Свет
Дванаесет лица загинаа во судирите во сириското пристаниште Латакиа

Во судирите што избувнаа во саботата навечер во најголемото сириско медитеранско пристаниште Латакиа загианел десет војници и двајца милитанти, пренесува во неделата AFP, повикувајќи се на Бусејни Шабан, советник за информации на претседателот Башар ал-Асад
Сириската новинска агенција SANA претходно во саботата навечер јави „вооружени групи ги заземале покривите на зградите во некои делови од градот и отворил оган врз минувачите и безбедносните сили“. Според други извори, неколку десетици луѓе собрани на протест ја нападнале зградата во којашто бил сместен градскиот огранок на владејачката Баат партија. Претходно во саботата групата којашто себеси се нарекува „Револуција во Сирија 2011“ преку социјалната мрежа Фејсбук беше раширен повик за „народно востание“ низ целата земја. Како што се наведува на интернет страницата, цел на оваа група е „постигнување слободата во Сирија“. Немирите во Сирија започнаа во пограничниот град со Јордан – Дераа на 18-ти март. Тие беа испровоцирани откако безбедносните сили уапсија група ученици, кои по ѕидови и огради испишувале анти-владини слогани. Во судирите со полицијата изминатата седмица загинаа десетици луѓе. Судирите во Дараа ескалираа кога демонстрантите се обидоа да ги соборат статуите на поранешниот претседател Хафез Асад по што го искинаа и големото пано со ликот на Башар Асад, кој е моментално претседател и син на Хафез. Претходнно во саботата претседателот Асад ги повлече полицијата и војската од улиците во градовите на југот од земјата во обид да ги смири демонстрациите.Во петокот илјадници луѓе учествуваа на протестниот марш во различни делови на Сирија, барајќи реформи и изразувајќи солидарност со жителите на градот Дараа.Според сириските власти, во протестите и судирите изминатава седмица во градот Дараа кој се наоѓа во близина на сириско-јорданската граница загинале 43 луѓе.Протестите во Сирија продолжуваат и покрај ветувањето на владата дека ќе зиврши итни економски и политички реформи во земјата. Пакетот мерки усвоен од страна на владејачката партија Баат вклучува итно укинување на законите за политички партии и за медиуми, со кои треба да се обезбеди поголема слобода на изразувањето во Сирија. Прифатените решенија, исто така, предвидуваат построга анти-корупциска политика, зголемување на платите на државните службеници, како и создавање нови работни местаМасакрот во Санамеин, јужно од престолнината Дамаск, кој во изминативе две седмици беше поприште на демонстрации и судири со безбедносните сили, се случи во средата. Бунтовниците запалија оган под споменикот на таткото на сегашниот претседател, Хафес ал-Асад, кој почина во 1980 г., што ги испровоцирало сите на редот да отворат оган со боева муниција. Санамеин се наоѓа на 40 километри северно од Дараа.Во Дераа, пак, илјадници луѓе присуствува на погребот на 37-те демонстранти кои во средата беа убиени од силите на претседателот Башир ал-Асад. И покрај огромно присуство на силите за безбедност и нивната подготвеност да користат сила при разбивањето на демонстрациите, во градот се собраа луѓе од речиси сите околни места. Демонстрантите во Дараа извикувале слогани против Мохар Асад, братот на претседателот, кој е командант на елитната Револуционерна гарда. Тие го повикуваа Мохар да не пука на демонстрантите, туку со своите трупи да ја ослободи висорамнината Голан, која Израел и ја одзема на Сирија во војната во 1967 г.Во Дамаск силите на редот приведоа повеќе десетици демонстранти, кои учествувале во кусите демонстрации. Во градот Хама, се собрале повеќе стотици демонстранти, кои извикувале „ѕвони ѕвоното на слободата“, слоган кој се користеше при сите демонстрации на Блискиот исток. Во Хама во 1982 г. сириските сили за безбедност задушија исламистичко востание, при што беа убиени илјадници луѓе.Дара е центар на земјоделски регион кој тешко настрада во изминативе неколку години поради се поголемиот недостиг од вода. Исто така, во регионот се пребегнати голем број на жители од источна Сирија, каде што сосема снема вода за пиење и наводнување.Демонстрациите во Сирија траат веќе две седмици, при што демонстрантите повикуваат на прекинување на корупцијата и на вонредната состојба која трае веќе 48 години. Сирија се наоѓа во постојана вонредна состојба откако во 1963 г. на власт дојде партијата Бат и донесе забрана за постоење на опозиција.Во неделата толпата во Дара запали зграда на суд и седиштето на владејачката партија. Протестите стануваат се’ поголема закана за претседателот Башир Асад, кој на функцијата го наследи својот татко.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
ОН: Имаме 190.000 тони залихи што чекаат да влезат во Газа, тоа не е доволно

Обединетите нации повикуваат на огромно зголемување на хуманитарната помош за Газа по прекинот на огнот меѓу Хамас и Израел, велејќи дека стотиците камиони со залихи дозволени во опустошената енклава не се ни блиску до нивото потребно за ублажување на хуманитарната катастрофа.
Том Флечер, шефот за хуманитарни прашања на ОН, во интервју за „Ројтерс“ изјави дека илјадници возила за помош мора да влегуваат во Појасот Газа секоја недела за да се избегне понатамошна катастрофа.
„Имаме 190.000 тони залихи што чекаат да влезат на границата и сакаме да ги внесеме. Ова е неопходна храна што спасува животи“, рече Флечер.
Двегодишната воздушна и копнена офанзива на Израел против палестинската милитантна група Хамас ги протера речиси сите 2,2 милиони жители на Газа од нивните домови, според меѓународните организации.
Израелските власти рекоа дека на 600 камиони им е одобрено да влезат во енклавата според сегашниот договор за прекин на огнот посредуван од САД. Флечер го нарече тоа „добра основа“, но забележа дека не е доволно со оглед на потребите.
Тој побара на повеќе од 50 меѓународни невладини организации, вклучувајќи ги Оксфам и Норвешкиот совет за бегалци (НРЦ), да им биде дозволено да донесат хуманитарна помош, велејќи дека Израел, САД и другите регионални партнери биле информирани за ова прашање.
„Не можеме да ги доставиме потребните количини без нивно присуство и ангажман. Затоа сакаме да се вратат внатре. Се залагаме во нивно име“, рече тој. Додаде дека грабежите на камиони со хуманитарна помош, што беше чест проблем за време на конфликтите, нагло се намалија во последните денови, додека количината на доставена помош се зголеми.
„Ако имате само 60 камиони што доаѓаат дневно, очајни, гладни луѓе ќе ги нападнат тие камиони. Начинот да се запре грабежите е да се добие помош во масовно ниво и повторно да се отворат приватниот сектор и пазарите.“
Фото: ЕПА
Свет
Хегсет: Русија, престанете со крвопролевањето или ќе одговориме како што само ние можеме

Американскиот секретар за одбрана, Пит Хегсет, им се обрати на своите колеги за време на денешниот состанок на земјите-членки на НАТО.
„Европските лидери испраќаат јасна порака до Русија дека сега е време да се стави крај на војната во Украина. Ако оваа војна не заврши, ако нема пат кон мир на краток рок, тогаш Соединетите Американски Држави, заедно со нашите сојузници, ќе преземат потребни чекори за да ѝ наметнат цена на Русија за нејзината континуирана агресија“, рече Хегсет на состанок во Брисел.
„Ако мора да го направиме овој чекор, Министерството за одбрана на САД е подготвено да го направи својот дел на начини на кои што само Соединетите Американски Држави можат“, објави тој.
Тој истакна дека САД го гледаат смртоносниот и способен НАТО под водство на Европа и украинската армија способна да се одбрани како најефикасно средство за одвраќање од руската агресија.
„Под цврстото водство на претседателот Трамп, а особено со нашите европски сојузници, ќе ја завршиме војната во Украина. Војната мора да заврши“, рече тој.
Хегсет ги повика сојузниците да ги зголемат инвестициите во програмата „Приоритетна листа на барања за Украина“ (PURL), која ги замени донациите за оружје од САД за Украина и бара од сојузниците да плаќаат за испораките на оружје од САД.
Генералниот секретар на НАТО, Марк Руте, потврди дека две милијарди долари веќе се ветени преку тој механизам, но ова е помалку од 3,5 милијарди долари што украинскиот претседател Володимир Зеленски се надеваше дека ќе ги обезбеди до октомври.
Шведска, Естонија и Финска во средата ветија дека ќе придонесат, но земјите како Шпанија, Италија, Франција и Велика Британија се соочија со критики за воздржување. Украина останува во голема мера зависна од американското оружје додека се подготвува за уште една зима на конфликт со Русија.
Килскиот институт за светска економија денес објави дека воената помош за Украина се намалила за 43 проценти во јули и август во споредба со првата половина од годината.
Свет
Нетанјаху се појави на суд, обвинет e за корупција, измама и поткуп

Израелскиот премиер Бенјамин Нетанјаху денес се појави на суд во Тел Авив, каде што сведочеше во неговото судење за корупција – само два дена откако тој, заедно со Доналд Трамп, го означи ослободувањето на последните преживеани заложници во Израел и го објави крајот на двегодишната војна во Газа.
Според израелските медиуми, министри и пратеници од партијата Ликуд на Нетанјаху присуствуваа на седницата, поддржувајќи го за време на неговото сведочење.
Во говорот пред Кнесетот во понеделник, Трамп дури и го повика израелскиот претседател Исак Херцог да го помилува Нетанјаху.
Израелскиот премиер се соочува со три одделни обвиненија, познати како Случаи 1000, 2000 и 4000. Тој е првиот актуелен израелски премиер кој некогаш сведочел како обвинет за кривично дело.
Во Случајот 1000, тој е обвинет за измама и кршење на довербата бидејќи тој и неговата сопруга наводно добиле луксузни подароци како што се пури и шампањ од бизнисмени во замена за политички услуги.
Случајот 2000, исто така, вклучува измама и кршење на довербата – Нетанјаху е обвинет дека му понудил поволни закони на медиумски издавач во замена за поволно медиумско известување.
Најсериозното обвинение, Случајот 4000, вклучува обвиненија за поткуп, измама и кршење на довербата. Обвинителите тврдат дека Нетанјаху ја фаворизирал телекомуникациската компанија Безек во замена за поволно известување на порталот Вала, кој е во сопственост на сопственикот на Безек, Шаул Елович.
Нетанјаху ги отфрла сите обвинувања и тврди дека е жртва на „политички лов на вештерки“.