарската сателитска телевизија Al Jazeera во Бенгази, досега има најмалку 26 загинати а повеќе од 40 се ранети. Ова, како што пренесува телевизијата го изјавиле од градската болница Џала во која биле довезени загинатите и ранетите. Претставници на бунтовниците изјавиле дека се под воздушни напади од владините сили. Сепак, според нив, нивнтие сили го одбиле нападот на единицата од оклопни возила на силите лојални на Гадафи кои се обиделе да продрат кон центарот на Бенгази. Претходно, британската радиодифузна мрежа BBC јави дека армиските тенкови во саботата навлегле во градот. Во меѓувреме во саботата, портпаролот на либиското министерство за надворешни работи изјави дека армијата го почитува прекинот на огнот, но дека бунтовниците ги нападнале единиците во регионот на Бенгази. Од друга страна претставници на вооружените опозициски групи соопштија дека градот е бомбардиран од страна на владините сили. Во саботата наутро над Бенгази беше урнат воен авион кој според изјави на свеодци најверојатно бил од воената база во Бенгази. Либиската влада ги демантираше информациите дека нејзините сили го напаѓаат подрачјето на Бенгази, обвинувајќи ги бунтовниците за напад. Претходно во петокот владата на Либија најави прекин на сите воени операции против бунтовниците во врска со усвојувањето на резолуцијата на ОН. Триполи ги негираше извештаите во врска со бомбардирањето на либискиот градови. Покрај тоа, либиските власти поканија набљудувачи од Турција, Грција и Малта за да го следат прекинот на огнот. Резолуцијата усвоена во четвртокот во Советот за безбедност, предвидува затворање на воздушниот простор над Либија за да се прекинат воздушните напади врз бунтовничките сили и да се избегнат цивилни жртви. Одлуката на Советот за безбедност наложува забрана за летање на либиските авиони, а предвидува и вентуалната воена акција, но без употреба на копнените сили. Од 15-ти февруари во Либија започнаа протести кои во источните делови од земјат арпераснаа во народно востание против власта на Гадафи, кој управува со земјата 42 години. Либиската авијација секојдневно ги бомбардира позициите на бунтовниците во источниот дел на земјата и градовите во кои тие ја преземаа контролата во западниот дел на Либија. Либиските власти тврдат дека се борат против групи кои се поддржани од глобалната терористичка мрежа Ал Каеда, чии високи претставници пшред извесно време повикаа на соборување на режимот на Гадафи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп: Наскоро ќе разговарам со Путин, европските лидери доаѓаат во Америка
Американскиот претседател Доналд Трамп објави дека неколку европски лидери ќе ги посетат Соединетите Американски Држави денес и утре за да разговараат за начините за решавање на војната меѓу Русија и Украина.
Во разговор со новинарите по враќањето од тенискиот турнир на Отвореното првенство на САД во Њујорк, Трамп исто така рече дека наскоро ќе разговара со рускиот претседател Владимир Путин. „Одредени европски лидери доаѓаат во нашата земја поединечно“, додаде Трамп.
Не беше јасно на кого мислеше Трамп, а Белата куќа не одговори веднаш на барањето за дополнителни детали.
Трамп рече дека „не е задоволен“ од ситуацијата откако новинарите го прашаа за масивниот руски воздушен напад што ја погоди владината зграда во Киев.
Сепак, тој го повтори своето верување дека војната наскоро ќе заврши. „Ситуацијата меѓу Русија и Украина, ќе ја завршиме“, рече Трамп.
фото: принтскрин
Европа
Орбан: Европската Унија се распаѓа пред нашите очи, ако не дејствуваме, следниот буџет ќе биде последниот буџет на ЕУ
Унгарскиот премиер Виктор Орбан вчера изјави дека Унгарците ќе мора да изберат помеѓу две страни на парламентарните избори следната година.
„Унгарија има само два избора во стратешка смисла. Едниот избор е да се придружи на политиките на Брисел. Тоа, според мене, би било катастрофално, со последици што би нè фрлиле во хаос и сиромаштија“, им рече Орбан на поддржувачите на неговата партија Фидес.
Политичките аналитичари предвидуваат дека Орбан се соочува со своите најтешки избори откако дојде на власт во 2010 година. Економијата на Унгарија стагнира, а инфлацијата го спречува да ги намали каматните стапки, кои се на 6,5 проценти, највисоки во Европската Унија.
Орбан во неколку наврати се судри со Европската Унија околу правата на мигрантите, правата на ЛГБТ заедницата, слободата на судовите и академиците и поддршката за соседна Украина по руската инвазија во февруари 2022 година. Вчера, тој изрази сомнежи за иднината на Европската Унија.
„Европската Унија се распаѓа пред нашите очи. Само фундаментална реорганизација може да ги запре силите што ја распаѓаат Унијата. Ако не дејствуваме, следниот буџет ќе биде последниот буџет на Европската Унија“, предупреди тој.
„Се соочуваме со задачата да го изготвиме буџетот на Европската Унија за периодот 2028-2035 година. Дури и ако овој буџет се усвои, што е многу малку веројатно. Дури и ако се усвои, тоа ќе биде последниот седумгодишен буџет“, забележа тој.
„За да се избегне колапс, Европската Унија мора темелно да се реорганизира. Бидејќи денес силите што ја делат растат, додека силите што ја држат заедно исчезнуваат. Реорганизацијата би можела да го промени овој тренд, правејќи во интерес на повеќето земји-членки да останат во Европската Унија“, додаде тој.
фото: принтскрин
Свет
Хамас одговори на „последното предупредување“ од Трамп
Палестинската милитантна група Хамас соопшти дека е подготвена веднаш да започне преговори по „последното предупредување“ од американскиот претседател Доналд Трамп, во кое бара да прифатат договор за ослободување на израелските заложници од Газа.
Хамас потврди доцна синоќа дека добил „некои идеи од американската страна со цел постигнување преговори за прекин на огнот“, додавајќи дека „го поздравува секој потег што ќе помогне во напорите за запирање на агресијата врз народот“.
Организацијата соопшти дека е „подготвена веднаш да седне на преговарачка маса за да разговара за ослободување на сите затвореници во замена за јасна декларација за крај на војната, целосно повлекување од Појасот Газа и создавање независен палестински комитет за управување со Појасот Газа“.
Изјавата дојде кратко откако Трамп напиша на својата мрежа Truth Social дека „Израелците ги прифатија неговите услови“, без да даде детали. „Време е Хамас да ги прифати. Го предупредив Хамас за последиците од неприфаќањето. Ова е моето последно предупредување, нема да има второ!“ додаде Трамп.
„Сите сакаат заложниците да се вратат ДОМА. Сите сакаат оваа војна да заврши“, рече американскиот претседател.
САД, Катар и Египет посредуваат во индиректните разговори меѓу Израел и Хамас за завршување на војната во Газа, која започна со напад на Хамас на 7 октомври 2023 година, во кој беа убиени околу 1.200 луѓе, а повеќе од 250 беа киднапирани.
Повеќе од 64.000 Палестинци се убиени во Газа од тогаш, според локалните здравствени власти управувани од Хамас, бројка што Обединетите нации ја сметаат за веродостојна. Според израелските бројки, 48 заложници остануваат во крајбрежната енклава, а се верува дека 20 се живи.
(Видео) Филипче: Ова е држава на сите, мора да се бориме за нашиот дом
„Државата не е ничија сопственост. Не е сопственост на партиите, ниту на владата. Државата е на граѓаните. Таа е нашиот...
Три активни пожари во државата, еден под контрола, а 27 се изгаснати
Во последното денонноќие, до 07:00 часот утрово, на територијата на Р.С. Македонија имало вкупно 31 пожар на отворен простор, од...
Сиљановска-Давкова по повод 8 Септември: Денес, 34 години потоа, сè уште водиме битка за суверена, рамноправна, модерна, стандардна, европска, правна држава, членка на Европската Унија
Претседателката на Македонија, Гордана Сиљановска-Давкова упати честитка по повод 8 Септември – Денот на независноста. „На 8 Септември 1991 година,...
(Видео) Трамп прашан дали ќе нареди напади врз Венецуела: „Ќе дознаете“
Американскиот претседател Доналд Трамп вчера даде интересен одговор кога беше прашан дали би наредил воени напади врз Венецуела. „Па, ќе...
Министерот Мисајловски со честитка до македонските граѓани по повод 8. Септември – Денот на независноста
Министерот за одбрана Владо Мисајловски им упатува честитки на македонските граѓани, по повод 8. Септември, Денот на независноста. Во честитката,...
Гаши: Време е секој од нас да придонесе во зајакнувањето на мирот, стабилноста и соживотот
Претседателот на Собранието на РС Македонија, Африм Гаши на сите граѓани им ја честита 34-годишнината од независноста на државата. „Денот...
(Фото) Вечерашниот небесен спектакл нема да се повтори сè до 2029 година
Љубителите на астрономијата и набљудувачите на ноќното небо вечерва имаа можност да уживаат во небесен феномен. Во ноќта помеѓу 7...
Полициски хеликоптер и два ер трактори се борат со пожарот кај Раштак
Пожар попладнево изби над скопското село Раштак на Скопска Црна Гора. Чадот од пожарот се гледа од поголем дел од...
28-годишен струмичанец сексуално злоставувал малолетна роднина
Дваесет и осумгодишен струмичанец е приведен под сомнение дека се обидел да изврши обљуба врз малолетничка со која бил во...
Сите хоспитализирани од пожарот во Виница се во стабилна здравствена состојба, соопшти МЗ
Тринаесет лица се хоспитализирани по пожарот што вчера доцна попладне избувна во фабриката за кандирани производи и вафли „Макпрогрес“ во...
Се урна покрив на супермаркет во Германија, двајца се тешко повредени
Две лица се тешко повредени, а уште двајца се со полесни повреди при делумно уривање на покрив на супермаркет во...
Руските сили извршија нов масовен напад врз повеќе региони во Украина, меѓу загинатите е и бебе
Руските сили ноќеска извршија нов масовен напад врз повеќе региони во Украина, меѓу кои и главниот град Киев, каде е...
Во пожарот во „Винчини“ повредени се пожарникари, доброволци и вработени во фабриката
Медицинска помош во текот на синоќешниот пожар во фабриката Макпрогрес-Винчини побарале 16 лица, изјави градоначалникот на Општина Виница, Миле Петков....
Зеленски тврди дека речиси 60 проценти од оружјето што го користи украинската армија се произведува во Украина
Украинскиот претседател Володимир Зеленски изјави синоќа дека речиси 60 проценти од оружјето што го користи украинската армија се произведува во...
Подметнат е големиот пожар кој избувна кај селото Косово Дабје близу планината Голак
Пожарот кој синоќа околу 23 часот избувна кај селото Косово Дабје во Општина Делчево, е целосно изгаснат и ставен под...
Пожарот во фабриката „Винчини“ е под контрола, пожарникарите со часови се бореле со огнот
Ставен е под целосна пожарот што изби вчера во фабриката за кандирани производи и вафли „Макпрогрес“ во Виница позната по...
Руската вакцина против рак успешно ги помина претклиничките испитувања и е подготвена за употреба
Руската вакцина против рак успешно ги помина претклиничките испитувања и е подготвена за употреба по добивањето лиценца, објави Вероника Скворцова,...
Чизмите им останале заглавени во стопен шеќер, повредени неколку пожарникари, пожарот во „Винчини“ под контрола
Неколку пожарникари се здобиле со изгореници на стапалата додека го гаснеле големиот пожар во фабриката „Винчини“. Тие се заглавиле во...
(Видео) Фабриката „Винчини“ во пламен, ангажирани пожарникари од повеќе градови
Голем пожар ја зафати фабриката за слатки „Винчини“ во Виница, каде што огнените јазици уништија магацини и неколку производствени погони....
Пет лица повредени, една жена во критична состојба во сообраќајка во Скопје
Пет лица се повредени во сериозна сообраќајна несреќа што се случи вчера околу 19:30 часот на улицата Христијан Тодоровски Карпош...
